Қашқадарёда эркак 8 нафар бола асраб олиб, улардан 2 нафар қизни зўрлашда гумонланмоқда. Оила ва хотин-қизлар қўмитаси қизлардан бирининг ҳомиладор бўлиб қолганини рад этди. Болалар қариндошларига, ёрдам кўрсатиш марказига, Болаларни ҳимоя қилиш шуъбаси мудири ихтиёрига топширилди.
Хоразмнинг Янгиариқ туманида 11 нафар эркак 15 ёшли қизни бир неча бор зўрлагани айтилмоқда. Қизнинг қариндоши сўзларига кўра, ҳуқуқ-тартибот идоралари иш бўйича терговни кечиктирган ва болалар омбудсмани ташрифидан кейингина 3 нафар гумонланувчини ҳибсга олган. «Газета.uz» вазиятни ўрганди.
Хоразмдаги меҳрибонлик уйи қизларини 10 ой давомида зўрлаганликда айбланиб, 1,5 йил муддатга озодлиги чекланган икки шахснинг иши қайта кўрилади. Олий суд Хоразм прокуратураси протестини қаноатлантирди ва ишни апелляция инстанциясида янгитдан кўришга юборди.
Сенаторлар хотин-қизлар ва болаларни зўравонликдан ҳимоя қилувчи қонунни маъқуллади. Энди жинсий зўравонликда айбланганлар муддатидан илгари озодликка чиқмайди ва уларнинг рўйхати тузилади. Зўравонликка учраганларнинг ёш чегараси бекор қилинади. Жиноятчининг муайян жойларга бориши таъқиқланади.
Жинсий эркинликка қарши жиноятлар ва болаларга нисбатан зўравонлик учун жазони кучайтиришни таклиф этувчи қонун лойиҳасида оиладаги зўравонлик ва таъқиблар учун ҳам моддалар мавжуд. NeMolchi.uz ҳужжат тез орада қуйи палатага юборилишини эслатиб, унинг тўлиқ нусхаси билан танишишни таклиф қилди.
Тошкентда бедарак йўқолган 12 ёшли қиз мурдаси жинсий зўрлаш белгилари билан топилгани одамларни жунбишга келтирди. Жамоатчилик бундай жиноятлар учун жазо кучайтирилиши лозим, деган фикрда. Айни вақтда, фаоллар «боланинг хавфсизлигини ота-онанинг бўйнига юклашни масъулиятсизлик» деб баҳоламоқда.
NeUyat фестивалига 139 Documentary Center галереясида старт берилди. Унинг мақсади жинсий зўравонлик ҳодисалари атрофидаги сукунат маданиятини бузишдир. Муҳим воқелик — шу номдаги кўргазма бўлиб, унинг экспонатларида жабрланган аёлларнинг ҳикоялари ва муаллифларнинг шахсий тажрибаси акс эттирилган.
Андижон туманида 6 нафар эркак томонидан дала шийпонида зўрланганини айтган 20 ёшли келин туҳмат қилганликда айбдор деб топилди. Суд унга 2 йил-у 6 ой муддатга озодликни чеклаш жазосини тайинлади. Ноябрдаги жиноят иши аппеляцияда ҳам кўриб чиқилган ва ҳукм ўзгаришсиз қолдирилган.
Қува тумани ИИБ 11 ёшли боланинг амакиси томонидан жинсий тажовузга учрагани тўғрисидаги хабарни текширмоқда. Фарғона вилоят прокуратураси ишни назоратига олди.
Фарғона вилоятида 11 ёшли бола икки йил давомида ўз амакисининг жинсий тажовузига учрагани айтилмоқда. Ҳодиса тўғрисида блогер Ақида Ханум маълум қилди.
Ўзбекистонлик 30 ёшли талаба Токиодаги Олимпиада ўйинларига тайёргарлик чоғида япониялик қизни зўрлаганликда айбланмоқда. Миллий Олимпия қўмитасининг «Газета.uz»га маълум қилишича, ушбу фуқаро Ўзбекистон Олимпия делегацияси таркибига кирмайди.
Бухоро вилоятида вояга етмаган 14 ёшли қизни зўрлаб, кейинчалик уни қўрқитиб, ишқий муносабат қилишга мажбурлаб келган 32 ёшли эркакка уч йил қамоқ жазоси тайинланди.
Самарқанддаги текстиль корхоналаридан бирида ишловчи 19 ёшли қиз тунги навбатчилик пайтида зўрланди. Вилоят прокуратураси томонидан жиноят иши қўзғатилиб, айбланувчига нисбатан сиртдан қамоқка олиш тарзидаги эҳтиёт чораси қўлланилди.
Сенатнинг Хотин-қизлар ва гендер тенглик масалалари қўмитаси Андижон туманида ёш келинчакнинг олти эркак томонидан зўрлангани ҳолатини назоратга олди.
Андижон туманида 20 ёшли келинчак гуруҳ томонидан зўрланди. Ҳолат юзасидан жиноят иши қўзғатилди, гумондорлар — олти эркак.
Термиз прокурори 16 ёшли ўқувчи қизнинг зўрланиши ҳолати бўйича жиноят ишини қўзғатишни рад этиш тўғрисидаги қарорни бекор қилди. Ўтказилган қўшимча текширув ҳаракатлари натижасига кўра, «мавжуд қарама-қаршиликларни бартараф этиш ва ҳақиқатни аниқлаш мақсадида» жиноят иши қўзғатилди.
Андижон вилоятининг Пахтаобод туманида вояга етмаган қиз (ногирон, 2004 йилда туғилган) 65 ёшли қўшниси томонидан жинсий зўравонликка учради. Ҳуқуқни муҳофаза қилиш органларининг маълумотларига кўра, эркак 2018 йилдан бери қиз билан жинсий алоқада бўлган.
Қўшимча имкониятларга эга булиш учун сайтда рўйхатдан ўтинг