Жамият
Ҳайит кунлари ҳарорат +30 даражагача кўтарилади
Ўзбекистонда сешанба куни баъзи ҳудудларда ёмғир ёғиб, ҳарорат +15…+20 даражагача пасаяди. 10−11 апрелда эса республика бўйича ёғингарчилик кутилмайди, ҳарорат +22…+27 даражагача, жанубда +30 даражагача кўтарилади. 12−14 апрель кунлари беқарор об-ҳаво бўлиши кутилмоқда.
ANORBANK учта BYD E2 электромобили қўйилган совринли ўйинни ўтказмоқда
7 июлгача ANORBANK`да янги омонат очган мижозлар Bayramona акцияси доирасида учта BYD E2 электромобилидан бирини ютиб олишлари мумкин.
Хорижда ишловчиларга «ишчи виза»ни расмийлаштириш учун компенсация берилади
1 июндан меҳнат миграциясига кетаётган фуқароларга хорижий тиллар ёки касб бўйича малака имтиҳонларини топшириш, «ишчи виза»ни расмийлаштириш ва йўл чиптасини харид қилиш билан боғлиқ харажатларини қисман қоплаш учун компенсация тўланади.
Оҳангарон шаҳридаги туғуруқхонада аёл ва унинг ҳомиласи нобуд бўлди
Тошкент вилояти Оҳангарон шаҳридаги туғуруқ бўлимида 39 ҳафталик ҳомиласи бор аёлнинг аҳволи оғирлашиб, вафот этди. Бош прокуратура ҳолат юзасидан терговга қадар текшириш ҳаракатларини олиб бормоқда.
Тошкентга тўрт вагонли яна 2 та метро поезди келтирилди
Тошкент метроси таркибига тўрт вагонли яна 2 та метро поезди қўшилди. Улар 8−10 кун синовдан ўтказилгач йўналишларга чиқарилади. Май ойида яна шундай 3 та метро поезди олиб келиш режа қилинган.
Тошкент ва Самарқанд шаҳарларида пора олишда гумонланган адвокатлар ушланди
Тошкент шаҳрида Бекобод туманлараро судининг собиқ судьяси ва фирма юристи фуқародан 75 минг доллар, бошқа ҳолатда яна бир адковат 17 минг доллар олишда гумонланиб ушланди. Самарқандда эса шаҳар адвокатлик ҳайъати адвокати 1,5 минг доллар олган вақтида қўлга олинди.
Тошкент шаҳрида 3 ойда мингдан ортиқ аёл фоҳишалик билан шуғуллангани аниқланди
Тошкент шаҳри ИИББнинг маълум қилишича, январь-март ойларида 1068 нафар аёл фоҳишалик билан шуғуллангани учун қўлга олинди. 209 кишига нисбатан қўшмачилик қилиш ёки фоҳишахона сақлаш билан боғлиқ ҳолатлар юзасидан жиноят ишлари қўзғатилди.
Захирадаги 60 минг гектар ер онлайн аукцион орқали ёшларга ижарага берилади
Ўзбекистонда туман ҳокимликлари захирасидаги 60 минг гектар ер майдони электрон онлайн аукцион савдоларига қўйилиб, деҳқон хўжаликларини ташкил этиш учун ёшларга ижарага берилади.
Қирғизистон ва Тожикистондан олиб келинган жами 11,2 кг гиёҳвандлик воситаси мусодара қилинди
Наманган, Самарқанд ва Фарғона вилоятларида қўшни мамлакатлардан олиб келинган гиёҳвандлик воситалари савдоси билан шуғулланганлар ушланди. Улардан жами 11,2 кг гиёҳвандлик воситаси мусодара қилинди.
Тошкент шаҳри ва вилоятидаги ҳайдовчилар йўлларда ҳарбий техникалар ҳаракатидан огоҳлантирилди
Тошкент ҳарбий округи қўшинлари бўлинмалари иштирокида махсус-тактик ўқувлар бошлангани муносабати билан пойтахт ва Тошкент вилоятининг белгиланган маршрутлари бўйича ҳарбий техникалар ҳаракатланади. Ҳайдовчилардан йўл-ҳаракати қоидаларига риоя қилиш сўралди.
Қашқадарёдаги мактабда 15 ёшли ўқувчи калтакланиши сабаб умуртқаси синди. Мактаб директори ишдан олинди
Қарши туманидаги 55-мактабда ўсмир калтакланиши оқибатида умуртқаси синган. Ўқувчига биринчи ёрдам кўрсатилмагани ва ИИБга мурожаат қилинмагани учун мактаб директори ишдан олинди.
Тошкентда мозаикали бинодаги реклама баннери олиб ташланди (+фото)
Март ойида қабул қилинган қарор билан энди мозаик паннолар маданий мерос объектлари ҳисобланади, улар чизилган биноларга эса реклама баннерлари ўрнатиш тақиқланади. Шу сабабли 5 апрель куни Миробод кўчасида жойлашган мозаикали бинодан реклама баннери олиб ташланди. Фото.
5 апрель куни эълон қилинган энг муҳим янгиликлар дайжести
«Ташаббусли бюджет» 1-мавсуми ғолиблари, рухсатнома олинмагани учун тўхтатилган кинофестиваль, Ўзбекистон ва Қозоғистон президентларининг музокаралари, ЯТТлар учун 100 млн сўмгача имтиёзли кредитлар ва бошқалар — «Газета.uz»нинг кунлик дайжестида.
«Ташаббусли бюджет»нинг 1-мавсуми ғолиблари аниқланди
«Ташаббусли бюджет» жараёнининг 2024 йил 1-мавсуми ғолиблари эълон қилинди. Республика бўйича жами 2 770 та лойиҳа ғолиб деб топилди, энди уларни молиялаштиришга 3,3 трлн сўм йўналтирилади. Бу галги овоз бериш жараёнларида 11,7 млн киши иштирок этди.
Ўзини ўзи банд қилганлар 100 млн сўмгача кафолатсиз кредит олиши мумкин бўлади
Президент қарори билан ўзини ўзи банд қилганларга оилавий тадбиркорлик дастури доирасида 100 млн сўмгача гаровсиз кредит жалб қилиш имконияти берилди. Айрим ҳолларда кредитлар нақд пул кўринишида ажратилиши мумкин. Кредит муддати ва имтиёзли давр ҳам оширилмоқда.
Раҳбарларни Open Budget учун овоз йиғишга мажбурлаган Қизилтепа ҳокими ўринбосари жаримага тортилди
Ташкилот раҳбарларини Open Budget учун овоз йиғишга мажбурлаган Қизилтепа тумани ҳокими ўринбосари Ўлмас Истамов жаримага тортилди. У овоз йиғолмаган раҳбарларни ишдан олиш билан қўрқитган ва уларни «ноинсофлар» дея атаганди.
Бўстонлиқда синфдошини калтаклаган ва камситган қизларнинг ота-оналари жавобгарликка тортилди
Тошкент вилоятида синфдошига нисбатан буллинг уюштирган, уни калтаклаб, ҳақоратлаган қизларнинг ота-оналари жавобгарликка тортилди. Қизлар билан махсус психологик коррекцион иш олиб бориш учун психолог бириктирилди.
Тошкент шаҳрининг Сергели туманида қурилиш чиқиндилари ёниб кетди
Сергелида очиқ майдондаги қурилиш чиқиндилари ёниб кетди. Уни ўчириш учун 5 та қутқарув экипажи чақирилди. Ҳодиса оқибатида жабрланганлар йўқ.
ДХХ 4 та ҳудудда фуқароларни АҚШга ноқонуний юбормоқчи бўлганларни қўлга олди
ДХХ Андижон, Навоий, Сирдарё вилоятлари ва Тошкент шаҳрида АҚШга фуқароларни ноқонуний юборишни ваъда қилганларни қўлга олди. Қўшма Штатларга юбориш эвазига фуқаролардан 14 мингдан 19 минг долларгача пул сўралган.
Тошкентдаги Artdocfest Asia кинофестивали тегишли рухсатнома олинмагани учун тўхтатилди — Маданият вазирлиги
Тошкентдаги Artdocfest Asia доирасида Украинадаги уруш ҳақидаги «Шарқий фронт» фильми намойиши тўхтатилди. Кейинроқ фестиваль директори дастурнинг бошқа намойишлари ҳам тақиқланганини хабар қилди. Маданият вазирлиги бунга ташкилотчилар белгиланган тартибда рухсат олмагани сабаб бўлганини билдирди.
Энг кўп ўқилган хабарлар | Сўнгги янгиликлар
- «Камолон ош» маркази асосчиси Саъдулло Саидов вафот этди
- «Аёллар кетиш учун куч топиши керак». Диёра Усмонова биринчи турмушида калтаклангани ҳақида гапирди
- Автомашинани қайта рўйхатдан ўтказиш йиғими аввалги миқдор — БҲМнинг 10 фоизига қайтарилди
- Аёлларни ҳимоя қилиши керак бўлган қонун уларни жазолаш учун ҳам хизмат қилмоқда
Қўшимча имкониятларга эга булиш учун сайтда рўйхатдан ўтинг