Ўзбекистон президенти Шавкат Мирзиёев АҚШ президенти Жо Байденга давлат раҳбари лавозимига киришгани муносабати билан табрик йўллади. Бу ҳақда президент матбуот хизмати хабар берди.
Жо Байден ноябрь ойида АҚШда бўлиб ўтган президентлик сайловларида сайловчилар коллегиясининг 306 та овозига эга бўлиб, ғалаба қозонган эди.
Жо Байденнинг президентликка киришиш инаугурацияси 20 январь куни Вашингтонда бўлиб ўтди. Коронавирус пандемияси билан боғлиқ ҳолда, унда чекланган миқдордаги меҳмонлар — тахминан 1000 киши иштирок этди. Одатда, тадбирга 200 мингга яқин таклифнома тарқатилар эди.
«Бугун биз номзоднинг эмас, ғоянинг, демократия ғоясининг ғалабасини нишонламоқдамиз. Халқ, халқ иродасига қулоқ тутилди… Биз демократиянинг қимматбаҳо эканини яна бир бор англаб етдик. Демократия мўрт нарса. Ва бу соатда, дўстларим, демократия ғалаба қозонди», — дея таъкидлади Жо Байден инаугурациядаги нутқида.
