Ўзбекистонда букмекерлик фаолиятини қонунийлаштириш тўғрисидаги қарорни бекор қилинди.Бу президентнинг 6 апрелдаги қарорида кўзда тутилган.
Шавкат Мирзиёев 2019 йил декабрида мамлакатда 2021 йилдан бекмекерлик идораларини очишга рухсат берувчи фармонни имзолаган эди. Уларнинг қонунийлаштирилиши спорт, айниқса футболни ривожлантириш, унинг инвестицион жозибадорлигини оширишга хизмат қилиши керак эди.
Лицензияларни кейинчалик тугатилган Капитал бозорини ривожлантириш агентлиги бериши лозим эди. Бугунга қадар ҳуқуқий асослар мавжуд бўлмагани сабабли амалитда лицензия берилмади.
Ҳозирда 2019 йилдаги фармоннинг букмекерликлар билан боғлиқ барча бандлари бекор қилинган.
2020 йил февраль ойида Профессионал футбол лигаси раҳбари ўринбосари Диёр Имомхўжаев букмекерлик конторликларини қонунийлаштириш Ўзбекистондан капитал чиқиб кетишини камайтиришга ёрдам беришини айтганди. Унинг сўзларига кўра, ўша пайтда мамлакат онлайн лотереялар ва букмекерлик идораларининг «кулранг бозори» туфайли қарийб 50 млн доллар йўқотаётган эди. Президентнинг ёшлар, илм-фан, таълим, соғлиқни сақлаш ва спорт масалалари бўйича маслаҳатчиси Абдужабар Абдувахитов ҳам қонунийлаштиришни ёқлаб чиққанди.
Бош вазир ўринбосари, туризмни ривожлантириш давлат қўмитаси раиси Азиз Абдуҳакимов ҳам букмекерлик фаолиятини қонунийлаштиришнинг афзалликлари ҳақида баёнот берди. «Кўпгина ўйинчилар бошқа мамлакатларга саёҳат қилишади ёки хорижий платформаларда пул сарфлашади. Биз пул йўқотяпмиз. Шу боис мамлакатимиздаги букмекерлик идораларини қонунийлаштиришимиз ва бундан тушган фойданинг маълум фоизини маҳаллий спортни ривожлантиришга йўналтиришимиз керак», — деган эди у Қозоғистоннинг «Хабар 24» телеканалига берган интервьюсида.
2021 йил сентябрь ойида Олий Мажлис ҳузуридаги Қонунчилик муаммолари ва парламент тадқиқотлари институти букмекерлик фаолиятини ҳуқуқий тартибга солиш бўйича қонун лойиҳасини ишлаб чиқишни таклиф қилди. Депутат Дониёр Ғаниевнинг фикрича, пул тикиш билан фақат мамлакат резидентлари шуғулланиши, норезидентларга эса маҳаллий банк тизимлари орқали тўловларни амалга оширишни тақиқлаш керак. Шунингдек, у реклама ва лотереяларни рағбатлантиришни тақиқлашни ва жисмоний шахслар учун гаровларнинг максимал миқдорини белгилашни таклиф қилди.
Яқинда Истеъмолчилар ҳуқуқларини ҳимоя қилиш агентлиги Ўзбекистонда фаолияти ноқонунийлигича қолаётган 10 дан ортиқ букмекерлик конторликларининг веб-сайтларига киришни чеклади.
