Жамият
29,5 млрд сўмлик давлат харидлари бўйича ишлар тендерлар ғолиблари аниқланмасдан бошлаб юборилган
Антикоррупция агентлиги Ўзбекистоннинг бир нечта ҳудудларида давлат харидлари бўйича қонун бузилиши ҳолатларини аниқлади. Қорақалпоғистон Республикасида 63,6 млрд сўмлик давлат харидлари бўйича тендерлар қонунга зид равишда эълон қилинган. Бундан ташқари, қатор ҳудудларда 29,5 млрд сўмлик давлат харидлари бўйича тендерларнинг ғолиби аниқламай туриб, қурилиш ва таъмирлаш ишлари бошлаб юборилган ёки тугатилган.
Ўзбекистонда 6 ойда 45 мингдан ортиқ жиноятлар содир этилган
2021 йилнинг январь-июнь ойларида Ўзбекистонда 45 мингдан ортиқ жиноятлар содир этилиб, бу кўрсаткич ўтган йилга нисбатан 111,9 фоизга ошган. 217 та қотиллик жиноятларининг ҳар учинчиси қариндошлар ёки қўшнилар ўртасида содир бўлган.
Ярим йилда 104 нафар вояга етмаган бола ЙТҲларда ҳалок бўлган
2021 йилнинг 6 ойи давомида содир бўлган 542 та ЙТҲларда 458 нафар бола жароҳатланган, 104 нафари ҳалок бўлган. Ҳалок бўлган болалар сони ўтган йилнинг 6 ойига нисбатан 33,3 фоизга ортган. Ярим йилда умумий ЙТҲлар сони 3,5 мингдан ортиқ, уларда 1000га яқин инсон ҳалок бўлган.
ТИВ хорижлик сайёҳлар учун Ўзбекистонга ташриф буюриш тартибларини эълон қилди
ТИВ пандемия даврида хорижликларнинг Ўзбекистонга кириши бўйича тартибларни эълон қилди. Унга кўра, эндиликда автомобиль орқали келаётганлар мамлакат ҳудудидига фақат ПЗРнинг манфий кўрсаткичига эга бўлсагина киритилади. Шунингдек, мамлакатга кириш вақтида туристда коронавирус инфекциясининг аломатлари бўлиб, ПЗР мусбат бўлса, ўни ўз давлатига қайтариш ишлари йўловчиларни ташиш тартибига мувофиқ амалга оширилади.
«Соғлиқни сақлаш ходимлари уйма-уй юриб, аҳолининг кўпроқ кайси касалликлар билан оғриётганини аниқлаши керак» — Танзила Нарбаева
Сенат раиси Танзила Нарбаеванинг таъкидлашича, тиббиёт хизмат соҳасидаги кўплаб муаммолар жойларда вақтида ўрганишлар олиб борилмаганлиги сабабли келиб чиқмоқда. У аҳолининг саломатлигини таъминлашда маҳаллий кенгашлар ҳам фаол бўлиши кераклигини қайд этди.
Ўтган 6 ой давомида Аёллар реабилитация марказларига деярли 400 нафар эркак мурожаат қилган
2021 йилнинг январь-июнь ойларида Аёлларни реабилитация қилиш ва мослаштириш марказларига жами 5 958 нафар фуқаро мурожаат қилган бўлиб, шундан 5 348 нафари аёл, 393 нафари эркак ҳисобланади. Ҳудудлар кесмидида энг кўп мурожаат Тошкент шаҳри (1598), Жиззах (861) ва Наманган вилоятидан (540) бўлган.
Ўзбекистонда дунёдаги энг йирик мис ва олтин захираси мавжуд — АҚШ консалтинг компанияси раҳбари
АҚШнинг SRK Consulting компанияси директори Майк Бир Ўзбекистонда 45 млн тонна мис ва 5,5 минг тонна олтин захираси мавжудлигини маълум қилди. Унинг сўзларига кўра, электромобилларни ишлаб чиқариш ҳажми ошиши билан жаҳон бозорида мисга бўлган талаб ҳам кескин ортади. У Ўзбекистонда мис ишлаб чиқаришга қаратилаётган эътиборни узоқни кўзловчи сиёсат деб атади.
Якшанба куни ҳаво ҳарорати яна кўтарила бошлайди
1 августда мамлакатни салқин ҳаво массалари аста-секин тарк эта бошлайди. Ҳаво ҳарорати +40 даражагача кўтарилиши кутилмоқда. 30−31 июлда Фарғона водийсининг тоғ олди ва тоғли ҳудудларида сел келиши хавфи бор.
Қибрайда беш киши шафқатсиз равишда ўлдирилди
Қибрай туманида беш киши шафқатсиз равишда ўлдирилди, гумондор қўлга олинди.
Тошкентга 3 млн доза Moderna вакцинаси олиб келинди
Ўзбекистонга COVAX механизми доирасида АҚШдан 3 миллион доза Moderna вакцинаси олиб келинди. Ушбу вакцина бутун мамлакат бўйлаб 18 ёшдан ошган фуқароларни эмлашда қўлланилади. Кузда AstraZeneca ва Pfizer вакциналарини етказиб бериш режалаштирилган.
Тахиатош ИИБга олиб кетилган фуқаронинг ўлими юзасидан изоҳ берилди
Қорақалпоғистонинг Тахиатош туманида маст ҳолда ИИБга олиб кетилган фуқаро вафот этди. Фуқаронинг яқинлари унинг ўлимида профилактика инспекторини айбламоқда. Ҳозирда ИИБ ходимларининг хатти-ҳаракатлари юзасидан хизмат текшируви ҳаракатлари олиб борилмоқда.
«Уйим йўқ эди, уйли бўлдим. Malibu машинам ҳам бор». Шавкат Мирзиёев самосвал ҳайдовчиси билан суҳбатлашди
Президент тоғ-кон саноати техникасини кўздан кечириб, самосвал ҳайдовчиси билан суҳбатлашди. Шавкат Мирзиёев ундан машинанинг қулайликлар, ойлик маоши, ҳаётидаги ўзгаришлар ҳақида сўради. «11−12 млн, кўтарилиб боряпти ҳозир. Уйим йўқ эди, уйли бўлдим. Ҳозир Malibu автомашинам бор», — деди ҳайдовчи.
Адлия вазирлиги Ўзбекистон герби ва байроғи тасвирланган оёқ кийимини «давлат рамзларига ҳурматсизлик» деб баҳолади
Италиялик дизайнер Стефано Риччи Ўзбекистон герби ва байроғи акс этган 18 млн сўмлик пойабзаллар тақдим этди. Адлия вазирлиги буни «давлат рамзларига ҳурматсизлик» деб баҳолади. Шунингдек, Тошкент адлия бошқармаси пойтахтдаги давлат органларида давлат рамзларидан фойдаланишда 363 та қонунбузилиш ҳолатларини аниқлаган. Натижада, 55 нафар шахс интизомий жавобгарликка тортилган.
29 июль куни Ўзбекистонда содир бўлган энг муҳим хабарлар дайжести
Ўзбекистонда пандемия бошлангандан бери коронавирусдан кунлик касалланиш бўйича энг юқори антирекорд қайд этилиши, Шавкат Мирзиёевнинг Олмалиққа ташрифи, Ўзбекистонга коронавирусга қарши яна 17,9 млн доза вакцина олиб келиниши режалаштирилаётгани — «Газета.uz»нинг 29 июлдаги энг муҳим хабарлари дайжестида.
Зангиотада янги болалар майдончасининг сунъий қопламаси йиғиштириб олинди
Rost24 нашри Зангиотадаги «Ибрат» маҳалласида болалар майдончаси очилиш маросимидан сўнг у ерга тўшалган сунъий қоплама йиғиштириб олингани ҳақида хабар қилди. Туман ҳокимлиги сунъий майсазор кун иссиқлиги сабабли яроқсиз ҳолга келганини ва янгиси билан алмаштирилишини маълум қилди.
Сурхондарёда профилактика инспектори ёрдамчилари фуқарони уриб, унинг ўлимига сабаб бўлди
Сурхондарё вилояти Денов туманида икки нафар ИИО ФМБ профилактика инспектори ёрдамчилари фуқарони бир неча бор уриб, тан жароҳати етказган. Оқибатда фуқаро шифохонада вафот этган. Ҳолат юзасидан жиноят иши қўзғатилиб, 2 нафар шахсга нисбатан «қамоққа олиш» эҳтиёт чораси қўлланилган.
Абитуриентларга рухсатномаларни бериш 1 августдан бошланади
ОТМларнинг бакалавриат таълим йўналишларига кириш тест синовларида иштирок этиш онлайн рўйхатдан абитуриентларга «Абитуриент рухсатномаси»ни бериш 1 август санасидан бошланади.
«ISHONCH» дўконлар тармоғи энди Бухорода
Бухоро шаҳрида маиший техника, мебель, сантехника воситалари, спорт анжомлари ва бошқа кўплаб маҳсулотлар муддатли тўлов асосида сотиладиган «ISHONCH» дўконлар тармоғининг филиали иш бошлади.
Ўзбекистонга 1,2 млн доза Pfizer вакцинаси олиб келинади
Ўзбекистонга коронавирусга қарши яна 17,9 млн доза вакцина олиб келиниши режалаштирилмоқда. Улар орасида Pfizer/Bio N Tech вакцинасининг 1,2 млн дозаси олиб келиниши ҳам кўзда тутилган.
Ўзбекистонда «Спутник V» вакцинасини ишлаб чиқариш қачондан бошланади?
Jurabek Laboratories томонидан «Спутник V» вакцинасининг биринчи намунаси ишлаб чиқилиб, Гамалея институтига текшириш учун юборилган. Ижобий жавоб олингач ва Россиядан хом-ашё келтирилгач, Ўзбекистонда «Спутник V» вакцинасини қуйиш август ўрталарида бошланиши мумкин. Jurabek Laboratories ишлаб чиқариш директорининг маълум қилишича, компания биринчи босқичда 2 млн доза «Спутник V» ва 10 млн доза хитой-ўзбек вакциналарини ишлаб чиқаришни режалаштирган.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг