Prezident talabalar uchun arzon internet trafiklari joriy etish bo‘yicha topshiriq berdi
Prezident mutasaddilarga chekka hududlarni ham internet bilan ta’minlash hamda talabalar uchun arzonlashtirilgan internet trafiklarini ajratish bo‘yicha topshiriq berdi.
Oliy ta’limda yangi o‘quv yili masofaviy tarzda boshlanadi
Sentabrdan boshlab 2, 3 va 4-kurs talabalariga o‘qish onlayn tarzda boshlanadi. Oktabr oyida 1-kurslar ham qabul qilib olingach, pandemiyaning yumshashiga qarab an’anaviy tizimga yana qaytish ehtimoli bor.
«Karantin choralari bosqichma-bosqich bekor qilinadi» — Senat raisi
«Karantin choralari bosqichma-bosqich bekor qilinadi. Aholi o‘rtasida sog‘lom turmush tarzi to‘g‘risidagi keng targ‘ibot ishlarini kuchaytirishimiz, kasallikka chalinganlarni ishlab chiqilgan protokollar asosida davolash bilan birga normal hayotga qaytarishimiz, ya’ni iqtisodiyotimizni rivojlantirishimiz zarur», — deya ta’kidladi Senat raisi Tanzila Norbayeva.
Tanzila Norbayeva «temir daftar»ni shakllantirish va yuritish tizimini tanqid qildi
Senat raisi «temir daftar»ni shakllantirish va yuritish tizimi ayrim hududlarda aholi noroziligiga olib kelayotganini aytib o‘tdi. «Temir daftar» tizimi ochiq, shaffof bo‘lishi va ajratilgan mablag‘larni taqsimlash jarayonida inson omilini maksimal darajada kisqartirishi kerakligi bildirildi. Buning uchun tizimga zamonaviy axborot texnologiyalarini joriy etish muhimligi qayd etildi.
Sanitariya-epidemiologiya xizmati mutasaddilari 1 mlrd 750 mln so‘mdan ortiq mablag‘ni talon-taroj qilishgan
Andijon, Buxoro, Qashqadaryo, Navoiy, Namangan viloyatlaridagi Sanitariya-epidemiologiya xizmati mutasaddilari tomonidan Inqirozga qarshi kurash jamg‘armasining 1 mlrd 750 mln so‘mdan ziyod mablag‘i talon-taroj qilingan, deya ma’lum qildi senat raisi Tanzila Norbayeva. U shuningdek «Jamoatchilik nazorati to‘g‘risida"gi qonun ishlamayotganiga e’tibor qaratdi.
Senat koronavirus qurbonlarining xotirasiga bir daqiqalik sukut saqladi
Senatorlar Qoraqalpog‘iston Jo‘qorg‘i Kengesining raisi Musa Yerniyazov va koronavirusdan vafot etgan boshqa fuqarolarning xotirasiga bir daqiqa sukut saqlashdi.
Bog‘chani ta’mirlash jarayonida 173,2 mln so‘mlik byudjet mablag‘lari talon-toroj qilingan
Bosh prokuratura Namangan viloyatida bog‘chani ta’mirlash jarayonida haqiqatda bajarilmagan 173,2 mln so‘mlik qurilish-ta’mirlash ishlarini qo‘shib yozish orqali byudjet mablag‘lari talon-toroj qilinganini aniqladi. Mazkur holat yuzasidan jinoyat ishi ko‘zg‘atilgan.
Ishsizlarga ajratilishi lozim bo‘lgan 36,2 mln so‘m talon-taroj qilindi
Chilonzor tumanida mahalla fuqarolar yig‘ini raisi va Aholi bandligiga ko‘maklashish markazi inspektori til biriktirib, ishsizlarga to‘lanishi lozim bo‘lgan 36,2 mln so‘m byudjet mablag‘larini talon-toroj qilgani aniqlandi. Bosh prokuratura mazkur holat yuzasidan jinoyat ishini ko‘zg‘atdi.
Elyor G‘aniyev transport vaziri lavozimidan ozod etildi
Transport vaziri Elyor G‘aniyev boshqa ishga o‘tganligi munosabati bilan o‘z lavozimidan ozod etildi. U Transport vazirligini 2020 yilning yanvar oyidan boshqarib kelayotgan edi.
Koronavirus holatlari 28,8 mingdan oshdi (+274)
COVID-19 bemorlari soni 274 nafarga ortib, jami 28809 kishini tashkil etmoqda. Yangi holatlarning 36 nafari Toshkent shahrida, 130 nafari Toshkent viloyatida hamda 8 nafari Qoraqalpog‘istonda qayd etildi. Shu yuilan birga, ikki nafar COVID-19 bemori vafot etdi.
Yil oxirigacha 4200 nafar o‘zbekistonlik Rossiyadagi qurilishlarga ishga joylashadi
Yil oxiriga qadar Rossiyadagi yirik qurilish maydonchalarida 4200 nafar o‘zbekistonlik mutaxassis rasman ish joyiga ega bo‘ladi.
Olmazor tumanida ayol kishi simyog‘ochdan o‘zini tashlamoqchi bo‘ldi
Toshkentning Olmazor tumanida ayol kishi o‘zini voltli elektruzatish tarmog‘i ustuni tashlamoqchi bo‘ldi. IIBB va yong‘in-qutqarish qismi xodimlari uni pastga tushirishdi.
Qariyb 2000 o‘zbekistonlikni Rossiyadan olib kelish boshlandi
O‘zbekiston yaqin kunlarda Rossiya-Qozog‘iston chegarasida yig‘ilib qolgan qariyb 2000 o‘zbekistonlik ikkita poyezd bilan qaytarilmoqda.
OTMlarga kirish imtihonlari markaziy stadionlarda o‘tkaziladi
2020/2021 o‘quv yilida OTMlarga kirish imtihonlari Toshkent va Nukus shaharlari hamda viloyatlar markazlaridagi stadionlarda kuniga ikki marta — havo salqin vaqtlarda o‘tkazilishi belgilandi.
JB agrosektorni rivojlantirishga ajratgan $500 mln qanday taqsimlanadi?
O‘zbekiston Jahon banki qishloq xo‘jaligini modernizatsiya qilishga ajratgan 500 mln dollardan 87 mln dollarini agrosektorda ilm-fan va texnologiyalarni rivojlantirish, 70 mln dollarini esa fitosanitariya va sertifikatlash xizmatlarini ko‘rsatuvchi agromarkazlarga yo‘naltiradi. Yana 200 mln dollar hududlar o‘rtasida taqsimlanib, kooperativlar va klasterlarni rivojlantirishga sarflanadi.
Qishloq xo‘jaligini rivojlantirish xalqaro jamg‘armasi O‘zbekistonga $47 mln ajratadi
Qishloq xo‘jaligini rivojlantirish xalqaro jamg‘armasi Farg‘ona vodiysida loyihalarni amalga oshirishga $47 mln ajratadi. Ushbu loyiha hududdagi 375 mingdan ortiq aholi daromadlarining o‘sishiga xizmat qilishi kutilmoqda.
O‘zbekistonda inson huquqlari bo‘yicha xalqaro forum bo‘lib o‘tadi
12−13 avgust kunlari yoshlar huquqlarini targ‘ib qilishning dolzarb masalalariga bag‘ishlanadigan Inson huquqlari bo‘yicha Samarqand forumi videokonferensiya shaklida o‘tkaziladi. Unda prezident Shavkat Mirziyoyevning BMT Bosh Assambleyasi 72-sessiyasidagi taklifiga muvofiq tayyorlangan BMTning Yoshlar huquqlari bo‘yicha konvensiyasi loyihasi muhokama qilinadi.
Uchtepa tumanidagi uchta mahalla aholisi Toshkent viloyati tarkibiga o‘tishga qarshi
Toshkentning Uchtepa tumani yashovchilari uchta mahallani Toshkent viloyatining Zangiota tumani tarkibiga o‘tkazishga qarshi chiqdi. Tuman hokimi Farhod Abdullayev ular bilan uchrashuvda poytaxt va viloyat chegaralarining o‘zgarishi hozirda loyiha ekanini ta’kidlab, ushbu masalani shahar hokimi bilan muhokama qilishga va’da berdi.
UzAuto Motors deputatning fikrlarini populizm va haqiqatni buzib ko‘rsatish deb atadi
UzAuto Motors deputat Rasul Kusherbayevning Monopoliyaga qarshi kurashish qo‘mitasi tomonidan olib borilgan tekshiruvlar haqidagi bergan xabarlariga «populistik fikr-mulohazalar» deb baho berdi hamda «qo‘mita tezislari ochiq-oydin buzilgan» deya munosabat bildirdi.
Toshkent shahri va viloyati hududida qanday o‘zgarishlar kutilmoqda?
Poytaxtning Sergeli, Chilonzor va Uchtepa tumanlaridan bir qismini Toshkent viloyatiga o‘tkazish rejalashtirilmoqda. Shuningdek, Mirzo-Ulug‘bek tumani tarkibidagi Ulug‘bek shaharchasini viloyat hududiga o‘tkazish va Qibray tumanining ma’muriy markaziga aylantirish mo‘ljallangan.
Qo‘shimcha imkoniyatlarga ega bulish uchun saytda ro‘yxatdan o‘ting