Ўрик қўшиб тайёрланган творогли пирог, мевали десерт, ўрикли галета, кекс ва бошқалар — Zira.uz ширин ва фойдали мевалардан бири бўлган ўрикли пишириқлар рўйхатини тақдим этади.
Сирдарёда EXEED автомобилларини ишлаб чиқариш заводи ишга туширилди. Заводда учта EXEED премиум модели — LX ва TXL кроссоверлари ва VX йўлтанламасини ишлаб чиқариш режалаштирилмоқда. Бренд ишлаб чиқарувчиси эса Asaka Motors ҳисобланади.
Президент сайловини ўтказиш учун 174,1 млрд сўм ажратилиши, камбағалликни қисқартиришда 4 та асосий йўналиш, Нукус воқеалари бўйича апелляция суди тафсилотлари, Ўзбекистон бюджетини қўллаб-қувватлаш учун Германиянинг KfW банкидан 500 млн евро кредит ва бошқалар — «Газета.uz»нинг кун дайжестида.
Халқаро молия корпорацияси Ўзбекистонга Тошкентнинг энергия тақсимлаш тизимини модернизация қилувчи инвесторни аниқлаш бўйича халқаро тендер ўтказишда ёрдамлашади.
Хитой раҳбари Си Цзиньпин Сиан шаҳрида бўлиб ўтган саммитда Марказий Осиё давлатлари билан савдо ва энергетикани ривожлантиришга чақирди ҳамда ҳамкорликнинг саккиз йўналишини таклиф қилди.
Туркиянинг Trendyol компанияси ва Guzar компаниялар гуруҳи ўртасида ҳамкорлик меморандуми имзоланди.
Президент Шавкат Мирзиёев рамзий тугмани босиб, 3,3 млрд долларлик 15 та лойиҳани — автомобиль ва электромобиллар, металл маҳсулотлари, тиббий буюмлар ишлаб чиқариш ва бошқа қувватларни ишга туширди ва янги корхоналар қурилишига старт берди. Шунингдек, у Хитой бизнеси вакиллари билан ҳам учрашди.
Бош вазир ўринбосари Жамшид Қўчқоров ҳукуматнинг камбағалликка қарши курашишдаги асосий йўналишларини маълум қилди. Унга кўра, қишлоқ хўжалигини ислоҳ қилиш, қишлоқларда тадбиркорликни яхшилаш, инфраструктурани ривожлантириш ҳамда урбанизацияни қўллаб-қувватлаш устувор йўналишлар ҳисобланади.
Қорақалпоғистон воқеалари бўйича апелляция судида асосий фигурант Даулетмурат Тажимуратов суддан Хоразм ҳуқуқ-тартибот идораларидан «Нукусда Ички ишлар вазирлигида қийноқлар бўлганми ёки йўқ?» саволига жавоб олишни сўради. Суд Бош прокуратурага ички экспертиза ўтказиш учун хат юборди.
Йирик автомобиль ишлаб чиқарувчилардан бири бўлган ADM JIzzakh компанияси Chery International билан ҳамкорликда гибрид автомобиллар ва электромобиллар ишлаб чиқаришни йўлга қўйганини маълум қилди.
Тошкент вилоятида Wildberries компаниясининг саралаш ва логистика маркази фаолиятини бошлади. Эндиликда ўзбекистонлик тадбиркорлар ўз маҳсулотларини ушбу маркетплейсда сотишлари мумкин.
«Ҳудудгаз Тошкент» газ таъминотининг 2 нафар етакчи муҳандиси жарима расмийлаштирмаслик эвазига 8 минг доллар пора олганликда гумон қилиниб, қамоққа олинди.
Италия шимолидаги йирик сув тошқини сабабли 13 киши ҳалок бўлди, 13 мингдан ортиқ аҳоли уйларини ташлаб кетди. Табиий офат мамлакатда сўнгги 100 йилдаги энг ҳалокатлиси деб баҳоланмоқда.
Самарқанд шаҳрида «Нурли маскан» мактабининг 19 ёшли ўқувчиси Isuzu автобуси уриб кетиши сабабли орадан 2 кун ўтиб, шифохонада вафот этди. Уни уриб юборган автобус ҳайдовчиси 7 йилгача озодликдан маҳрум қилиниши мумкин.
Германиянинг KfW банки Ўзбекистон бюджетини қўллаб-қувватлаш учун 500 млн евро ажратиши мумкин, деди Mangold Consulting компанияси раҳбари Кристоф Мангольд иқтисодиёт ва молия вазири Шерзод Кудбиев билан учрашувда.
ЕТТБнинг бизнес-форуми доирасида «Агробанк» Германиянинг ODDO BHF банки билан 20 млн евролик шартнома имзолади. Маблағлар «Агробанк» орқали савдони молиялаштириш соҳасидаги лойиҳаларга йўналтирилиши кўзда тутилган.
Ўзбекистон президенти «Марказий Осиё-Хитой» саммитидаги нутқида 6 давлатнинг миллий ривожланиш стратегиясини боғлаш, «янги иқтисодий мулоқот»ни шакллантириш, ўзаро боғлиқликни кучайтириш ва минтақа давлатларининг 2030 йилга бориб Хитой билан товар айирбошлаш ҳажмини 2 баравар оширишни таклиф қилди.
Марказий сайлов комиссияси Ўзбекистон президенти сайловига тайёргарлик кўриш ва уни ўтказиш билан боғлиқ харажатлар сметасини 174 млрд 130 млн сўм этиб тасдиқлади. Сиёсий партияларга жами 19 млрд 655 млн сўм, ҳар бир номзодга эса 4 млрд 914 млн сўмдан ажратилади.
Сергели туманида тўрт нафар фуқаро 100 минг қалбаки АҚШ долларини 70 минг долларга сотишда гумонланиб қўлга олинди. Уларга нисбатан жиноий иш қўзғатилди.
1 июндан бошлаб пойтахтда 50, 103, 105, 110-автобус йўналишларининг графиги ўзгаради. Шунингдек, 19 майдан 119-сонли автобус йўналишида энди ўта катта сиғимли, «King Long» русумли автобуслар ҳаракатлана бошлайди.
Қўшимча имкониятларга эга булиш учун сайтда рўйхатдан ўтинг