Риши Сунак Британиянинг 57-бош вазири этиб тайинланди. Сешанба куни уни Лондондаги Букингем саройида қирол Чарлз III қабул қилди ва ундан янги ҳукумат тузишни сўради, деб ёзди қироллик оиласи Twitter`да.
Риши Сунак бу йил ҳисобидан Британия ҳукуматининг учинчи раҳбари ва сўнгги икки асрдаги энг ёш (42) бош вазирга айланди.
BBC томонидан эфирга узатилган биринчи нутқида Сунак мамлакат чуқур иқтисодий инқирозни бошидан кечираётганини таъкидлади.
У 45 кун лавозимда бўлган аввалги бош вазир Лиз Трасс вазиятни яхшилашга ҳаракат қилганини, лекин хатоларга йўл қўйганини таъкидлади.
Сунакнинг айтишича, аввалги вазирлар маҳкамасининг хатоларини тузатиш учун Консерватив партия раҳбари ва бош вазир этиб сайланган. «Бу ишни тезда бошлаймиз», — деди у.
