Фарғонада 2023 йил охиригача 100 МВт қувватга эга қуёш фотоэлектр станцияси қурилади
Фарғона вилоятининг Ўзбекистон туманида 98 млн доллар эвазига қуввати 100 МВт бўлган қуёш фотоэлектр станцияси қурилади. Вилоят ҳокими Хайрулло Бозоров лойиҳани 2024 йил 2-чорагида эмас, балки 2023 йил охиригача якунлаш кераклигини айтиб, бунинг учун ҳар томонлама кўмак кўрсатилишини билдирди.
Андижонда юк машинаси босиб кетган аёл вафот этди
Андижон туманида юк машинаси ҳайдовчиси йўлнинг белгиланмаган қисмидан ўтаётган 21 ёшли аёлни босиб кетди. Кўрсатилган ёрдамга қарамасдан у шифохонада вафот этди.
Бухорода фуқароларга ноқонуний диний таълим бераётган шахслар аниқланди
Пешку туманида икки шахс 28 кишига, яна бири 8 кишига араб тили баҳонасида ноқонуний диний таълим бериб келаётгани аниқланди. Улар фаолияти тақиқланган Содиқ Самарқандийнинг маърузаларини ижтимоий тармоқлар орқали тарқатиб келгани ҳам маълум бўлди.
Самарқандда банкоматни ўғрилаб кетган шахслар қамоққа олинди
Каттақўрғон туманида бир гуруҳ шахслар ичида 720 млн сўм бўлган банкоматни ўғрилаб кетди. Суриштирув давомида аппарат бўлаклари ташландиқ жойдан топилди. Ҳолат бўйича 4 киши қамоққа олинди.
Жаҳон янгиликлари дайжести
АҚШ ва Канадада -50 даражали совуқ бўлиши кутилаётгани, Хитойда карантин чекловлари олиб ташланганидан сўнг 80 кишининг коронавирусдан вафот этгани, 18 ёшли канадалик қизнинг лотореядан биринчи уринишда 36 млн доллар ютиб олгани ва бошқалар — «Газета.uz»нинг жаҳон янгиликлари дайжестида.
Нукус воқеалари бўйича судланган Полат Шамшетов вафот этди
Қорақалпоғистон ИИВ Жиноят қидирув бошқармаси бўлимининг собиқ бошлиғи, Қорақалпоғистоннинг биринчи президенти Даулетбай Шамшетовнинг ўғли Полат Шамшетов тахминан юрак хуружидан вафот этди. У Нукус воқеалари бўйича айбдор деб топилиб, 6 йил қамоқ жазосига ҳукм қилинганди.
Тошкент вилоятида кран қулаши оқибатида машинист вафот этди
Паркент тумани Заркент қишлоғида автокран қулаб, унинг машинисти шифохонада вафот этди. Ҳодиса бўйича махсус текшириш ўтказилиб, хулосалар ҳуқуқ-тартибот органларига тақдим этилиши маълум қилинди.
Нукусдаги оилавий поликлиникаларда «Аллергия ва астма» мактаблари ташкил этилади
Оролбўйи минтақасида аллергик касалликларни эрта аниқлаш ва даволаш юзасидан «Аллергия ва астма» мактабларини ташкил этиш режа қилинмоқда. Нукус кўп тармоқли марказий поликлиникаси қошида ташкил этилаётган мактаблар аҳоли ўртасида бу турдаги хасталикларни эрта босқичда аниқлаш имконини беради.
Япон компанияси Фарғонада чиқиндини қайта ишлаш корхонасини қуради. Лойиҳа қиймати — 10 млн доллар
Фарғонада Япониянинг Sansho компанияси томонидан чиқиндини қайта ишлаш корхонаси қурилади. 10 млн долларлик лойиҳа Саткак қишлоғида 2 босқичда амалга оширилади. Биринчи босқич 2023 йил сентябргача ишга туширилиши режалаштирилмоқда.
«Ўзбекнефтгаз» — ёнилғи қуйиш шохобчаларида навбатлар юзага келгани ҳақида
«Ўзбекнефтгаз» АЖ ўз ёнилғи қуйиш шохобчаларидаги узун навбатларни биржа орқали олинган бензиннинг баъзи хусусий АЁҚШларда сотилмаётгани, нархлар сунъий оширилаётгани, шунингдек, талабни қондириш учун ишлаб чиқариш қуввати етишмаслиги билан изоҳлади.
Ўзбекистон Туркманистондан суюлтирилган газ партиясини бепул олади
Туркманистон Ўзбекистонга «биродарлик ёрдами» сифатида суюлтирилган газни «тегишли ҳажмда» бепул етказиб беради.
«Педофилларга энг оғир жазо тури қўлланиши керак» — Бола омбудсмани
Бола ҳуқуқлари бўйича вакил Алия Юнусовага кўра, Тошкентдаги 12 яшар қизнинг аянчли ўлими Ўзбекистонда болалар хавфсизлиги тўлиқ таъминланмаганини кўрсатади. Унинг таъкидлашича, педофилларга нисбатан жазо турини кучайтириш, уларга ҳеч қандай амнистия акти тузилмаслиги ва афв этилмаслиги керак.
«Базальт» операцияси бошланди. Тошкентдаги «дом»ларни совуқ ўтмайдиган уйларга айлантиришга киришилди
Тошкентнинг Чилонзор туманидаги учта «хрушчёвка» кўп қаватли уйларни иситиш лойиҳаси доирасида базальт плиталари билан қопланмоқда. Мақсад — пойтахт аҳолиси чироқсиз ва иссиқликсиз қолиб кетган қишки инқироз такрорланишига йўл қўймаслик. «Газета.uz» ишларнинг бориши ва одамлар фикри билан танишди.
Тошкентда ўқувчиларни ўғирлаб кетишга уриниш бўлгани рад этилди
Пойтахтда мактабдан қайтаётган болаларни номаълум шахслар ўғирлаб кетмоқчи бўлгани айтилган видеохабар тарқалди. ИИВнинг аниқлик киритишича, хабарлар асоссиз. Болалар машинага муз бўлагини тепган, автомобилдаги ўқувчи эса уларни ички ишларга олиб боришини айтиб қўрқитган.
Айрим дорихоналарда Quramax компанияси олиб кирган сироп ва таблеткалар ҳамон сотилмоқда — «Юксалиш» ҳаракати
Ўзбекистон бўйлаб 308 та дорихонада ўтказилган мониторингда аниқланишича, сотуви тақиқланган, Quramax Medical компанияси олиб кирган дорилар сотуви ҳамон давом этмоқда. Аҳоли бу дориларни юз берган фожиали ҳолатларга қарамай, аввалгидек сотиб оляпти, дейилади «Юксалиш» умуммиллий ҳаракати хабарида.
Нима тайёрлаймиз: Мол гўштидан таомлар
Қовурдоқ, сацебели қайласида пиширилган мол гўшти, хитойча услубда пиширилган гўшт, жаркоп, чашушули, Азу ва бошқалар — Zira.uz ўзбек ҳамда чет эл ошхонасига мансуб мол гўштидан тайёрланган мазали таомлар рўйхатини тақдим этади.
Тошкент вилоятида аҳолининг мол-қўйларини ўғирлаётган гуруҳ ушланди
Юқори Чирчиқ туманида аҳолининг жами 9 бош қўйи ва 2 бош бузоғини ўғирлаган 6 киши ушланди. Уларга нисбатан жиноят иши қўзғатилган.
Жаҳон янгиликлари дайжести
2022 йилда Россиянинг озиқ-овқат маҳсулотларини хорижга етказиб бериш ҳажми 12 фоизга ошгани, Эронда ҳижоб ўрамаган аёлларни жаримага тортувчи қонун лойиҳаси ишлаб чиқилгани, Қатарда ҳашаротли таомларни сотиш тақиқлангани ва бошқалар — «Газета.uz»нинг жаҳон янгиликлари дайжестида.
3 февраль куни Ўзбекистонда содир бўлган энг муҳим хабарлар дайжести
Тириги эмас, ўлиги танилган 12 ёшли қиз воқеаси, Тошкентда очилган газ «заправка»лар рўйхати, Нукус воқеалари бўйича навбатдаги суд, ЕОИИ мамлакатлари билан ташувларни соддалаштиришга интилаётган Ўзбекистон, диний қўшиқ тарқатиб 5 йилга қамалган йигит ва бошқалар — «Газета.uz»нинг кун дайжестида.
Лавров Ғарбнинг Молдовадан «навбатдаги Украина» яратиш истаги борлигини маълум қилди. Кишинёв вазирнинг сўзларини қоралади
Россия ташқи ишлар вазири Сергей Лавровнинг фикрича, Ғарб давлатлари «навбатдаги Украина» роли учун Молдовани кўриб чиқмоқда. Кишинёв вазирнинг «таҳдидли риторикасини» қоралаб, «Молдова ўз келажагини танлади ва бу келажак эркин дунёнинг бир қисми бўлишини» таъкидлади.
Қўшимча имкониятларга эга булиш учун сайтда рўйхатдан ўтинг