Сайлов-2023
«Коррупция бўлмаса, ҳаммаси халққа ваъда берганимиздек бўлади» — Ўзбекистон президенти
Шавкат Мирзиёев инаугурация нутқида «ҳамма тизим ўзгаради», дея ваъда берди. Қонунлар, одамларни менсимайдиган, уларга қўпол муносабатда бўладиганлар ўрнини ёшлар эгаллашини билдирди. Президент коррупция бўлмаса, «барча ишлар халққа ваъда берилганидек бўлади», дея таъкидлади.
Ким «Сайлов ўтди — сафарбарлик тугади», деб ўйласа, хато қилади — Шавкат Мирзиёев
Шавкат Мирзиёев инаугурация маросимидаги нутқида Ўзбекистонда ҳақиқий сафарбарлик энди бошланишини таъкидлади. «Кимки „Сайлов ўтди — сафарбарлик тугади“, деб ўйласа, хато қилади», — деди 3-муддатга сайланган президент.
Шавкат Мирзиёев президент сифатида қасамёд қилди
Шавкат Мирзиёев 14 июль куни Олий Мажлис Қонунчилик палатаси ва Сенатининг қўшма мажлисида Ўзбекистон президенти сифатида қасамёд қилди.
ЕИ Ўзбекистонни демократик ислоҳотларда қўллаб-қувватлашини эълон қилди
Европа Иттифоқи Ўзбекистонда бўлиб ўтган президентлик сайлови якунлари бўйича эълон қилган баёнотида мамлакатни демократик ислоҳотларни амалга оширишда қўллаб-қувватлашда давом этишини ҳамда ЕХҲТ ДИИҲБ кузатувчилар миссияси хулосаларини «эътиборга олиши»ни таъкидлади.
«Халқ ишончини оқлаш учун жонимни фидо қилишга тайёрман» — Шавкат Мирзиёев
Шавкат Мирзиёев Ўзбекистон президенти этиб қайта сайланганидан кейинги илк нутқида халқнинг юксак ишончини оқлаш учун бор билим, тажриба ва кучини сарфлашини, керак бўлса, бунинг учун жонини ҳам беришга тайёрлигини таъкидлади.
Марказий сайлов комиссияси президент сайловлари натижаларини тасдиқлади. Шавкат Мирзиёев 87,05% овоз билан ғалаба қозонди
Ўзбекистон президентининг муддатидан олдин ўтказилган сайловида овоз беришнинг якуний натижаларига кўра, Шавкат Мирзиёев 87,05% овоз билан ғалаба қозонди. Робахон Маҳмудова 4,43%, Улуғбек Иноятов 4,02%, Абдушукур Ҳамзаев 3,74% овоз тўплади. Буни Марказий сайлов комиссияси тасдиқлади.
48,7% дан 96,5% гача. Тошкентда Шавкат Мирзиёевга қандай овоз беришди? (47 та участка мисолида)
«Газета.uz» Тошкент шаҳридаги 47 та (улар жами 822 та) сайлов участкаси маълумотларини таҳлил қилди. Ғолиб Шавкат Мирзиёев уларда 48,7 фоиздан 96,5 фоизгача овоз тўплади. Айрим участкаларда ҳақиқий эмас деб топилган бюллетенлар улуши қолган учта номзоднинг умумий фоизларидан ҳам юқори бўлган.
АҚШ Ўзбекистон президентининг ислоҳотлар дастурини қўллаб-қувватлашини билдирди
АҚШ элчихонаси Ўзбекистондаги муддатидан илгари президентлик сайлови якунлари бўйича берган баёнотида Қўшма Штатлар Шавкат Мирзиёевнинг ислоҳотлар дастурини амалга ошириш ва мамлакатда бошқарув тизимини такомиллаштиришда ёрдам беришга тайёрлигини таъкидлади.
Рақобат йўқ, лекин яхши ташкил этилган. ЕХҲТ ДИИҲБ миссияси — президентлик сайлови тўғрисида
Ўзбекистонда президентлик сайлови «яхши тайёргарлик кўрилган» бўлса-да, «ҳақиқий рақобат»дан холи бўлди, дейди ЕХҲТ ДИИҲБ миссияси. Кузатувчиларга кўра, сайлов куни «сокин ўтди», лекин қонунбузарликларсиз эмас. ОАВда танқидий ёритилмагани сайловчиларнинг «онгли танлов»ига тўсқинлик қилди.
Репортаж: Тошкентда сайлов натижалари қандай ҳисоб-китоб қилинди?
«Газета.uz» президент сайлови куни Тошкентдаги бир нечта сайлов участкаларида бўлди ва сайлов округидаги 822 та сайлов участкасидан тўпланган овозларни санаб чиқиш жараёнини кузатди. Сайлов ғолиби Шавкат Мирзиёев пойтахтда республикадаги ўртача кўрсаткичдан камроқ овоз тўплади.
Марказий сайлов комиссияси: «Ҳеч ким тазйиқ ўтказгани йўқ, биз мустақилмиз»
Марказий сайлов комиссияси раҳбарияти ва аъзолари «Amerika Ovozi» мухбирининг саволларига жавоб берар экан, МСКга ҳеч ким тазйиқ ўтказмагани, у мустақиллиги ва Конституцияга асосан фаолият олиб бориши, қолаверса, ЕХҲТ ДИИҲБ «олий ҳакам эмаслиги ва унга ёқиш учун сайлов ўтказилмаслигини» таъкидлашди.
МДҲ миссияси: «Ўзбекистонда сайлов шаффоф, очиқ ва адолатли ўтди»
Ўзбекистонда ўтган муддатидан илгари президентлик сайлови бўйича МДҲ кузатувчилари ўз миссиясини якунлади. Миссия «сайлов муқобиллик асосида, шаффоф, очиқ, адолатли ва демократик тамойилларга мос равишда ўтганини» қайд этди.
Шавкат Мирзиёев табрикларни қабул қилишни бошлади
Шавкат Мирзиёевнинг президент сайловидаги ғалабаси эълон қилингач, у қўшни ҳамда ҳамкор давлатлар раҳбарларидан табрикларни қабул қила бошлади. Биринчилардан бўлиб Туркманистон миллий етакчиси Гурбангули Бердимуҳамедов табриклади. Қутловлар келишда давом этмоқда.
Сайловда судларга ҳеч қандай мурожаатлар келиб тушмади — Олий суд
Олий суд раиси ўринбосари президентлик сайлови вақтида судларга ҳеч қандай мурожаатлар келиб тушмаганини маълум қилди. У бунга аҳолининг ҳуқуқий онги ошгани ва ОАВ вакиллари билан тегишли мулоқот ўрнатилганини сабаб сифатида кўрсатди.
Шавкат Мирзиёев сайловда 87,05 фоиз овоз билан ғалаба қозонди
Шавкат Мирзиёев учинчи президентлик сайловида 87,05 фоиз овоз билан ғалаба қозонди, деб хабар қилди МСК. Расмий маълумотларга кўра, сайловчиларнинг 79,88 фоизи жараёнда иштирок этган.
«Бизда қатъий методология мавжуд». ЕХҲТ ДИИҲБ миссияси раҳбари — Ўзбекистондаги сайловларни кузатиши ҳақида
Президент сайловини ЕХҲТ ДИИҲБ миссиясининг 280 дан ортиқ мутахассислари бутун Ўзбекистон бўйлаб кузатиб бормоқда. Улар қатъий методологияни қўллаган ҳолда 80 та саволдан иборат шаклни тўлдиряпти, электрон ручкалар эса маълумотларни онлайн режимда узатиб турибди, деди миссия раҳбари Урсула Гацек.
Президентлик сайловидаги давомат 70 фоизга яқинлашди — МСК
Соат 17:00 ҳолатига кўра, Ўзбекистон президенти сайлови бўйича рўйхатга олинган сайловчиларнинг 69,85 фоизи овоз берди, деб хабар қилди МСК.
Президент сайловида иштирок этганлар сони 60 фоиздан ошди — МСК
Марказий сайлов комиссияси Ўзбекистонда муддатидан олдин бўлиб ўтаётган президентлик сайловида соат 15:00 ҳолатига сайловчиларнинг 60,74 фоизи овоз берганини маълум қилди (11 млн 705 минг киши).
Президент сайловида овоз бериш жараёнлари суратларда
Пломбаланган сайлов қутилари, давлат мадҳияси янграши, бир неча паспорт кўтариб олган фуқаро, оилавий овоз беришга келганлар, президентликка номзодларнинг иштироки — «Газета.uz» мухбирлари пойтахтдаги сайлов участкаларидан фоторепортаж тайёрлади.
11:00 гача 6,4 млн киши овоз берди, қонун бузилиши ҳолатлари ҳақида маълумотлар келмади — МСК раиси ўринбосари
Сайлов жараёнининг 11:00 гача бўлган қисмида 6 млн 463 минг 874 киши (сайловчиларнинг 33,54 фоизи) овоз берди. «Ушбу рақамлар Марказий сайлов комиссияси томонидан муддатидан илгари Ўзбекистон президенти сайлови ўтган, деб ҳисоблашга асос бўла олади», — деди МСК раиси ўринбосари Баҳром Қўчқоров.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг