26 сентябрдан бошлаб, «Uzbekistan Airways» АЖ Тошкент — Киев — Тошкент йўналиши бўйича авиақатновларни тикламоқда. Бу ҳақда компания матбуот хизмати хабар берди.
Режага мувофиқ қатнов ҳафтада бир марта — якшанба кунлари амалга оширилади.
«Uzbekistan Airways» 2015 йил май ойида Тошкент — Киев — Тошкент йўналиши бўйича парвозларни тўхтатиб, ўша йилнинг сентябрь ойида Украина пойтахтидаги ўз офисини ёпган эди.
Тошкент — Киев йўналишида авиачипта 2 234 655 сўмдан (багажсиз) ва 2 575 535 сўмдан (багажни ҳисобга олган ҳолда), Тошкент — Киев — Тошкент йўналишидаги авиачипталар эса 4 205 223 сўмдан (багажсиз) ва 4 836 482 сўмдан (багажни ҳисобга олган ҳолда) бошланади.
