Ўзбекистонда иккита энг йирик шакар ишлаб чиқарувчи «Ангрен шакар» ва «Хоразм шакар» заводлари хом ашё етишмовчилиги сабабли ишлаб чиқаришни тўхтатди, дея хабар берди корхоналар раҳбарлари ЎзА агентлигига (аввлроқ ЎзА фабрикаларнинг ёпилгани ҳақида ёзган эди).

«Ангрен шакар» бош директори Рустам Акбархўжаев ва «Хоразм шакар» бош директори Умиджон Комиловнинг қўшма баёнотида, янги хом ашё партияси келгунга қадар ускуналарни профилактик тозалаш ишлари олиб борилаётганини таъкидланган.

«Чет эллик шериклар билан хом ашё масаласини ҳал қилиш бўйича музокаралар олиб борилмоқда. Яқин кунларда иккала завод ҳам тўлиқ қувват билан ишлай бошлайди», — дейилади баёнотда.

Монополияга қарши курашиш қўмитасининг «Газета.uz»га маълум қилишича, июль ойида иккита ишлаб чиқарувчи корхона 12 минг тонна шакарни биржа савдоларига қўйди. Шу билан бирга, 16 июль куни «Ангрен шакар» 650 тонна, «Хоразм шакар» эса 350 тонна шакарни савдога қўйди.

Монополияга қарши курашиш қўмитасининг маълумотларига кўра, 47 минг тоннадан ортиқ шакар корхоналар омборларида сақланмоқда ва мижозларга маҳсулот етказиб бериш давом этмоқда.

«Корхоналар омборларидаги қолган маҳсулотлар профилактик тозалаш ва таъмирлаш ишлари тугагунча етарли ҳажмда савдога қўйилади, шундан кейин фабрикалар ўз фаолиятини қайта тиклашни режалаштирмоқдалар», — дея таъкидлашди қўмитада.

«Газета.uz»нинг «Ангрен шакар» корхонасидаги манбасига кўра, корхона июль ойининг бошида ўз фаолиятини тўхтатган. Суҳбатдошнинг таъкидлашича, маҳаллий ишлаб чиқарувчиларга импорт қилинадиган шакар билан рақобатлашиш қийин, чунки апрель ойининг бошидан бошлаб 20 турдаги товарлар, шу жумладан шакар импортига божхона тўловлари ва акциз солиғи ставкалари нолга тенглаштирилди, маҳаллий корхоналар эса акциз солиғини тўлашни давом эттирмоқда.

Бундан ташқари, 1 январдан бошлаб маҳаллий корхоналар томонидан ишлаб чиқарилган шакар ички бозорда фақат биржа савдолари орқали ҳаридорларнинг барча тоифалари учун биржа савдоларига тенг равишда чиқарилади. Тўғридан-тўғри шартномалар бўйича республиканинг чекка ҳудудларида жойлашган истеъмолчиларга чакана савдо тармоқларида сотиладиган, ишлаб чиқариш ҳажмининг 10 фоизидан ошмайдиган миқдори бундан мустасно.

«Сотиб олувчилар биржага ҳали ўрганишмаган ва Россиядан келтирилган шакар тўғридан-тўғри сотилмоқда — нақд пул ёки пул ўтказмалари орқали тўлаш мумкин. Ва биз тўғридан-тўғри шартномалар тузишимиз мумкин эмас, фақат биржа орқали сота оламиз. Йил бошидан бери бизнинг савдоимиз бирдан пасайиб кетди. Маҳаллий шакар 100−200 сўм қимматроқ. Бундан ташқари, ишлаб чиқариш нархи биз учун қимматроқ. Бироз вақт, март ойининг бошидан бошлаб биз бозорни ушлаб туриш учун ўзимизга зарарга сотаётган эдик», — деди заводдаги манба.

«Ангрен шакар» кунига 1000 тонна шакар ишлаб чиқариш қувватига эга, аммо яқин вақтгача ишлаб чиқариш ҳажми 500−600 тоннани ташкил этган, ҳамда савдо бир неча тоннагача тушди.