14 июль куни учинчи муддатга қайта сайланган президент Шавкат Мирзиёев инаугурация маросимидаги нутқида сайловнинг эртаси куниёқ белгилаб олинган мақсадларни амалга ошириш бўйича қатъий ҳаракатлар бошланганини айтиб ўтди.
Сайланган давлат раҳбарининг таъкидлашича, вақт, ҳаёт кутиб турмайди. «Даврнинг ўзи барчани тезкор бўлишга, керак бўлса, вақтдан ўзиб ишлашга ундамоқда».
«Кимки „Сайлов ўтди — сафарбарлик тугади“, деб ўйласа, хато қилади. Ҳақиқий сафарбарлик энди бошланади. Чунки халқимиз бизга ишониб топширган катта-катта режа ва дастурларни ўзимиз бажармасак, айтинг, четдан ким келиб бажариб беради?» — дейди президент.
Шавкат Мирзиёев келгуси 7 йилга мўлжаллаб ишлаб чиқилган стратегик мақсадларга эришиш учун барча куч ва имкониятлар борлиги, «ислоҳотлар суръати ва самараси янада оширилиши, ҳеч қачон сусайтирилмаслигини» таъкидлади.
Қанчалик қийин ва машаққатли бўлмасин, танлаган йўлимиздан ортга қайтмаймиз, — деди у.
