ShowYourStripes халқаро метеорологик ташкилотининг маълумотларига кўра, Ўзбекистонда охирги 22 йилликнинг фақат 2014 йил иқлимий ҳарорати базавий иқлимий меъёрдан паст кузатилган.
Фото: 1901 йилдан 2021 йилгача бўлган ўртача йиллик ҳаво ҳарорати қийматлари.
Юқорида сиз кўриб турган графикда иқлимий меъёр кўрсаткичлари 1971−2000 йиллик базавий даврга нисбатан солиштирилган. Унга кўра, 2016, 2019 ва 2021 йилнинг ўртача йиллик ҳаво ҳарорати қийматлари иқлимий меъёр кўрсаткичларидан деярли 2 даражага юқори кузатилган. Шунингдек, XXI аср бошланиши билан Ўзбекистонда ўртача йиллик ҳаво ҳарорати 2014 йилдан ташқари барча йилларда меъёрдан юқори бўлаётганлигини кўриш мумкин.
Глобал ўртача йиллик ҳаво ҳарорати кўрсаткичларига назар соладиган бўлсак, базавий иқлимий ҳарорат меъёрдан пастга тушиш ҳолати сўнгги бор 1992 йилда кузатилган ва шундан буён иқлимий ҳарорат фақат меъёрдан баланд бўлиб келмоқда (бу ерда ҳам 1971−2000 йиллик базавий даврга нисбатан солиштирилган).
Ушбу графикнинг умумий ҳолатига разм соладиган бўлсак, кўришимиз мумкинки, ўртача йиллик ҳарорат кўрсаткичлари борган сари кескин кўтарилиб бормоқда. Бу эса дунё бўйлаб глобал исиш ҳодисаси кузатилаётганлигини англатади.
