Ўзбекистон шимолида кечаси ҳаво ҳарорати нолга тушади
Октябрь ойининг биринчи кунларида Ўзбекистонда ҳаво ҳарорати аста-секин кечаси + 3 … + 8 даражагача, кундузи + 12 … + 17 даражагача пасаяди. Шимолда кечаси нолгача пасайиши кутилмоқда. Шамол тезлиги 17−22 м/с гача кучайиши кутилмоқда.
«СамАвто» янги авлод автомобилларини ишлаб чиқаришга ўтмоқда
Самарқанд автомобиль заводи 729 авлод Isuzu юк машиналари ва автобусларини ишлаб чиқаришни тўхтатади ва экологик стандартдаги — 700P авлодига га ўтади. Эски авлод автомобиллари эгалари учун эҳтиёт қисмлари яқин 10 йил ичида мавжуд бўлади.
Бухородаги бюджет ташкилоти икки йил ичида 65 млрд сўмлик харидларни тендерсиз амалга оширди
Бухорода бюджет ташкилоти қарийб 65 млрд сўм миқдоридаги харидларни тендерсиз амалга оширгани аниқланди. Монополияга қарши курашиш қўмитаси «Рақобат тўғрисида"ги қонунни бузганлик учун иш очди.
Бачадон бўйни саратони скрининг дастури ишга туширилмоқда
Бачадон бўйни саратони Ўзбекистонда аёллар орасида энг кўп учрайдиган саратон касаллиги тури бўйича иккинчи, мазкур касаллик туфайли ўлим ҳолатлари бўйича эса учинчи ўринда туради. У 90% ҳолларда одам папиллома вируси инфекцияси билан бошланади. Касалликни эрта ташхис қўйиш ва тўғри даволаш орқали енгиб ўтиш мумкин. Икки вилоятда пилот скрининг дастури ишга туширилмоқда.
Шавкат Мирзиёев: «Президентлик — бу шунчаки лавозим»
Шавкат Мирзиёев Андижон сайловчилари билан учрашувда беш йил ичида нималарга эришди, деган саволга: «Эркин, қўрқувсиз яшаш», деб жавоб берди. «Мен ҳам инсонман, президентлик бир лавозим, мақсадим халқимга, Ўзбекистон, Андижон халқига хизмат қилиш», — дея қўшимча қилди у.
Венгриянинг ОТP Bank банки «Ипотека-банк» давлат улушининг 75 фоизини сотиб олади
Бош вазир ўринбосари Жамшид Қўчқоров «Ипотека-банк» давлат улушининг 75 фоизини Венгриянинг ОТP Bank банки сотиб олаётганини маълум қилди. Унинг сўзларига кўра, ҳужжатларнинг биринчи қисмини чоршанба куни, қолганини эса икки ой давомида имзолаш режалаштирилмоқда.
Ўзбекистон 2022 йилда НКМКнинг 10 фоизгача акцияларини сотиши мумкин — бош вазир ўринбосари
Ҳукумат Навоий кон-металлургия комбинатини хусусийлаштиришга тайёргарликни бошлади. 2022 йилда акцияларнинг 10 фоизи сотилиши мумкин, деди бош вазир ўринбосари Жамшид Қўчқоров.
Тошкент вилоятида ота қизини зўрлаганликда гумонланмоқда. Қиз ҳомиладор
Тошкент вилоятида 15 ёшли қизнинг онаси эри икки йил давомида қизини зўрлаб келганини маълум қилди. Унинг сўзларига кўра, ҳозирда қизи ҳомиладор. Бош прокуратура жиноий иш қўзғатилганини маълум қилди.
Вакцина олган сиртқи ёки кечки таълимда ўқиётган талабаларга ҳам контракт тўловида 10%лик чегирма берилади
1 ноябрга қадар коронавирусга қарши эмланган талабаларга 2021−2022-ўқув йили учун белгиланган стипендиясиз тўлов-контракт миқдорларига бир марталик 10 фоиз чегирма берилиши белгиланди.
«Cуперконтракт»нинг минимал миқдорлари белгиланди
Бакалавриат таълим йўналишлари бўйича табақалаштирилган тўлов-контрактнинг минимал миқдорлари (суперконтракт) тасдиқланди.
Огоҳлантиришсиз газ ўчирилишига йўл қўйилмайди — «Ҳудудгазтаъминот»
«Ҳудудгазтаъминот» эндиликда огоҳлантиришсиз газ ўчирилишига йўл қўйилмаслигини маълум қилди. Таъкидланишича, ҳозирда хонадонларга 2 млн га яқин электрон газ ҳисоблагичлар ўрнатилган ва қарздорлик ҳақида SMS-хабарнома юборилиб, истеъмолчига 5 кун муддат берилади.
Ҳудудларда 30 кг дан ортиқ гиёҳванд моддаларнинг ноқонуний муомаласига чек қўйилди
ДХХ ходимлари Тошкентда ва бир қатор вилоятларда гиёҳванд моддалар савдосининг бир нечта ҳолатларига чек қўйдилар. Қарийб 18 кг, жумладан, Амударё орқали чегарани ноқонуний кесиб ўтган Афғонистон фуқаросидан 9 кг опий топилди ва мусодара қилинди.
Ўзбекистонда 10 дан ортиқ букмекерлик сайтлари блокланди
Истеъмолчилар ҳуқуқларини ҳимоя қилиш агентлиги АОКА билан биргаликда 10 дан ортиқ букмекерлик фаолияти билан шуғулланувчи ноқонуний сайтларга киришни чеклади.
Қашқадарёда қарийб 10 млрд сўм депутатлар рухсатисиз сарфланган — Сенат раиси
Сенат раиси Қашқадарё вилоятида маҳаллий бюджетларда қўшимча шакллантирилган 10 млрд сўмга яқин маблағлар депутатлар рухсатисиз сарфлаб юборилганини танқид қилди.
Ўзбекистонда бир кун ичида икки марта зилзила сезилди
Чоршанба куни Ўзбекистоннинг бир қатор ҳудудларида кун давомида икки марта зилзила сезилди. Зилзиланинг эпицентри Қирғизистонда бўлган.
«Газета.uz»да чиққан мақолалар:
Коронавирусга қарши вакцина олиш учун 16 та сабаб
COVID-19 инфекциясидан ҳимояланишнинг ягона йўли — вакцинация. Шунга қарамай, дунё бўйлаб ихтиёрий тарзда эмланишдан бош тортиш ҳолатлари учрамоқда. Гарвард университети Кеннеди мактабининг Белфер маркази коронавирусга қарши эмланиш учун 16 та сабабларни келтирди.
