«коррупцияга қарши курашиш агентлиги» тегли мақолалар
Қонун бузилиши сабабли қиймати 14 млрд сўмдан ортиқ 9 та давлат хариди бекор қилинди
Коррупцияга қарши курашиш агентлиги жами қиймати 14 млрд сўмдан ортиқ бўлган 9 та давлат хариди бўйича баённомаларни бекор қилдирди. Хусусан, «Шўртан газ кимё мажмуаси» буюртмачилигидаги 9,4 млрд сўмлик давлат харидида аффилланган шахслар ғолибликни қўлга киритган.
Коррупция ҳақида хабар берганлар ҳимоясини кучайтирувчи қонун лойиҳаси муҳокамага қўйилди
Ўзбекистонда коррупцияга оид ҳуқуқбузарлик ҳақида хабар берганларни ҳимоя қилиш тўғрисидаги қонун лойиҳаси жамоатчилик муҳокамасига қўйилди. Унда хабар берувчининг ҳаёти, соғлиғи, мол-мулки ҳимоланиши ва бошқа қатор кафолатлар акс этган.
Ўзбекистоннинг 2023 йилдаги энг очиқ ва энг ёпиқ давлат органлари номи маълум қилинди
Коррупцияга қарши курашиш агентлиги давлат органларининг 2023 йилдаги очиқлик индекси натижаларини эълон қилди. Статистика агентлиги, ОКМК, Марказий банк, Рақобатни ривожлантириш қўмитаси ва Хоразм вилояти ҳокимлиги энг яхши натижаларни қайд этди.
Давлат идораларининг коррупцияга қарши курашиш рейтинги эълон қилинди
Антикоррупция агенлиги давлат идораларининг коррупцияга қарши кураш бўйича рейтингини эълон қилди. Вазирликлар орасида Тоғ-кон саноати вазирлиги энг яхши, Инвестициялар, саноат ва савдо вазирлиги энг ёмон натижани қайд этди. Ҳокимликлар орасида энг қуйи ўриндан Андижон вилояти ҳокимлиги жой олди.
«Бир миллион дастурчи» лойиҳаси доирасида 919 млн сўм пул талон-торож қилингани аниқланди
Мактабгача ва мактаб таълими вазирлиги ҳузуридаги «Ўқув таълим-таъминот» муассасасининг «Бир миллион дастурчи» лойиҳасида бюджет пули ўзлаштирилган бўлиши мумкин. Ташкилот билан шартнома тузган корхона керакли электрон қурилмаларни етказиб бермай, 919 млн сўмни талон-торож қилганликда гумонланмоқда.
Антикоррупция агентлигига 2023 йилда энг кўп таълим соҳаси бўйича мурожаат келиб тушган
Коррупцияга қарши курашиш агентлигига 2023 йилда энг кўп таълим соҳаси ходимларининг хатти-ҳаракатлари ва соҳадаги қонун бузилиши ҳолатлари бўйича мурожаат келиб тушган. Шунингдек, суд қарорларидан норозилик ва тендер савдоларидаги бузилиши ҳолатлари бўйича ҳам кўп шикоятлар билдирилган.
Антикоррупция агентлиги ССВнинг 435 млн сўмлик тендерида қонун талаблари бузилганини аниқлади
Коррупцияга қарши курашиш агентлиги Соғлиқни сақлаш вазирлигининг 435 млн сўмлик тендерида қонун талаблари бузилганини аниқлади. Аввалроқ «Газета.uz» мазкур тендер бир корхона таъсисчилари иштирокида ўтказилгани ҳақида ёзганди.
«Очиқлик сиёсатига зид». Антикоррупция раҳбари ва «Юксалиш» — ҳуқуқ-тартибот ходимларини тасвирга олишни чекловчи янги норма ҳақида
Антикоррупция агентлиги раҳбари Акмал Бурханов ҳуқуқ-тартибот ходимларининг фото ва видеоларини «обрўсизлантириш мақсадида» интернетда эълон қилганлик учун жазолаш ҳақидаги норма ошкоралик сиёсатига зид, деб ҳисоблайди. «Юксалиш» ҳаракати Сенатдан жамоатчилик эътирозларини инобатга олишни сўради.
Қумқўрғон ҳокими фуқародан ҳадя сифатида «Equinox» олиш бўйича фармойишини бекор қилди
Сурхондарёнинг Қумқўрғон тумани ҳокими ҳокимлик балансига фуқародан «Equinox» машинасини ҳадя сифатида қабул қилиш бўйича фармойиш имзолаганди. Антикоррупция агентлиги тақдимномасидан кейин ҳоким эски фармойишини бекор қилди. Икки ҳужжат ҳам E-qaror тизимида яширин ҳолда турибди.
PhD ва DSc илмий даражасини олиш учун диссертация ҳимояси интернет орқали жонли эфирга узатилади
Президент фармони билан фалсафа доктори (PhD) ва фан доктори (DSc) илмий даражасини олиш учун илмий кенгаш томонидан ўтказиладиган диссертация ҳимоясини, Президент, ижод ва ихтисослаштирилган мактабларга кириш имтиҳонларини интернет орқали жонли эфирга узатиш белгиланди.
Очиқ эълон қилиниши керак бўлган ижтимоий аҳамиятга молик маълумотлар рўйхати кейгайтирилди
Президент фармони билан Очиқ маълумотлар сифатида жойлаштирилиши керак бўлган ижтимоий аҳамиятга молик маълумотлар рўйхати кенгайтирилди. 1 декабрдан «Ҳаж»га бориш учун навбатда турганлар, болаларни «боғча»га қабул қилиш бўйича аризалар навбати ва яна 3 турдаги маълумотлар ҳам очиқ эълон қилинади.
Тошкент вилоятидаги «Қанқа шаҳристони» ёдгорлигига қарийб 14 млрд сўмлик зарар етказилгани аниқланди
Тошкент вилоятида икки минг йиллик «Қанқа шаҳристони» ёдгорлигига 3 киши томонидан умумий 13,9 млрд сўм зарар етказилгани аниқланди. Гумонланувчиларга нисбатан жиноят иши қўзғатилди.
Вазирлик, идора ва ҳокимликлар эълон қилиниши лозим бўлган маълумотларнинг фақат ярмини очиқлаяпти
Антикоррупция агентлиги 93 та вазирлик, идора ва ҳокимликда эълон қилиниши лозим бўлган маълумотларнинг фақат 52 фоизи очиқланаётганини аниқлади. Аксарият ҳолларда бюджет ва бюджетдан ташқари маблағлар харажатларига оид маълумотлар бўйича жиддий камчиликларга йўл қўйилган.
Коррупция ҳақида хабар берган журналистларни ҳимоя қилишга оид янги қонун лойиҳаси тайёрланяпти
Антикоррупция агентлиги директори Акмал Бурханов коррупция ҳолати ҳақида хабар берган фуқаролар, шу жумладан журналистларни ҳимоя қилиш учун янги қонун лойиҳаси ишлаб чиқилаётганини маълум қилди. «Замон журналистларни ҳимоя қилишнинг ҳуқуқий асосларини такомиллаштиришни талаб этяпти», — деди у.
«Газета.uz» коррупцияга қарши курашишда фаол ОАВ сифатида эътироф этилди
«Газета.uz» таҳририяти Ўзбекистонда коррупцияга қарши курашишда фаол иштирок этаётган ОАВ сифатида эътироф этилди. Энг фаол журналист номинациясида совринни Аблай Камалов қўлга киритди. Шунингдек, «Комплаенс-назорат» тизимини самарали жорий этган ташкилот ҳам аниқланди.
Журналистлар коррупциянинг янги кўринишларини очишда ёрдам беряпти — Акмал Бурханов
ОАВда чиқаётган коррупцияга оид ҳар бир материал алоҳида назоратга олиняпти, дея қайд этди Коррупцияга қарши курашиш агентлиги директори. «Журналистлар суриштирувлар орқали коррупциянинг янги кўринишларини очишда бизга ёрдам беряпти ва улар жиноят сифатида эътироф этиляпти», — деди Акмал Бурханов.
Дилшод Рахимов Коррупцияга қарши курашиш агентлиги директорининг биринчи ўринбосари бўлди
Ўзбекистон Коррупцияга қарши курашиш агентлиги директорининг биринчи ўринбосари лавозимига Дилшод Рахимов тайинланди.
Milliy PR-markazi ДУК директори Дилфуза Самандарова тадбиркорлик билан ҳам шуғулланаётгани аниқланди
Туризм қўмитаси ҳузуридаги Milliy PR-markazi директори Дилфуза Самандарова бир вақтнинг ўзида тадбиркорлик билан шуғулланиб келаётгани аниқланди. Аввалроқ у LBOS Jewellery дўкони асосчиси эканини маълум қилганди. Антикорруция агентлиги ҳолатни бартараф этиш бўйича қўмитага тақдимнома киритди.
3 нафар ҳоким ва яна 3 мансабдор тадбиркорлик билан шуғулланаётгани аниқланди
Антикоррупция агентлиги жами 6 нафар мансабдор — Бўстон, Қизилтепа ва Яккасарой туманлари ҳокимлари, Антидопинг агентлиги, Ахборотлаштириш бош маркази ва Ипакчилик қўмитаси раҳбарлари тадбиркорлик билан шуғулланаётганини аниқлади. Манфаатлар тўқнашуви ҳолатларига барҳам бериш чоралари кўрилмоқда.
Антикоррупция агентлиги раҳбари унга 1,5 млн долларлик уй совға қилингани ҳақидаги хабарни рад этди
Ўзбекистон Коррупцияга қарши курашиш агентлиги директори Акмал Бурханов қайнотаси унга 1,5 млн долларга уй олиб бергани ҳақидаги хабарни ёлғон деб атади. «[Бу ҳақдаги хабарни] қайнотамга юбориб қўйдим», — дея ҳазил қилди у Twitter`да.
Энг кўп ўқилган хабарлар | Сўнгги янгиликлар
- Тўлдирилди: Давлат идоралари ўз автопаркини электромобиллар билан янгиламоқда
- UzAuto Motors 23 апрель куни Damas учун контрактацияни очади
- Сурхондарёда Damas`нинг «тормози» ишламай қолиши оқибатида 6 киши ҳалок бўлди
- 9 та вилоятда сел-сув тошқини хавфи эълон қилинди
- «Соғинчимни қондириш учун чизаман». Умиджон Алимовнинг «Қишлоқ анатомияси» кўргазмасидан репортаж
Қўшимча имкониятларга эга булиш учун сайтда рўйхатдан ўтинг