Иқтисодиёт
Ўзбекистоннинг ЖСТга аъзо бўлиши бўйича навбатдаги йиғилиш кузда ўтказилиши мумкин
Ўзбекистоннинг ЖСТга аъзо бўлиш бўйича делегацияси мамлакатнинг ташкилотга аъзо бўлиши бўйича ишчи гуруҳининг 7-йиғилишини ўтказиш учун барча фундаментал ҳужжатлар тўпламини тайёрлади. Йиғилиш сентябрь-октябрь ойларида ўтказилиши мумкин.
Энергетика вазири Ўзбекистон Россия гази учун қанча тўлашини очиқлай олмаслигини билдирди
Энергетика вазири Жўрабек Мирзамаҳмудов Ўзбекистон Россияга газ учун қанча тўлашини очиқлай олмаслиги, лекин миллий манфаатлар, бозор конъюнктурасидан келиб чиқиб, рақобатбардош нархлар белгиланганини таъкидлади.
Газ ва электр энергияси тарифларини тартибга солиш мустақил тузилмаларга ўтказилади
Ўзбекистонда табиий монополиялар, жумладан, электр энергияси, газ, алоқа, йўллар ва авиация билан боғлиқ соҳаларда босқичма-босқич мустақил бозор регуляторлари институти жорий этилади. Рақобат қўмитаси 2025 йилгача бу бозорлардаги тарифларни тартибга солишни уларга топшириши керак бўлади.
Экспорти чеклови бекор қилингач, Ўзбекистон рекорд даражада кўп пиёз сотди
Экспортга қўйилган чеклов бекор қилингач, Ўзбекистон четга рекорд даражада кўп пиёз юборди. Март ойи ўрталаридан июнь охиригача ташқи бозорларга 222,8 минг тонна пиёз жўнатилган, бу ўтган йилги кўрсаткичга нисбатан 53 фоизга кўп. Маҳсулотнинг 90 фоизи Россия ва Қозоғистонга сотилган.
Рақобат қўмитаси энди президент ва Сенатга ҳисобдор бўлади
Рақобатни ривожлантириш ва истеъмолчилар ҳуқуқларини ҳимоя қилиш қўмитаси ўз фаолиятида бевосита президентга ва Сенатга ҳисобдор этиб белгиланди. Қўмита ҳар йили иқтисодиётда рақобат муҳити ва истеъмолчилар ҳуқуқларининг ҳимоя қилиниши ҳолати тўғрисида ҳисобот бериб боради.
Банкларда долларнинг сотув курси 11 635 сўмгача кўтарилди
Тижорат банклари 12 июль куни аҳолидан 1 АҚШ долларини 11 515−11 570 сўмдан сотиб олмоқда, сотув курси эса 11 620−11 635 сўм.
Ўзбекистонда ҳар бир янги инвесторга ёрдам бериш учун «инвестиция менежери» лавозими жорий этилади
Ўзбекистон Инвестиция вазирлигида ҳар бир янги инвесторга ҳамроҳлик қилиш учун «инвестиция менежери» лавозими жорий этилади. Улар бевосита вазирга бўйсунади ва хорижий инвесторлар билан доимий алоқада бўлиб, юзага келган масалаларни ҳал қилиб боради.
«Бизнинг рухсатимизсиз бирлашса, жазога тортилади». Рақобат қўмитаси раиси — Uzum ва Click бирлашиши ҳақида
Рақобат қўмитаси раиси Шоҳруҳ Шораҳмедов Uzum ва Click компаниялари қўмита рухсатисиз бирлашса, жазога тортилишини маълум қилди. Аввалроқ компаниялар ўзаро бирлашгани тўғрисида қўшма баёнот берган, кейинроқ эса қўмита ҳали бирлашув бўйича расмий битим тузилмаганини билдирганди.
Банкларда долларнинг сотув курси 11 610−11 615 сўм этиб белгиланди
Тижорат банклари 11 июль куни аҳолидан 1 АҚШ долларини 11 500−11 555 сўмдан сотиб олмоқда, сотув курси эса 11 610−11 615 сўм.
Алишер Усмонов дивидендлардан даромад бўйича Россияда 7-ўринни эгаллади
Алишер Усмонов дивидендлардан энг кўп даромад олган россияликлар рейтингида 7-ўринни эгаллади. Рўйхатда миллиардер «Металлоинвест»дан 64,7 млрд рубль дивиденд олгани кўрсатилган.
ОТБ Ўзбекистон электр узатиш тармоғини такомиллаштириш учун 125 млн доллар қарз ажратади
Осиё тараққиёт банки Ўзбекистонга 125 млн доллар миқдорида қарз ажратишни маъқуллади. Маблағ мамлакатнинг электр узатиш тармоғини такомиллаштириш, хусусан, 7 та вилоятда 359 километр узунликдаги 12 та электр узатиш линиясини реконструкция қилишга йўналтирилади.
Банкларда доллар курси ўсишда давом этмоқда
Тижорат банклари 10 июль куни аҳолидан 1 АҚШ долларини 11 500−11 570 сўмдан сотиб олмоқда, сотув курси эса 11 610−11 630 сўм.
Forbes: Дониёр Комилов Урал КМКнинг бенефициар эгасига айланди
Ўзбекистон собиқ ташқи ишлар вазирининг ўғли Дониёр Комилов Россиядаги Урал кон-металлургия компаниясининг янги бенефициар эгаси бўлди, дея хабар бермоқда Forbes.
«Йилдан-йилга мигрантларнинг кетиши эмас, қайтиши ортмоқда» — Беҳзод Мусаев
Бандлик вазири Беҳзод Мусаев йилдан-йилга ўзбекистонлик мигрантларнинг мамлакатдан кетиши эмас, қайтиши сони ортиб бораётганини айтди. Унга кўра, мигрантлар 2 млн нафарни ташкил этмоқда. 2022−2023 йилларда ташкилий тарзда 60 минг киши ишга жўнатилган ва уларнинг ўртача маоши 1200 доллар бўлган.
«Давлат компаниянинг мажбуриятлари бўйича жавобгар эмас». ТМЗ — ўзининг молиявий аҳволи ҳақида
«Тошкент металлургия заводи» «Газета.uz» мақоласига жавобан корхонанинг қарзлари тижорий фаолият орқали тўланишини маълум қилди. «Давлат компаниянинг мажбуриятлари бўйича жавобгар эмас», дея таъкидлади ТМЗ. Аввалроқ, ЎзТТЖ суд жараёнида заводнинг банкрот бўлиш хавфи борлигини билдирганди.
Автомобилда халқаро ташув учун рухсатнома бериш тартиби белгиланди
Ҳукумат қарори билан Автомобилда юк ва йўловчиларни халқаро ташишга рухсатномаларни айирбошлаш квотасини белгилаш, тақсимлаш, бериш ва улардан фойдаланиш тартиби тўғрисида низом қабул қилинди.
Ўзбекистон май ойида олтин сотиш бўйича дунёда иккинчи ўринни эгаллади
Май ойида Ўзбекистон хорижга 11 тонна олтин сотиб, дунёда олтин сотиш бўйича иккинчи ўринга чиқди. Туркия 63 тонна кўрсаткич билан қимматбаҳо металл савдоси бўйича яна мутлақ етакчига айланди.
Банкларда долларнинг сотув курси 11 610 сўмга етди
Тижорат банклари 7 июль куни аҳолидан 1 АҚШ долларини 11 480−11 550 сўмдан сотиб олмоқда, сотув курси эса 11 590−11 610 сўм.
Айрим тоифадаги шахсларга бензин учун тўланадиган товон пули миқдори 55 фоизга оширилди
Ўзбекистон ҳукумати бензин учун товон пули миқдорини 55 фоизга оширди. Ҳар ойлик тўловлар айрим тоифадаги шахсларга берилади.
Ўзбекистон сув тежовчи технологияларни жорий қилиш бўйича Марказий Осиёда 1, дунёда 13-ўринда — сув хўжалиги вазири
Сув хўжалиги вазири Шавкат Хамраев Ўзбекистон сув тежовчи технологияларни жорий қилиш бўйича Марказий Осиёда биринчи, Осиёда тўртинчи ва дунёда 13-ўринда турганини маълум қилди. Айни вақтда мамлакатдаги суғориладиган майдонларнинг 28 фоизида сув тежовчи технологиялар жорий қилиб бўлинган.
Энг кўп ўқилган хабарлар | Сўнгги янгиликлар
- Ўзбекистонда қишлоқ хўжалиги иқлим ўзгаришига мослаштирилади
- Президент — Ўзбекистонда чарм саноати ва ипакчиликни қўллаб-қувватлаш чора-тадбирлари тўғрисида
- Иссиқхоналар учун кўмир қозони сотиб олиш харажатларининг 20 фоизини давлат қоплаб беради
- Венгрия ўзбекистонлик атом энергетикаси мутахассисларини тайёрлашни бошлади
Қўшимча имкониятларга эга булиш учун сайтда рўйхатдан ўтинг