Қонунчилик палатаси мажлисида Ҳисоб палатаси раиси ўринбосари Ўткир Жуманов нобюджет жамғармалар фаолияти ҳам «топшириқ бўлса, текширилишини» таъкидлади. Акмал Саидов эса Ҳисоб палатасининг «қонундан ташқари ҳеч нарсага бурнини тиқишга ҳаққи йўқ»лигини айтиб, унга танбеҳ берди.
Шахмат бўйича «World Fischer Random Chess Championship» жаҳон чемпионатида ўзбекистонлик Нодирбек Абдусатторов россиялик Ян Непомняший ва америкалик Уэсли Сони мағлуб этди. Унинг кейинги рақиби исландиялик Стейн Гретарссон бўлади.
XXI аср бошланиши билан Ўзбекистонда ўртача йиллик ҳаво ҳарорати 2014 йилдан ташқари барча йилларда меъёрдан юқори бўлиб келмоқда.
Asialuxe Travel миллий туроператори БААнинг машҳур курортлари — Дубай ва Абу-Дабида таътил ўтказишнинг афзалликлари ҳақида сўзлаб берди.
Марказий банк 26 октябрь кунги долларнинг расмий курсини 11 128,70 сўм этиб белгилагандан сўнг тижорат банклари ҳам мижозларга хорижий валютанинг янги қийматини эълон қилди.
Тошкентнинг 2045 йилгача бўлган бош режаси лойиҳаси муаллифлари Мўйноқдан Андижонгача, яъни, 1500 км узунликдаги «яшил белбоғ» яратишни таклиф қилди. Уларнинг фикрича, буни амалга ошириш мумкин. Стратегия «яшил белбоғ»га туташ қишлоқларни ривожлантиришга ёрдам беради.
ИИО ходимларини байрам билан табриклаган президент, метрода сумкасида бомба борлигини айтган қиз 5 суткага қамалгани, 24/7 ишлашга ўтадиган Миллий кутубхона, Кампир-обод сув омборининг Ўзбекистонга берилишига қарши чиққани учун қамалган 20 нафар фаол ва бошқалар — «Газета.uz»нинг кун дайжестида.
Олий Мажлис Қонунчилик палатаси депутатлари томонидан «Манфаатлар тўқнашувининг олдини олиш тўғрисида»ги қонун қабул қилиниб, Сенатга юборилди. Мазкур қонуннинг қабул қилиниши давлат хизматида таниш-билишчилик, қариндош-уруғчиликнинг олди олинишига хизмат қилиши кутилмоқда.
Президент видеоселектор йиғилишида Қашқадарё вилоятида 2023 йилда 207 мингта иш ўрни яратиш вазифасини қўйди. Жумладан, саноатда 960 та лойиҳани амалга ошириб, 20 минг нафар аҳолини банд қилиш мумкинлиги айтилди.
Бишкек суди Кампир-Обод сув омбори ҳудудининг Ўзбекистонга берилишига қарши чиққан 20 нафарга яқин сиёсатчи ва фаолни қарийб икки ой муддатга ҳибсга олиш тўғрисида қарор қабул қилди. Қирғизистон Омбудсмани оммавий ҳибслар юзасидан хавотир билдирди.
Шавкат Мирзиёев Қасим-Жомарт Тоқаевга мамлакатнинг миллий байрами — Республика куни муносабати билан табрик йўллади. Ўзбекистон раҳбари Қозоғистон президентига мустаҳкам саломатлик, масъулиятли давлатчилик фаолиятида улкан муваффақиятлар, қозоқ халқига эса фаровонлик, бахту саодат ва равнақ тилади.
Риши Сунак Буюк Британиянинг 57-бош вазири бўлди. Уни қирол Чарлз III қабул қилиб, янги ҳукумат тузишни сўради.
Урганчда «Чорванасл» маркази мутахассиси фуқаронинг 50 гектар ерини янги фермер хўжалиги таркибида қайта расмийлаштириб бериш эвазига $60 минг олганида ушланди. Воқеага алоқадор туман ҳокими ўринбосари ҳам $43 минг пора билан қўлга олинди. Гумондорларга нисбатан жиноят иши қўзғатилди.
Ёшлар ишлари агентлиги директори Алишер Саъдуллаев Миллий кутубхона «яқин вақт ичида» суткасига 24 соат ишлай бошлашини маълум қилди. Ижтимоий тармоқ фойдаланувчилари эса бундай ваъдалар аввал ҳам берилганини эслатди.
Oasis Credit`нинг директори Маҳмудали Гусейнов компаниянинг бошқа мамлакатларда кредит бериш тажрибаси ва халқаро молия ташкилотларининг ресурслари ҳақида сўзлаб берди.
Қонунчилик палатасининг навбатдаги мажлисида молия вазири Тимур Ишметов эҳтиёжманд оилалар сони охирги 3 йилда 600 мингдан 2 млнгача ортганини маълум қилди. Амалиётда уларнинг айримлари эҳтиёжманд эмас, ёки аксинча, эҳтиёжманд оилаларни қамраб олиш етарли бўлмаяпти, деди у.
Тошкент метросининг «Алишер Навоий» бекатида ИИО ходимларига сумкасини текширтираётган 19 ёшли қиз унинг ичида бомба борлигини айтган. Сумкани кўздан кечириш чоғида ундан портловчи мослама топилмаган. Суд ёлғон маълумот бергани учун қизга 5 сутка маъмурий қамоқ жазосини тайинлади.
Истеъмолчилар ҳуқуқларини ҳимоя қилиш агентлиги мониторинги давомида, савдо нуқталарининг 85 фоизи сохта хамиртурушлар сотиши аниқланди. Агентлик таъкидлашича, бундай маҳсулот одамлар саломатлигига хавфли ҳисобланади.
Сешанба куни иссиқхоналари газдан узилган тадбиркорлар норозилик билдириб, Тошкентда тўпланди. «Газета.uz» мухбирининг хабар беришича, турли ҳудудларидан келган ўнлаб тадбиркорлар дастлаб президент Администрация раҳбари билан кўришишга уринган, бироқ улар Вазирлар Маҳкамасига йўналтирилган.
Андижон вилоятининг Андижон туманига Бахтиёр Маматкаримов ҳоким этиб тайинланди. Хоразм вилоятининг Гурлан туманига эса Умрбек Жуманиязов ҳоким бўлди.
Қўшимча имкониятларга эга булиш учун сайтда рўйхатдан ўтинг