Бош прокуратура Ўзбекистон Миллий университети кутубхонасидан тарихий-бадиий аҳамиятга эга 56 та қўлёзма ва тошбосма асарлар талон-торож қилинганини аниқлади. Мансабдор шахсларга нисбатан жиноий иш қўзғатилди.
Бош прокуратура ҳузуридаги Департамент Тошкент вилоятидаги корхонанинг ходимлари савдодан тушган 489,7 млн сўмни ўзлаштирганлигини аниқлади. Ҳолат юзасидан жиноий иш қўзғатилди.
Жиззах вилоятида туман ҳокимлигининг мансабдор шахслари 7 млрд сўмдан ортиқ маблағни ўзлаштириш ёки растрата орқали талон-торож қилганликда гумон қилинмоқда.
UzAuto Motors катта миқдордаги пўлат листлар Россиядан олиб келинаётганда йўқолганини маълум қилди. Талон-торож қилинган ушбу листлар 2000 дан ортиқ Nexia-3 автомобилининг кузов қисмларини ишлаб чиқаришга етар эди, дея аниқлик киритди компания.
Тошкент вилояти Жисмоний тарбия ва спорт бошқармаси мутасаддиларига нисбатан жиноий иш қўзғатилди. Кўп миқдорда талон-торож қилишда айбланаётган бошқарма бошлиғи қамоққа олинди.
Тошкентда авиачипта сотувчи операторлар авиачипталар сотувидан тушган 771,2 млн сўм ва 58,7 минг АҚШ долларини кирим қилмасдан талон-торож қилишганликлари аниқланган.
Президент раислигида ўтказилаётган видеоселектор йиғилишида бош прокурор ўринбосари 2020 йилда Ўзбекистонда манзилли дастурларга йўналтирилган 10 трлн сўмнинг 845 млрд сўми талон-торож қилинганига эътибор қаратди.
Нукусда Granit Montaj Stroy қурилиш компанияси Nukus city ҳудудида асфальт ётқизиш ҳамда сув тармоқларини таъмирлашга ажратилган 246,1 млн сўмни талон-торож қилди. Компания ишларни тўлиқ бажармасдан, ҳисоб-фактураларга сохта маълумотларни киритган.
1 трлн сўм маблағни нақдлаштирган, 30 млн долларни чет элга чиқариб юборган жиноий гуруҳ иши судга оширилди. Аниқланишича, жиноий гуруҳ 300 млрд сўмга яқин маблағни соҳта раҳбарларнинг ҳисобига туширган ва кейинчалик ушбу маблағлар шерик банкларда нақдлаштирилган. Ҳар битта операцияда ўртача 500−600 минг доллардан нақдлаштирилган.
«Ўзбекнефтгаз» ҳудудий бошқармаси масъул ходимлари ўзларига топширилган 297,8 млн сўмлик қувур ва қора металларни талон-торож қилди.
Бош прокуратура Тошкентдаги хусусий уй-жой мулкдорлари ширкатининг собиқ раҳбарига қарши жиноий иш қўзғатди. У ширкатга қарашли уйларни таъмирлаш учун олинган кредитдан 229,3 млн сўмни ўзлаштирганликда айбланмоқда.
Бекободда МФЙ раиси маҳалласида яшамайдиган ва муҳтож бўлмаган 26 фуқарога 101,5 млн сўм нафақа тайинлаб, 31,6 млн сўмини тўлаб бергани аниқланди.
Сирдарё вилоятида кўп қаватли уйлар қурилишларида деярли 2,5 млрд сўмлик бюджет маблағлари талон-торож қилингани аниқланди. Бош прокуратура барча ҳолатлар бўйича жиноят иши қўзғатди, тергов ҳаракатлари ўтказилмоқда.
Шаҳрихон туманидаги маҳалла фуқаролар йиғини мансабдор шахслари кам таъминланган оилалар тоифасига кирмайдиган 51 фуқарога асоссиз равишда моддий ёрдам пули тўлаб берган. Оқибатда 82,2 млн сўм бюджет маблағи талон-торож қилинган.
Қўшимча имкониятларга эга булиш учун сайтда рўйхатдан ўтинг