29 июль куни президент Шавкат Мирзиёев Олмалиқ шаҳрига ташрифи чоғида «Jurabek Laboratories» МЧЖ қўшма корхонасида «COVID-19»га қарши вакцина ишлаб чиқариш жараёнлари билан танишди, дея хабар бермоқда «Газета.uz» мухбири.
Учрашувда хабар қилинишича, Ўзбекистонга яна 17,9 млн доза вакцина етиб келиши кутилмоқда:
- Moderna — 3 млн доза (COVAX дастури доирасида (бепул) 30 июль куни етказилмоқда);
- Pfizer/Bio N Tech — 1,2 млн доза;
- ZF-UZ-VAC-2001 — 12 млн доза
- Спутник V — 1,7 млн доза.
Шунингдек, вакцинация жараёнлари учун мамлакатга 982 та музлатгич ва совутгичлар ҳамда 545 та компютерлар етказилади.
Маълумотга кўра, 2021 йилда Ўзбекистонга етказилган барча вакциналарга 44 млн 761,5 минг АҚШ доллари сарфланган. Улардан ўзбек-хитой вакцинасига $ 39 млн 100 минг, Спутник V вакцинасига 8,5 млн доза учун — $3 млн 681,5 минг ва AstraZeneca вакцинасига $1 млн 980 минг сарфланган.
Қайд этиш жоиз, AstraZeneca вакцинасининг биринчи партияси глобал СOVAX дастури орқали, иккинчиси эса Озарбайжон элчихонаси кўмаги билан Озарбайжондан етказиб берилган эди.
Бундан ташқари, Emlash.uz дастури орқали QR-кодли ягона сертификатлар тизимини давлатлараро тан олиниш тизими жорий этиш кўзда тутилган. Вакцинация жараёнларини билан боғлиқ бўлган норматив-ҳуқуқий базани такомиллаштирилиши режалаштирилган.
