«andijon» tegli maqolalar


19 sentabr 2022, 16:35

Andijon va Farg‘onada psixotrop moddalar savdosiga chek qo‘yildi

Andijonda IIB bilan hamkorlikda 994 dona «Lirika» hamda umumiy bahosi 68,7 mln so‘mlik 4 004 dona dori vositalari, Farg‘onada esa DXX tomonidan 240 dona «Tropikamid» psixotrop moddalarning noqonuniy aylanmasiga chek qo‘yildi. Holatlar yuzasidan jinoyat ishlari qo‘zg‘atilgan.

16 sentabr 2022, 11:58

Ombudsman Andijonda besh yigit tergov vaqtida qiynoqqa solingani aytilgan holatni o‘z nazoratiga oldi

Andijonda 5 nafar yigit ishi apellyatsiya sudida ko‘rilayotgani va tergov jarayonlarida ular qiynoqqa solinayotgani aytilmoqda. Ayblanuvchilarning yaqinlari ularni 8−10 yillab ozodlikdan mahrum qilishmoqchiligi, tergov vaqtida esa kaltaklaganini qayd etishdi. Ombudsman vaziyatni o‘z nazoratiga oldi.

15 sentabr 2022, 16:57

Andijonda 4 ballik zilzila sodir bo‘ldi

Andijonda 4 ballik zilzila sodir bo‘ldi. Zilzila epitsentri sifatida Izboskan tumani qayd etildi.

9 sentabr 2022, 09:46

Kechasi zilzila sodir bo‘ldi. Epitsentr — Andijon

9 sentabr kuni Toshkent vaqti bilan 02:00 da Andijonda zilzila sodir bo‘ldi. Zilzila magnitudasi epitsentr — Asaka tumanida 3,3 ballga teng bo‘lgan. Bundan yarim soatcha oldinroq esa Qirg‘izistonda yer qimirladi, uning ta’siri Toshkent, Sirdaryo va Jizzaxda sezildi.

7 sentabr 2022, 22:13

Andijon shahrining sobiq hokimi va 43 nafar shaxs ishi bo‘yicha sud jarayoni bo‘lib o‘tmoqda

63 mlrd so‘mdan ziyod mablag‘ni talon-toroj qilishda gumonlanayotgan Andijonning sobiq hokimi, viloyat XTBning sobiq rahbari, prokuratura xodimi va boshqalardan iborat 44 kishilik guruh ishi bo‘yicha sud jarayoni bo‘lib o‘tmoqda. Sud majlisi haftaning har dushanba, seshanba va chorshanba kunlari bo‘lib o‘tmoqda.

26 avgust 2022, 10:41

Andijonda fuqaroni $11 000 evaziga Janubiy Koreyaga ishga jo‘natishga uringan shaxslar ushlandi

Andijonda fuqaroni 11 ming dollar evaziga Janubiy Koreyadagi kemasozlik zavodiga ishga kiritib qo‘yishga uringan shaxslar qo‘lga olindi. Ularga nisbatan jinoyat ishi qo‘zg‘atildi. Gumondorlarning aybi sudda o‘z isbotini topsa, ko‘pi bilan 3 yilgacha qamalishi mumkin.

22 avgust 2022, 10:23

«Tadbirkorga prokuror ham, hokim ham tazyiq o‘tkazmagan». Andijon hokimligi o‘zini osgan tadbirkor haqida

Ijtimoiy tarmoqlarda tarqalgan Andijonda tadbirkor o‘zini osgani bo‘yicha xabarga viloyat hokimligi munosabat bildirdi. Unga ko‘ra, tadbirkorga hokim ham, prokuror ham tazyiq o‘tkazmagan. Xabarda aytilishicha, tashkilot rahbarining o‘z joniga qasd qilishi bilan bog‘liq boshqa tafsilotlar kelib chiqmoqda.

15 avgust 2022, 19:40

Andijonda talaba yotoqxona hojatxonasida osilgan holda topildi

Andijon mashinasozlik instituti yotoqxonasi hojatxonasida 2-bosqich talabasi osilgan holda topildi. Bosh prokuratura ma’lumotlariga ko‘ra, marhum o‘z joniga qasd qilgan.

13 avgust 2022, 20:43

Andijonda fuqaroni $10 ming evaziga o‘qishga kiritmoqchi bo‘lgan shaxs ushlandi

Andijonda fuqaroni 10 ming dollar evaziga o‘qishga kiritmoqchi bo‘lgan shaxs qo‘lga olindi. Toshkentda esa Tojikistondan o‘qishni ko‘chirib berishni va’da qilgan gumonlanuvchi 3 ming dollar olgan vaqtda ashyoviy dalillar bilan ushlandi.

22 iyul 2022, 10:45

Andijon va Farg‘onada pul evaziga o‘qishga kiritib qo‘yishga uringan shaxslar ushlandi

Andijonda ikki fuqaroni Andijon davlat universitetiga tanishlari orqali kiritib qo‘yish evaziga 11 ming dollarni olganlikda gumonlangan shaxs qo‘lga tushdi. Bag‘dodda esa fuqaroni 500 dollar evaziga Milliy universitetiga o‘qishga kiritib qo‘yishga uringan shaxs ushlandi. Ularga nisbatan jinoyat ishi qo‘zg‘atildi.

19 iyul 2022, 10:49

Andijonlik fuqaro 27 nafar o‘zbek va qirg‘iz bolalarini kaltaklab, diniy ta’lim bergani aytilmoqda

Andijonlik fuqaro 2020-yildan beri 27 nafar voyaga yetmagan o‘zbek va qirg‘iz bolalarini urib, tan jarohatlari yetkazib, diniy saboq berganligi aytilmoqa. Viloyat IIB gumondorning diniy bilimi hamda dars o‘tish uchun ruxsatnomasi yo‘qligini ma’lum qildi.

24 iyun 2022, 10:47

Ijtimoiy tajriba: Andijonda nogironlik aravachasidagi yigit avtobuslarga chiqarilmadi

Farg‘onalik blogerlar viloyat markazida o‘tkazgan ijtimoiy tajribada avtobus haydovchilari nogironlik aravachasidagi yigitga panduslarni tushirib berishdan bosh tortishdi yoki uni ishlatishni bilishmadi. O‘nta avtobusdan faqat uchtasiga yo‘lovchilar yordami bilan chiqishga muvaffaq bo‘lindi.

13 iyun 2022, 15:15

Andijonda jurnalistning ishiga aralashish bo‘yicha yangi holat sodir bo‘ldi

Andijonda ichki ishlar xodimi Human.uz jurnalistiga bozorda shakar uchun navbatda turganlarni tasvirga olishiga to‘sqinlik qildi. IIV navbatda turgan fuqarolar tomonidan tasvirga olishga e’tirozlar bildirilganini ta’kidladi, biroq nashr buni rad etib chiqdi. Jamoatchilik jurnalistni himoya qilmoqda.

9 iyun 2022, 13:36

To‘rtta hududda qo‘shni davlatlardan olib kirilgan giyohvandlik vositalari savdosiga chek qo‘yildi

DXX O‘zbekistonning to‘rtta hududida Tojikiston va Qirg‘izistondan yashirincha olib kirilgan giyohvandlik vositalari savdosiga chek qo‘ydi. Tezkor tadbirlarda gumondorlar yonida jami 2,9 kg opiy, 3,9 kg gashish, 3 ming donadan ortiq «Regapen», 380 dona «Tropikamid», 400 dona «Selofen» borligi aniqlandi.

9 iyun 2022, 12:17

Andijon shahar hokimi hibsga olingach 26 ta qaror va farmoyishni imzoladi

Andijon shahar hokimi Bahrom Haydarov qamoqqa olingan kuni 24 ta qaror va farmoyish, ertasi kuni esa yana 2 ta hujjatni imzoladi. Ularning aksariyati yer maydonlarini onlayn auksionga qo‘yish bilan bog‘liq. Adliya boshqarmasi «soxtalashtirish ehtimoli» bilan qarorlarning qonuniyligini tekshirmoqda.

8 iyun 2022, 15:16

Andijon shahar hokimi ortidan viloyat XTB boshlig‘i ham hibsga olindi

Andijon viloyati XTB boshlig‘i Azizbek Mirkomilov budjet mablag‘larini talon-toroj qilish holati bo‘yicha qo‘zg‘atilgan jinoyat ishi doirasida gumonlanuvchi tariqasida hibsga olindi. Seshanba kuni Andijon shahar hokimi Bahrom Haydarov protsessual tartibda ushlangani ma’lum bo‘lgandi.

8 iyun 2022, 14:39

Andijon va Samarqandda noqonuniy yer sotishga uringanlikda gumonlangan shaxslar qo‘lga olindi

DXX Andijon va Samarqandda noqonuniy yer sotish holatlariga chek qo‘ydi. Andijondagi holatda fuqarolar 1 ga yerni $180 mingga sotishga urindi. Samarqanddagi to‘rtta holatda esa 3 ga yerni 180 mln so‘mga, 50 sotix yerni $100 mingga, 70 sotix yerni $65 mingga va 5 ga yerni $50 mingga sotmoqchi bo‘lganlar ushlandi.

30 may 2022, 13:04

«Tovuqboqarlar o‘quv mashg‘ulotlarida qatnashmagan» — Andijon viloyati hokimligi kreditga tovuq olib boqayotgan aholi haqida

Andijon viloyatida kredit asosida 200 ming donadan ortiq tovuq tarqatilgan aholi parrandalarning nobud bo‘layotganligi, kam tuxum qo‘yayotganligi va immuniteti pastligidan shikoyat qilmoqda. Kun.uz nashri bitta tovuq aholiga o‘rtacha bozor narxidan ancha qimmatga tushayotganligi haqida yozdi. Viloyat hokimligi va tovuqlarni yetkazib bergan korxona tovuqboqarlarni tashkil etilgan o‘quv mashg‘ulotlarida qatnashmaganlikda aybladi.

29 may 2022, 18:36

Uchta viloyatda fuqarolarni o‘qishga kiritib qo‘ymoqchi bo‘lgan shaxslar ushlandi

Andijon va Toshkent viloyatida fuqarolarni qo‘shni davlatlardagi OTMlarga, Jizzax viloyatida esa fuqaroni mahalliy texnikumga o‘qishga kiritib qo‘ymoqchi bo‘lgan shaxslar ushlandi.

27 may 2022, 15:13

Korrupsiya bo‘yicha eng ko‘p shikoyat Andijon viloyatidan tushayotgani ma’lum qilindi

Prezident virtual qabulxonasi va Xalq qabulxonalariga aholisi korrupsiya bo‘yicha eng ko‘p murojaat qiladigan hududlar ichida Andijon 1-o‘rinni egalladi, deya ma’lum qildi Antikorrupsiya agentligi. 2021 yilda o‘zlashtirish, mansab vakolatini suiiste’mol qilish, pora olish kabi jinoyatlarni sodir etganlarning 4 nafarini viloyat hokimligi, 18 nafarini tuman va shahar hokimliklari xodimlari tashkil qilgan.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting