«migrantlar» tegli maqolalar
Rossiyada O‘zbekiston fuqarolari ishtirokida ommaviy mushtlashuv bo‘ldi
Moskvadagi ko‘p qavatli uy qurilishi maydonida 35−40 nafar ishchi ishtirokida janjal yuz berdi, ular orasida o‘zbekistonliklar ham bor. Mushtlashuvga oshxonaga kirishda navbat talashish sabab bo‘ldi. Migrantlar jinoiy va ma’muriy javobgarlikka tortildi.
Rossiyalik deputat O‘zbekistonda migrantlar puliga rus tili maktablari qurishni taklif qildi. Munosabat
Rossiya davlat dumasi raisi o‘rinbosari Pyotr Tolstoy rus tili davlat tili bo‘lmagan mamlakat fuqarolarini ishga joylashtirishni cheklashni, shuningdek, O‘zbekistonda migrantlar puliga rus tili maktablari qurishni taklif qildi. O‘zbekistonlik siyosatchilar deputatga “O‘zbekiston uning tomorqasi emas”ligini eslatdi.
Moskva harbiy xizmatdan bo‘yin tovlagan markaziy osiyolik migrantlarga qarshi 22 ta jinoiy ish qo‘zg‘atdi
Moskva Tergov qo‘mitasi Rossiya fuqaroligini olgan markaziy osiyoliklarga nisbatan harbiy xizmatdan bo‘yin tovlaganlik bo‘yicha 22 ta jinoyat ishi qo‘zg‘atdi. Rossiya pasportiga ega 80 dan ortiq muhojir Rossiya Qurolli kuchlari saflarida xizmat qilish uchun yuborilgan.
Rossiya Tergov qo‘mitasi rahbari Ukrainadagi urushda qatnashishdan bosh tortgan migrantlarni fuqarolikdan mahrum qilishni taklif etdi
Rossiya Tergov qo‘mitasi rahbari Rossiya pasportini olgan migrantlarga Ukrainadagi urushda qatnashishni taklif qilish, rad etganlarni fuqarolikdan mahrum qilish taklifini bildirdi. Avgustdan buyon Rossiyada “yangi” fuqarolarga qarshi reydlar o‘tkazilib, voyenkomatlarga olib ketilib, chaqiruv qog‘ozlari berilmoqda.
Ikki yil davomida AQShga noqonuniy kirishga uringan 13 mingdan ortiq O‘zbekiston fuqarosi qo‘lga olindi
2021-yildan 2023-yilgacha AQSh hukumati tomonidan “alohida qiziqish uyg‘otuvchi shaxslar” sifatida tasniflangan o‘n minglab muhojirlar Meksika orqali AQShga noqonuniy kirishga harakat qilishgan. Qo‘lga olinganlarning 13 mingdan ortig‘i O‘zbekiston fuqarolaridir.
8 oyda 28,2 ming O‘zbekiston fuqarosi xorijiy davlatlarda ishga joylashtirildi
Yanvar-avgust oylarida 28 ming 207 nafar O‘zbekiston fuqarosi xorijiy davlatlarga manzilli va tashkillashtirilgan tartibda ishga joylashtirildi. Bu davrda mehnat migrantlarining to‘lanmay kelinayotgan 676,3 ming dollarlik ish haqi va pulli kompensatsiyalari undirib berildi.
CNN: O‘zbekistonlik bir guruh migrantlar IShID bilan aloqadorlikda gumonlangan kontrabandachi yordamida AQShga kirgan
IShIDga aloqadorlikda gumon qilingan kontrabandachi o‘zbekistonlik bir guruh muhojirlarga Meksika orqali AQShga kirishga yordam bergan. Bu ma’lum bo‘lgach, FQB ularni butun mamlakat bo‘ylab “qidirishga shoshildi”, — deb yozadi CNN. 15 nafar o‘zbekistonlikning manzili hali aniqlanmagan.
“Yildan-yilga migrantlarning ketishi emas, qaytishi ortmoqda” — Behzod Musayev
Bandlik vaziri Behzod Musayev yildan-yilga o‘zbekistonlik migrantlarning mamlakatdan ketishi emas, qaytishi soni ortib borayotganini aytdi. Unga ko‘ra, migrantlar 2 mln nafarni tashkil etmoqda. 2022−2023-yillarda tashkiliy tarzda 60 ming kishi ishga jo‘natilgan va ularning o‘rtacha maoshi 1200 dollar bo‘lgan.
Rossiyada sodir bo‘lgan YTHda 4 nafar O‘zbekiston fuqarosi halok bo‘ldi — Qirg‘iziston TIV
Rossiyaning Samara viloyatida 27-iyunga o‘tar kechasi YTH sodir bo‘ldi. Qirg‘iziston TIV ikki Qirg‘iziston fuqarosi, shuningdek, to‘rt nafar O‘zbekiston fuqarosi halok bo‘lgani haqida xabar berdi.
Buyuk Britaniyada o‘zbekistonlik mehnat muhojirlari soni ortmoqda
O‘zbekiston Buyuk Britaniyadagi mehnat muhojirlari soni bo‘yicha yetakchilar qatorida bormoqda. 2022-yilda mamlakatdagi mavsumiy ishchilarning qariyb chorak qismi Markaziy Osiyo, xususan, O‘zbekistondan kelgan.
Rossiyada migrantlarni urushga yollash imkonini beruvchi loyiha tayyorlanmoqda
Rossiya Davlat dumasi Rossiya fuqaroligiga ega migrantlarni urushga yollash imkonini beruvchi loyihani tayyorlamoqda. Unda urushga yuborishga ruxsat berish, shuningdek, migrantlardan qurilish batalonida foydalanish nazarda tutilgan.
Rossiya Markaziy Osiyodan kelgan migrantlarni urushga yollashga harakat qilmoqda — Buyuk Britaniya Mudofaa vazirligi
Buyuk Britaniya Mudofaa vazirligi Rossiya hukumatining Ukrainaga qarshi jangovar harakatlarda qatnashish uchun Markaziy Osiyodan kelgan muhojirlarni yollashga urinayotganini xabar qildi. Harbiy xizmatga rozi bo‘lganlar rus qo‘shinlarining yo‘qotish darajasi yuqori bo‘lgan frontga yuborilishi mumkin, deyiladi sharhda.
O‘zbekistonda Avstriya va Germaniyaga migrantlarni tayyorlash va malakasini oshirish markazi tashkil etilishi mumkin
O‘zbekiston Bandlik va kambag‘allikni qisqartirish vazirligi va Avstriyaning «eee Austria» kompaniyasi vakillari o‘rtasida onlayn uchrashuv o‘tkazildi. Unda Avstriya va Germaniya mehnat bozorlarida ishga joylashish uchun migrantlarini tayyorlash va malakasini oshirish markazini tuzish masalasi muhokama qilindi.
Migratsiya agentligi Rossiyadagi o‘zbekistonliklarni bank xizmatlari bilan bog‘liq firibgarlikdan ogohlantirdi
Rossiyadagi O‘zbekiston fuqarolari mobil ilovadan pul o‘tkazishda hisob raqamidan pul yechib olinishi va yuqori foizli kreditlar rasmiylashtirilishi kabi muammolarga uchramoqda. Migratsiya agentligi fuqarolardan bank xizmatlaridan foydalanishda shaxsiy ma’lumotlarni hech kimga ma’lum qilmaslikni so‘radi.
Migratsiya agentligi Rossiyadagi o‘zbekistonliklarni norasmiy kurerlik xizmatlariga ishonmaslikka chaqirdi
Rossiyada ishlayotgan O‘zbekiston fuqarolariga katta pul evaziga narkotik yoki taqiqlangan moddalar solingan buyurtmalarni yetkazib berish taklif qilinayotgani ma’lum bo‘ldi. Migratsiya agentligi fuqarolarni norasmiy kurerlik xizmatlariga ishonmaslikka, yetkazib berishdan oldin mahsulotni tekshirishga chaqirdi.
2 mlndan ortiq o‘zbekistonlik migrant chet elda ishlamoqda
Hozirda 2 mln nafardan ortiq o‘zbekistonlik mehnat migrantlari xorij davlatlarida ishlamoqda, deya ma’lum qildi Tashqi mehnat migratsiyasi agentligi boshqarma boshlig‘i Azim Ahmatov. Ularning 1,5 mln nafari Rossiyada, deyarli 200 ming ortiq migrant esa norasmiy faoliyat yuritmoqda.
Yaponiyada mehnat migrantlarini qo‘llab-quvvatlash markazi ochildi
Yaponiyada mehnat migrantlarini qo‘llab-quvvatlash markazi ochildi. Markazda O‘zbekiston fuqarolariga maslahat va huquqiy yordamlar ko‘rsatiladi.
Rossiyada har kuni o‘ndan ziyod o‘zbekistonlik mobilizatsiya muammosiga to‘qnash kelmoqda
Tong Jahoni va “Rus sidyashaya” huquqni himoya qilish tashkilotlari rahbarlari Valentina Chupik va Olga Romanova “Gazeta.uz"ga Rossiyada mehnat qilayotgan va hibsdagi O‘zbekiston fuqarolari Ukrainaga urushga qanday jalb qilinayotgani haqida so‘zlab berishdi. Ushbu tashkilotlar aloqa raqamlarini ham taqdim etamiz.
Sankt-Peterburgda 4 nafar o‘zbekistonlik pasportlari olib qo‘yilib, ishlatilayotgani aniqlandi
Sankt-Peterburgda bir guruh O‘zbekiston fuqarolari vaqtincha ishlayotgan qurilish obyektida pasportlari olib qo‘yilgani haqida murojaat bilan chiqdi. Tashqi mehnat migratsiyasi agentligi xodimlari fuqarolarning pasportlarini qaytarishga erishdi. Ish beruvchi javobgarlikka tortilishi haqida ogohlantirildi.
Senat tashqi mehnat migratsiyasiga oid qonunni rad etdi
Senatorlar yalpi majlisda tashqi mehnat migratsiyasiga oid qonunni rad etdi. Unda migrantlar o‘zini o‘zi band qilgan shaxslar qatorida bo‘lishi va ularni soliqqa tortish qayd etilgandi. Qonunning biror moddasida esa fuqarolarni kasb yoki chet tillariga o‘qitish kiritilmagan, deya qayd etdi Senat.
ENG KO‘P O‘QILGAN XABARLAR
- Dekabr oyida qanday ob-havo kuzatiladi?
- Toshkentda “yuqori martabali noma’lum shaxslar” tashrifi ortidan Karim Benzemaning qo‘riqchilari ko‘paytirildi
- Toshkent hayvonot bog‘iga jirafa va zebralar olib kelindi (video)
- Elektr kabelidagi tutashuv sabab “Kosmonavtlar” metro bekati yaqinini tutun qopladi (video)
- O‘zbekiston dunyoda birinchi bo‘lib yashil vodoroddan mineral o‘g‘itlar ishlab chiqaradi — “O‘zkimyosanoat”
Qo‘shimcha imkoniyatlarga ega bulish uchun saytda ro‘yxatdan o‘ting