Qirg‘izistonda yuz bergan zilzila kuchi O‘zbekistonda ham sezildi
Qirg‘izistonda soat 20:15 da sodir bo‘lgan zilzila kuchi Toshkent shahri, Sirdaryo va vodiy viloyatlarida ham sezildi (2 ball).
Toshkentda ekskavator yordamida daraxtni qo‘porib olgan niqobli shaxslar ushlandi
Toshkentning Yunusobod tumanida 16-aprelga o‘tar kechasi niqob taqqan noma’lum shaxslar 1 tup safora daraxtini ekskavator yordamida qo‘porib olib, voqea joyidan qochib ketgan edi. Bosh prokuratura ularning shaxsiga aniqlik kiritilganini ma’lum qildi.
“Ayolim farzandim bilan qo‘limda jon berdi” — Toshkent viloyatida homilador ayol antibiotik in’eksiya ortidan vafot etdi
Bo‘stonliq tumanida 29 yoshli ayol va uning 7,5 oylik homilasi antibiotik in’eksiya qabuli ortidan nobud bo‘lgani aytilmoqda. Marhumaning eri ayoliga ruxsat etilmagan allergiya beruvchi dori yozib berilganini ta’kidladi. U “ayolning sog‘lig‘iga bee’tibor bo‘lganlarga” qonuniy chora ko‘rishni so‘ramoqda.
“Biz o‘zbek-tojik ittifoqchiligini chuqurlashtirish bo‘yicha ortga qaytmas yo‘ldan yurishga intilishimizni tasdiqladik” — Shavkat Mirziyoyev
Prezident Tojikiston bilan Ittifoqchilik munosabatlari to‘g‘risidagi shartnoma imzolangani haqida shunday dedi: “Bu qadam bilan O‘zbekiston va Tojikiston o‘rtasidagi ko‘p qirrali strategik sheriklik va ittifoqchilikni chuqurlashtirish bo‘yicha ortga qaytmas yo‘ldan yurishga qat’iy intilishimizni tasdiqladik”.
Optimo kichik va o‘rta biznes uchun nimaga kerak?
Optimo kompaniyasi kichik va o‘rta biznes uchun 14 kun davomida Optimo dasturi bilan bepul foydalanishni taklif qilmoqda. Do‘konlar uchun dastur biznesni boshqarishda yaxshi yordamchi bo‘lishi mumkin.
O‘zbekiston va Tojikiston ittifoqchilik munosabatlari to‘g‘risidagi shartnomani imzoladi
O‘zbekiston va Tojikiston prezidentlari muzokaralar yakunida Ittifoqchilik munosabatlari to‘g‘risidagi shartnomaga qo‘l qo‘ydi. Shavkat Mirziyoyevning Dushanbega davlat tashrifi doirasida jami 28 ta hujjat imzolandi.
Yulduz Usmonova, Ozodbek Nazarbekov, Munojat Yo‘lchiyeva va Og‘abek Sobirov Tojikiston xalq hofizi bo‘ldi
Emomali Rahmonning farmoni bilan Ozodbek Nazarbekov, Munojatxon Yo‘lchiyeva, Og‘abek Sobirov va Yulduz Usmonovaga “Tojikiston xalq hofizi”, Yodgor Sadiyevga esa “Tojikiston xalq artisti” faxriy unvoni berildi.
O‘zbekiston va Tojikiston tovar ayirboshlash hajmini 2 mlrd dollarga yetkazmoqchi
Shavkat Mirziyoyev va Emomali Rahmon tor hamda kengaytirilgan doirada uchrashib, hukumatlar oldiga tovar ayirboshlashni 2 mlrd dollarga yetkazish vazifasini qo‘ydi. Transport va tranzit tashish sohasidagi hamkorlik strategik yo‘nalish sifatida ko‘rildi.
Samarqanddagi kanaldan ikki bolaning jasadi topildi
Toyloq tumanidagi “Darg‘om” kanalidan 4 yoshli qiz va 1 yoshli bolaning jasadi topildi. Bir kun avval fuqaro IIBga murojaat qilib, 24 yoshli kelini o‘g‘li va qizi bilan uydan noma’lum tomonga chiqib ketganini ma’lum qilgan. Hozirda ayolni izlab topish choralari ko‘rilmoqda.
O‘zbekistonda davlat mulkini xususiylashtirish bo‘yicha yangi dastur ishlab chiqildi
Prezidentga 2024-yilgi xususiylashtirishning yangi dasturi taqdim etildi. Unda 250 ga yaqin obyektning davlat ulushlari, mingga yaqin ko‘chmas mulk obyektlari va 12 ta korxonaning ommaviy savdolarga chiqarilishi ko‘zda tutilgan. Sotilmay qolgan yer uchastkalarining narxi bosqichma-bosqich pasaytiriladi.
O‘zbekiston va Qirg‘iziston chegarasida yana bir yerosti tunneli aniqlandi
O‘zbekiston va Qirg‘iziston chegarasida odamlar va kontrabanda tovarlarni qo‘shni davlatga noqonuniy olib o‘tishda foydalanilgan yerosti tunneli aniqlandi. U yerdan o‘tayotgan ikki davlat fuqarolari qo‘lga olindi.
“Yuksalish” energetika tarmog‘ini rivojlantirish uchun xarajatlarni ochiqlashga chaqirdi
“Yuksalish” harakati rahbariga ko‘ra, elektr energiyasiga yangi tariflarni joriy etish bilan bir paytda sohadagi muammolarni hal etish zarur. Isitish, gaz tizimi yo‘q hududlarni hisobga olish, shuningdek, tizimni rivojlantirishda xarajatlar shaffofligini ta’minlash va differensiyalangan tariflarni kiritish muhim.
Shavkat Mirziyoyev Tojikistonga yetib bordi (foto, video)
Shavkat Mirziyoyev davlat tashrifi bilan Dushanbega bordi. Uni Tojikiston prezidenti Emomali Rahmon kutib oldi. Davlat rahbarlari strategik sheriklik va ittifoqchilik munosabatlarini rivojlantirish masalalarini muhokama qiladi. Foto, video.
Gruziya parlamenti ommaviy norozilik namoyishlari ostida “xorijiy agentlar to‘g‘risida”gi qonun loyihasini birinchi o‘qishda qabul qildi
Gruziya parlamenti mamlakatda ommaviy noroziliklarga sabab bo‘lgan “xorijiy agentlar to‘g‘risida”gi qonun loyihasini birinchi o‘qishda qabul qildi. Prezident Salome Zurabishvili veto qo‘yishga va’da berdi, ammo hukmron partiya uni chetlab o‘tishi mumkin.
Mirzo Ulug‘bek hamda Olmazor tumanlaridagi vaqtincha ochilgan avtomobillarni Ro‘yxatdan o‘tkazish va imtihon olish bo‘linmalari yopildi
“Fayzobod GAI”da ta’mirlash ishlari sabab Mirzo Ulug‘bek va Olmazor tumanlaridagi YHXBning vaqtincha ochilgan Ro‘yxatdan o‘tkazish va imtihon olish bo‘linmalarining ish faoliyati to‘xtatildi. Fuqarolar endi zamonaviy sharoitlar yaratilgan Mirobod tumanidagi bo‘limga kelishi mumkin.
Sirdaryoda 34,3 mlrd so‘mlik elektrdan noqonuniy foydalangan mayning ferma aniqlandi
Sirdaryo tumanida chorvachilikka ixtisoslashgan MCHJ binosida mayning ferma tashkil qilingani va 34,3 mlrd so‘mlik elektrdan noqonuniy foydalanilgani aniqlandi. MCHJ mansabdorlariga nisbatan juda ko‘p miqdordagi o‘g‘rilik moddasi bo‘yicha jinoyat ishi ochildi.
Venetsiyada O‘zbekistondagi muzey kolleksiyalaridan iborat “Shakl va ramz” ko‘rgazmasi ochildi
Venetsiyadagi Ka Foskari universitetida “Shakl va ramz” ko‘rgazmasi ochildi. “O‘zbekiston: sahrodagi avangard” loyihasining ikkinchi bo‘limi hisoblangan namoyishda Turkiston avangardining evolyutsiyasi haqida so‘z boradi.
Kuchli yomg‘ir tufayli Dubayni suv bosdi, ularni bulut ekish ishlari qo‘zg‘atgan bo‘lishi mumkin — Bloomberg
BAAda so‘nggi 75 yil ichida rekord darajada yog‘ingarchilik kuzatildi. Dubay bundan eng ko‘p zarar ko‘rdi — ko‘cha, uylar, savdo markazlari va aeroport suv ostida qoldi. Hodisani hukumat qurg‘oqchil iqlimda yomg‘ir chaqirish uchun foydalanadigan bulut ekish ishlari keltirib chiqargan bo‘lishi mumkin, deb yozdi Bloomberg.
O‘zbekistonda seysmik xavfsizlik va zilzilaga tayyorgarlik ko‘rish ishlari kuchaytiriladi
Prezident bino va inshootlarning zilzilabardoshligini oshirish, seysmik xavf monitoringi faoliyatini takomillashtirish chora-tadbirlari to‘g‘risidagi qarorni imzoladi. Qurilishda davlat nazorati sifatini kuchaytirish, aholini zilzilaga tayyorlash va yangi ko‘p qavatli binolarni aktiv seysmik himolash rejalashtirilgan.
Tadbirkorlik subyektlariga gaz va elektr energiyasi uchun 100 foiz oldindan to‘lov tizimi qaytariladi
O‘zbekistonda yozda biznesga tabiiy gaz va elektr energiyasi uchun 100 foiz oldindan to‘lov tizimi qaytariladi. Energetika vazirligi avvalroq energiya resurslarini avanssiz yetkazib beruvchi ta’minot korxonalariga katta zarar yetkazilgani haqida xabar bergan edi.
Qo‘shimcha imkoniyatlarga ega bulish uchun saytda ro‘yxatdan o‘ting