Вакцина олган сиртқи ёки кечки таълимда ўқиётган талабаларга ҳам контракт тўловида 10%лик чегирма берилади. Бу ҳақда Олий таълим вазирлиги хабар берди.
ОТМлар бакалавриатининг сиртқи ёки кечки таълим шакли бўйича базавий тўлов-контракт асосида таҳсил олаётган ҳамда 1 ноябрга қадар коронавирусга қарши эмланган (вакцина олган) талабаларга 2021−2022-ўқув йили учун белгиланган стипендиясиз базавий тўлов-контракт миқдорларига бир марталик 10 фоиз чегирма берилиши белгиланди.
Июль ойининг аввалида вакцинация қилинган тўлов контракт асосида ўқийдиган талабаларга 2021−2022 ўқув йили учун базавий тўлов контрактига 10 фоиз миқдорида чегирма бонуси берилиши ҳақида хабар берилган эди.
Кейинроқ мазкур тартиб фақат кундузги таълимда ўқиётган талабаларга амал қилиши айтилган эди.
