Умумий овқатланиш соҳасини қўллаб-қувватлаш тўғрисидаги президент фармони лойиҳаси ишлаб чиқилди, дея хабар қилди Ўзбекистон Савдо-саноат палатаси матбуот хизмати.
Ҳужжатда, жумладан, 2020 йил охирига қадар қуйидагиларни амалга ошириш кўзда тутилмоқда:
- бир қатор солиқ имтиёзларини узайтириш;
- ёлланма ишчилар сонини кўпайтириш;
- умумий овқатланиш ёзги терасларини жойлаштириш тартибини жорий этиш;
- умумий овқатланиш ва бошқа кўнгилочар муассасаларнинг иш вақтини 24 соатгача узайтириш ва бошқалар.
ССПнинг маълум қилишича, ташкилотга ресторан бизнеси ва умумий овқатланиш соҳасида фаолият юритаётган бир қатор тадбиркорлар ушбу соҳани қўллаб-қувватлаш учун инқирозга қарши чоралар кўришга ёрдам бериш бўйича мурожаат қилишган.
Ҳозирда лойиҳа тадбиркорлар ва ССП жамоат экспертизаси ишчи гуруҳи таклифларини ҳисобга олган ҳолда такомиллаштирилмоқда.
8 июль куни бўлиб ўтган видеоселектор йиғилишида давлат рахбари тадбиркорларнинг санитария ва ёнғин хавфсизлиги идоралари томонидан карантин талабларини рўкач қилган ҳолда ишлаб чиқилаётган тушунарсиз ва қарама-қарши талабларга дуч келишини ҳамда амалдаги тартибларни қайта кўриб чиқиш ва ОАВда ва ижтимоий тармоқларда ишлаш тартибини аниқ тушунтириш бўйича кўрсатмалар берган эди.
