Жамият
Ўзбекистон бўйлаб 550 мингдан ортиқ истеъмолчи электрсиз қолди
Ноқулай об-ҳаво шароити сабабли 110 кВ кучланишли 7 дона ҳаво линияларида ва 6−10 кВ кучланишли 476 дона ҳаво линияларида узилишлар вужудга келган, трасформатор пунктларига шикаст етказилган. 550 мингдан ортиқ истеъмолчи электрсиз қолди. Ҳозирда уларнинг деярли 60% тармоққа қайта уланган.
Тошкентда автобус ва махсус транспорт учун алоҳида йўлаклар ташкил этилади
Пойтахтнинг бир нечта кўчаларида автобус, йўналишли такси, тез тиббий ёрдам, ўт ўчирувчи машиналар ҳаракати учун алоҳида ажратилган йўлаклар ташкил этилиши режалаштирилмоқда.
Янги-Ангрен ИЭСдаги портлаш бўйича жиноят иши очилди
Янги-Ангрен иссиқлик электр станциясидаги портлаш натижасида уч киши вафот этган эди, яна уч нафари куйиш тан жароҳатлари билан шифохонага ётқизилган. Ҳолат юзасидан жиноят иши очилди.
170 дан ортиқ маданият объектлари хусусий бошқарувга ўтказилади
Маданият ва санъат соҳасидаги 170 дан ортиқ давлат объекти фаолият турини сақлаб қолиш шарти билан хусусий бошқарувга ўтказилади.
Дам олиш кунлари совуқ ҳаво сақланиб туради
Дам олиш кунлари совуқ об-ҳаво давом этади. Кечаси ҳаво ҳарорати 10 даражагача совуқ бўлади, кундузи эса нолдан юқори бўлмайди, фақат якшанба куни ҳаво бироз исийди.
«Бухоро бошқа вилоятлардан 10 йил орқада қоляпти» — президент
Шавкат Мирзиёев Бухородаги ташрифи доирасида вилоятнинг ижтимоий-иқтисодий соҳаларини ривожлантириш бўйича топшириқлар берди. «Бухоронинг бугунги ривожи маъқулми, деган саволга менинг жавобим: йўқ. Коррупция, порахўрлик барҳам топмаяпти», — деди давлат раҳбари. Президент муаммоларни бартараф этишда маҳалланинг роли оширилишига тўхталди.
Сирдарё, Андижон ва Бухорода ҳам электр таъминотида узилишлар кузатилмоқда
Сирдарё, Андижон ва Бухоро вилоятларидаги бир қанча ҳудудлар ҳам электр таъминотидан узилди. Вилоятлардаги Фавқулодда вазиятлар бошқармалари ва Ҳудудий электр тармоқлари ходимлари томонидан тезкор ишлар амалга оширилаётгани маълум қилинди.
Коллежлар тизими тўлиғича Меҳнат вазирлигига ўтказилади — Шавкат Мирзиёев
Ҳозирда Олий ва ўрта махсус таълим вазирлиги тасарруфида бўлган коллежлар Бандлик ва меҳнат муносабатлари вазирлигига ўтказилади. «Коллежларнинг жойи шу вазирликда, олий таълимда эмас», — деди президент.
Фуқародан 30 минг АҚШ доллари талаб қилган ҳокимият ходимларига жиноят иши қўзғатилди
Самарқанд вилоятининг Ургут туманида ҳокимият ходимлари эркин иқтисодий зонадан 1 гектар ерни фуқарога бериш эвазига 30 минг АҚШ долларини талаб қилгани аниқланди. Ходимларга нисбатан жиноят иши қўзғатилди.
Хоразм ва Қашқадарёнинг кўпгина ҳудудлари электр энергиясиз қолди
Ҳоразм ва Қашқадарё вилоятининг бир қанча туманларида электр таъминоти тўхтатилди. Узилишлар ноқулай об-ҳаво шароити туфайли келиб чиққанлиги айтилмоқда.
АҚШ Хонобод базасида хизмат қилган ҳарбийларни тиббий кўрикдан ўтказади
АҚШнинг собиқ президенти Дональд Трамп 19 январь куни Қарши-Хонобод базасида хизмат қилган барча фахрий ҳарбийларни тиббий кўрикдан ўтказиш тўғрисида фармонни имзолади. Маълум қилинишича, ушбу зона кимёвий қурол қолдиқлари, қайта ишланган уран ва бошқа хавфли моддалар билан заҳарланган бўлган.
Шавкат Мирзиёев Бухородаги аграр соҳаси бўйича лойиҳаларни ўрганмоқда
Президент Шавкат Мирзиёев Бухоро туманидаги «Бухоро Варнет» корхонаси фаолияти билан танишди. Корхонада ўтган йили қарийб 20 млрд сўмлик маҳсулот етиштирилиб, 1 млн долларлик экспорт қилинган.
Қашқадарёда эркакни шафқатсизларча калтаклаган фуқароларга нисбатан жиноят иши қўзғатилди
Қашқадарё вилоятида бир эркак 3−4 нафар фуқаролар томонидан ваҳшийларча қийноққа солинди. Эрканинг қўл-оёғи боғлиқ ҳолда, бадани пичоқ ва иссиқ капкир билан куйдирилиб, арқон билан бўғилгани айтилмоқда.
2020 йилда Ўзбекистонга 50 млн долларлик газ импорт қилинган ва экспорт 4,7 бараварга камайган
2020 йилда Ўзбекистонга 50,4 млн долларлик газ импорт қилинган, бу 2019 йилга нисбатан 237 марта кўпроқ. Экспорт эса қиймат жиҳатидан 4,7 баравар камайган.
Собиқ алоқа вазири Тохир Раҳимов вафот этди
Собиқ алоқа вазири, ундан олдин эса ташқи иқтисодий алоқалар вазири сифатида фаолият юритган Тохир Раҳимов 74 ёшида оламдан ўтди.
Самарқандда 4 та машина иштирокида ЙТҲ рўй берди
Самарқанд вилоятида «Nexia-2» ва «Lacetti» машиналари иштирокида ЙТҲ содир бўлди. Тўқнашув зарбидан светофорда турган «Nexia» ва «Cobalt» машиналари билан ҳам тўқнашиб кетган. Ҳодиса натижасида жароҳат олганлар йўқ.
Қувада 19 ёшли қиз ўғирланиб, бир ой давомида уч киши томонидан зўрлангани айтилмоқда
Фарғона вилояти Қува туманида яшовчи 19 ёшли қиз 2020 йилнинг март ойида ўғирлаб кетилганини маълум қилди. У бир ой давомида уч нафар шахс томонидан зўрланиб, номусига тегилганлигини, улардан бири вояга етмаган 16 ёшли йигит бўлганлигини айтмоқда. Уйга қайтгач, қизнинг ҳомиладорлиги билинади ва воқеадан хабар топган отаси уни уйдан ҳайдаб юборади. Ҳолатни ўрганиб чиққан туман ИИБси бунда жиноят аломати йўқлигини айтиб, жиноят иши қўзғатишни рад этган.
2020 йилда ажралишлар бўйича суд ишларининг 14 481 тасида даъво талабларини қаноатлантириш рад этилган
2020 йилда Ўзбекистон фуқаролик ишлари бўйича судлари томонидан 291 182 иш кўриб чиқилган, уларнинг асосий қисмини битимлар, ажралишлар ва биноларни рухсатсиз бузиш билан боғлиқ ишлар ташкил қилган.
Сергелида юз берган жанжалга расмий муносабат билдирилди
Сергели туманида муқаддам судланган икки нафар шахс маст ҳолатда автотураргоҳда турган машинани тўсган. Фуқаролар ўртасида ўзаро жанжал юзага келиб, тан жароҳатлари етказилган. Ҳолат юзасидан жиноят иши қўзғатилди.
Сардоба фожеасида зарар кўрган масжидлар учун хайрия қилинган пуллар Сурияга юборилгани аниқланди
Сардоба фожеасида зарар кўрган масжидларни қайта қуриш учун «Telegram» да хайрия гуруҳи очиб, ундан тушган маблағларни Сурияда террочилик фаолиятини молиялаштиришга жўнатилгани аниқланди. Шунингдек, буни уюштирган шахслар экстремистик ғояларни тарғиб қилиб, Сурияга чиқишни режалаштирилганликда гумон қилинмоқда. Ҳозирда улар ушланиб, уларга нисбатан жиноят иши очилди.
Энг кўп ўқилган хабарлар | Сўнгги янгиликлар
- Қисқа ёмғирдан сўнг Тошкент кўчаларини сув босди (видео)
- Қозоғистонда Россия қонунчилигини бузган Ўзбекистон фуқароларини ҳибсга олиш бошланди
- Тошкентда фуқарони 2 млн сўм эвазига ишга жойлаб қўймоқчи бўлган метрополитен ходимаси ушланди
- «Истеъмолчиларнинг ичимлик сувидан 1 трлн сўм қарзи мавжуд» — «Ўзсувтаъминот»
Қўшимча имкониятларга эга булиш учун сайтда рўйхатдан ўтинг