ЎзДЖТУ талабаси ўз жонига қасд қилди
Ўзбекистон давлат жаҳон тиллари университети талабаси ўз жонига қасд қилди. «Газета.uz» манбасининг маълум қилишича, у ўзини 4-қаватдан ташлаган.
Соғлиқни сақлаш вазирлиги Kinder маҳсулотлари устидан назоратни кучайтирди
Жаҳонда сальмонеллёз касаллиги авж олиши фонида Ўзбекистон Соғлиқни сақлаш вазирлиги эҳтиёт чораларини кучайтириб, давлатга кириб келаётган ва савдога чиқарилаётган барча ширинликлар қатори Kinder шоколадлари хавфсизлигини ҳам назоратдан ўтказмоқда.
«Миллий ғоя сифатида аҳолини қонун устуворлиги ғояси атрофида бирлаштиришимиз керак» — адлия вазири
Адлия вазири Русланбек Давлетов аҳолини миллий ғоя сифатида қонун устуворлиги ғояси атрофида бирлаштириш, буни энг аввало, давлат органлари фаолиятида таъминлаш зарур, деб ҳисоблайди. Шунингдек, давлат хизматчиларининг ҳуқуқий тафаккурини ислоҳ қилиш, самосуд ва фирибгарлик ҳолатлари кўпайгани ҳақида гапирди. Адлия вазирлиги жиноятлардан етказилган зарарни тўлиқ қопламаган маҳкумларни шартли равишда озод этишни бекор қилишни режалаштирмоқда.
Кўп квартирали уйларни бошқаришда қандай ўзгаришлар амалга оширилмоқда?
Сенаторлар «Кўп квартирали уйларни бошқариш тўғрисида»ги қонунга ўзгартиришлар киритиш тўғрисидаги қонунни маъқуллади. Солиқ кодекси тўғридан-тўғри бошқарувчи ташкилотлар ва уй-жой бошқарувчилари учун солиқ имтиёзларини ўз ичига олади. Уй-жой коммунал хизмат кўрсатиш вазирлиги ҳузуридаги кўп квартирали уй-жой фондидан фойдаланишни назорат қилиш инспекцияси кўп квартирали уйлардан фойдаланиш ва уларни бошқариш қоидаларини бузиш соҳасидаги маъмурий ишларни кўриб чиқиш ҳуқуқига эга бўлди. Ушбу ўзгаришлар рўйхати тўлиқ бўлмаслиги мумкин — қонун матни эълон қилинганича йўқ.
Ўзбекистонда Фаластиннинг янги элчиси иш бошлади
Ўзбекистонда Фаластиннинг қайта тайинланган элчиси Жавад Муҳаммад Авад ўз фаолиятини бошлади. Ташқи ишлар вазири в.б. Владимир Норов элчидан ишонч ёрлиқлари нусхаларини қабул қилиб олди.
Ўзбекистон олтин бозорида Россия билан рақобатлашмайди — Шуҳрат Вафоев
Ўзбекистон Россия олтинини ташқи бозорларда алмаштиришни режалаштирмаяпти, дея таъкидлади инвестициялар ва ташқи савдо вазири ўринбосари Шуҳрат Вафоев РБКга. 2021 йилда бу давлатлар қимматбаҳо металлар экспорти бўйича жаҳон етакчилари қаторидан жой олди.
28 апрель куни Ўзбекистонда содир бўлган энг муҳим хабарлар дайжести
Ўзбекистонда букмекерликни қонунийлаштириш бекор қилингани, 8 дақиқа ўтмай жонли эфирдан узилган Сенат мажлиси, 4 сотих ерни $30 мингга сотмоқчи бўлган ҳоким ёрдамчиси ва унинг синфдоши, Ҳисор тоғларидаги баҳор, кредитларга кафил бўлган фуқароларни огоҳлантирган Марказий банк ва бошқалар — «Газета.uz» нинг 28 апрелдаги энг муҳим хабарлари дайжестида.
Ўзбекистонда букмекерлик фаолиятини қонунийлаштириш бекор қилинди
Президент Ўзбекистонда букмекерлик фаолиятини қонунийлаштириш тўғрисидаги қарорни бекор қилди. Президентнинг аввалги фармони билан 2021 йил 1 январдан букмекерлик идораларини очишга рухсат берилган, бироқ ҳуқуқий асослар мавжуд бўлмагани сабабли мамлакатда улар фаолияти ноқонуний бўлиб қолаётган эди.
Сенат инсон аъзолари трансплантацияси тўғрисидаги қонунни маъқуллади
Эндиликда инсон аъзолари трансплантацияси учун беморга қариндош бўлмаганлар ҳам донорлик қилиши мумкин. Тирик донорни ундан аъзосини ва (ёки) тўқималарини олиш учун розилик беришга мажбурлаш тақиқланади.Ўзбекистон фуқароси чет давлат фуқароси бўлган реципиент учун донор бўлолмайди. «Инсон аъзолари ва тўқималарининг трансплантацияси тўғрисида»ги қонун сенаторлар томонидан маъқулланди.
Деҳқонободда аниқланган она айиқ ва унинг икки боласи тирик экани маълум қилинди
Экология қўмитаси Қашқадарё вилоятининг Деҳқонобод туманида аниқланган она айиқ ва унинг икки боласи тирик эканини маълум қилди. Улар тасвири «Теракли» МФЙ ҳудудида олинган бўлса, ўлик айиқ боласи Қизилсой ўрмонидан топилган.
Зомин ва Бахмалда табиатни муҳофаза қилиш учун махсус прокуратура ташкил этилади
Бош прокуратура тизимида Зомин ва Бахмал табиатини муҳофаза қилишга оид қонунчилик ижроси устидан назорат ва ерлардан ноқонуний фойдаланишни бартараф этиш бўйича ихтисослаштирилган прокуратура ташкил этилади.
Европада сальмонеллёз авж олиши Бельгия шоколади билан боғлиқ — ЖССТ
Дунёнинг 11 мамлакатида сальмонеллёз касаллигининг авж олиши Бельгия шоколадини истеъмол қилиш билан боғлиқ. Сўнгги ҳафталарда Ўзбекистонда ушбу касалликка чалиниш ҳолатлари ҳақида хабар қилингани йўқ. ЖССТ янги ҳолатларнинг пайдо бўлиши эҳтимоли бор деб ҳисоблайди ва аҳоли учун салмонеллёзнинг олдини олиш чораларини эслатиб ўтди.
Андижонда хокимият бош юристконсульти пора билан қўлга тушди
Асака тумани ҳокимлиги бош юристконсульти фермер хўжалигининг суддаги ишини ҳал қилиб бериш эвазига $1000 олаётган вақтда қўлга тушди. Унга нисбатан жиноят иши қўзғатилди.
Ов қуроли ва ўқ-дориларини олиш ҳуқуқига эга бўлиш учун ёш чегараси 25 ёш этиб белгиланмоқда
Ўзбекистон фуқароларининг фуқаровий ов қуролини ва унинг ўқ-дориларини олиш ҳуқуқига эга бўлиш учун ёш чегараси 25 ёш этиб белгиланмоқда. Шунингдек, фуқаровий қурол ва унинг ўқ-дориларини ҳадя этилиши тақиқланиши мумкин. Қурол ва унинг ўқ-дорилари муомаласини давлат томонидан тартибга солиш ва назоратни амалга ошириш функциялари Миллий гвардиядан ички ишлар органларига ўтказилмоқда.
Фото: Ҳисор қўриқхонасида баҳор
Давлат экология қўмитаси ноёб жониворлар яшайдиган Ҳисор давлат қўриқхонасининг баҳорий табиатидан тасвирларни эълон қилди.
Марказий банк кредитларга кафил бўлган фуқароларни огоҳлантирди
Марказий банк ўз вақтида қайтарилмаётган кредитлар бўйича қарздорлик тўғридан-тўғри кафилларнинг ҳисоб рақамидан ечиб олинаётгани юзасидан изоҳ берди. МБ кафил бўлаётган фуқароларни ўзи ва қарз олувчининг келажакда йўлиқиши мумкин бўлган молиявий рискларни тўғри таҳлил қилишга чақирди.
Молия вазирлиги тадбиркорлар ҳисоботларини топшириш муддатини узайтиришни режалаштирмоқда
Ўзбекистон Молия вазирлиги тадбиркорларга молиявий ҳисоботларни топширишда енгилликлар беришни режалаштирмоқда. Унга кўра, йиллик ҳисоботларни кейинги йилнинг 1 апрелигача, чораклик ҳисоботларни эса ҳисобот давридан кейин 40 кун ичида тақдим этишга рухсат берилиши мумкин.
Сенат мажлисининг жонли эфири 8 дақиқадан кам давом этди
UzReport TV орқали Сенат мажлиси трансляцияси бошланганидан қарийб 8 дақиқа ўтиб тўхтатилди. Парламент юқори палатасининг YouTube-саҳифасида жонли эфир 2019 йил октябридан бери биринчи марта намойиш этилмади. Президент фармонига кўра, 1 декабрдан бошлаб йиғилишлар МТРК каналлари ва интернет тармоғида эфирга узатилиши керак эди.
Лойиҳа бошқаруви миллий агентлиги Истиқболли лойиҳалар миллий агентлиги этиб қайта ташкил этилди
Президент фармони билан Лойиҳа бошқаруви миллий агентлиги Истиқболли лойиҳалар миллий агентлиги этиб қайта ташкил этилди. Крипто-активлар айланмаси соҳасида ягона давлат сиёсатини ишлаб чиқиш агентликнинг устувор вазифаларидан бири этиб белгиланди.
4 сотих ерни $30 мингга сотмоқчи бўлган ҳоким ёрдамчиси ва унинг синфдоши ушланди
Тошкент тумани ҳокими ёрдамчиси ва унинг синфдоши 4 сотих ерни 30 минг долларга сотмоқчи бўлганда ушланди. Нурафшонда эса МЧЖ раҳбари 2 гектар ерни 500 минг долларга сотмоқчи бўлди. ДХХ, Бош прокуратура ҳузуридаг Департамент ва ИИВ ноқонуний ер олди-сотдиси билан боғлиқ бир қанча ҳолатларни аниқлади.
Қўшимча имкониятларга эга булиш учун сайтда рўйхатдан ўтинг