ОТБнинг Ховос туманига сув таъминоти учун ажратилган 7 млн доллардан ортиқ маблағлари талон-торож қилинган
Сирдарё вилояти ҳокими Ғофур Мирзаев Осиё тараққиёт банкининг Ховос туманининг 126 минг аҳолисини ичимлик суви билан таъминлаш мақсадида ажратилган 7 млн доллардан ортиқ кредит маблағлари талон-торож қилинганини маълум қилди.
Ўзбекистонда 2021 йилда ҳарбий маҳсулотлар ишлаб чиқарувчи хусусий корхоналар сони 3 баробарга ошди
2021 йилда Ўзбекистонда ҳарбий маҳсулотлар ишлаб чиқарувчи хусусий корхоналар сони 3, маҳсулотлар экспорти эса 1,9 баробарга ортди. Шунингдек, 20дан ортиқ турдаги ҳарбий ва икки мақсадда қўлланиладиган маҳсулотларни ишлаб чиқариш ўзлаштирилди.
Декларация тўғрисидаги қонун қабул қилинганидан кейин 3 ой муҳлат берилади — Акмал Бурхонов
Коррупцияга қарши курашиш агентлиги раҳбари фармонида тизимни 2022 йил 1 январидан жорий этиш бўйича кўрсатма берилган бўлса ҳам, катта эҳтимол билан, йил охиригача қабул қилинмаслигини маълум қилди. Унинг сўзларига кўра, тизим барибир янги йилдан ишга туширилади ва давлат хизматчиларига декларацияларни тайёрлаш учун апрелгача вақт бериш режалаштирилган.
Тошкентда йўл-транспорт инфратузилмасини 2025 йилгача ривожлантириш концепцияси ишлаб чиқилди
Транспорт вазирлиги Тошкентда йўл-транспорт инфратузилмасини 2025 йилгача ривожлантириш концепциясини тасдиқлаш тўғрисидаги ҳукумат қарори лойиҳасини ишлаб чиқди. Концепция биринчи ўринда пиёдалар, кейинги ўринларда велотранспорт, шаҳар жамоат транспорти ва шахсий автотранспорт учун қулай инфратузилмани яратишни кўзда тутади.
Антимонополия қўмитаси Ramella крем пастаси ишлаб чиқарувчисини Nutella дизайни билан ўхшашликларни бартараф қилишга чақирди
Шоколад пастасини ишлаб чиқарувчи Ramella компаниясига истеъмолчиларни чалғитиш билан боғлиқ қонун бузилишини бартараф этиш ҳақида мажбурият юклатилди. Италиянинг «FERRERO S.p.A.» компанияси томонидан тарқалган Nutella шоколадининг машҳур бренди дизайни Ramella маҳсулотининг қадоқларида ҳам акс эттирилган.
«Катта-катта ҳокимларни жиноий жавобгарликка тортсангиз, сизни хурмат қилишни бошлайман». Президент — бош прокурорга
Шавкат Мирзиёев бош прокурор Ниғматулла Йўлдошевдан ер муносабатлари соҳасидаги қонунбузарликлар учун йирик амалдорларни жиноий жавобгарликка тортишни талаб қилди. «Катта-катта ҳокимларни жиноий жавобгарликка тортсангиз, мен сизни хурмат қилишни бошлайман», — деди давлат раҳбари.
Ўзбекистонда 11 ой давомида 1 млн тоннадан зиёд бензин ишлаб чиқарилди
Ўзбекистонда январь-ноябрь ойларида 1 млн тоннадан зиёд бензин ишлаб чиқарилган. Шунингдек, 10 ой ичида 110,2 млн долларлик 300 млн литрдан ортиқ бензин импорт қилинган.
Тўртта туманда ҳокимлар алмашди
Бухоро вилоятининг Ромитан, Самарқанд вилоятининг Булунғур ва Оқдарё ҳамда Наманган вилоятининг Косонсой туманларига янги ҳокимлар тасдиқланди.
Тошкентдаги Матбуот уйи сотилмайдиган бўлди
Пойтахтдаги Матбуот уйи («Газета корпуси») биноси сотувдан олинди ва у ОАВ, шу жумладан босма нашрлар ихтиёрида қолдирилиши маълум қилинди. Бино ЎзА балансига ўтказилиши мумкин. Президент матбуот котиби Шерзод Асадовнинг сўзлари кўра, ушбу масала давлат раҳбарининг назоратида турибди.
Ёш тадбиркорларга 540 млн сўмгача имтиёзли кредитлар ажратилади
2022−2024 йилларда махсус ўқув курсларини тамомлаган ва сертификатни қўлга киритган ёшларга 540 млн сўмгача кредит берилади. Кредит фоиз ставкаси Марказий банкнинг асосий ставкасида, 3 йил имтиёзли давр билан 7 йил муддатга ажратилади.
2007−2009 йилларда Tico автомашинамда кира қилганман — Шерзод Кудбиев
Давлат солиқ қўмитаси раиси Шерзод Кудбиев «Тошкент ёшлар форуми — 2021» доирасидаги ёшлар билан учрашувда Меҳнат вазирлигида иш бошлаган йилларда пул етишмаслиги сабабли киракашлик қилганини эсга олди.
Жаҳон янгиликлари дайжести
Чилида янги президент сайлангани, Қирғизистонда ички қўшинлар қўмондонининг катта миқдордаги давлат мол-мулкни ўғрилашда гумонланиб қўлга олингани, Пентагон 100 га яқин америкалик ҳарбийларни экстремистик ҳаракатларда айблаб ҳибсга олгани, Илон Маскнинг 11 млрд доллар солиқ тўлашини маълум қилгани ва бошқа янгиликлар — «Газета.uz»нинг жаҳон янгиликлари дайжестида.
Қашқадарёда чанг бўрони вақтида олтита автомобиль тўқнашиб кетди
Қашқадарёнинг Ғузор туманида чанг бўрони сабабли учта юк машинаси ва учта енгил автомобиль тўқнашиб кетди.
21 декабрь куни Ўзбекистонда содир бўлган энг муҳим хабарлар дайжести
Орол денгизининг куни кутаётган Айдар-Арнасой кўллар тизими, «Шовотландия» кафесини ёқиб юборгани учун бутун умрга қамалган шахслар, чангли бўрон кузатилаётган Қарши, автомобилларни чақириб олаётган UzAuto Motors, Қибрайда қарийб 14 гектар ерни 3,4 млн долларга сотмоқчи бўлганлар, тотализаторлар фаолиятига қарши Русланбек Давлетов, блокланган Twitter пост эълон қилаётган Танзила Нарбаева, Ўзбекистонлаги раҳбарларнинг мутахассислиги ва карьера йўли — «Газета.uz» нинг 21 декабрдаги энг муҳим хабарлари дайжестида.
Аҳолининг айрим қатламларига 800 минг сўм миқдорида бир марталик ёрдам кўрсатилади
Президент қарори билан жорий йилда «Темир дафтар» га киритилганлар, 18 ёшга тўлмаган фарзанди бор боқувчисини йўқотганлар пенсиясини олувчи оилалар ҳамда 18 ёшгача болалар учун ногиронлик нафақасини олувчиларга бир марталик 800 минг сўм миқдорида моддий ёрдам берилади.
Paymart сервиси муддатли тўлов шартларида маҳсулот харид қилишга ёрдам беради
Paymart ҳамкорлик тармоғида 500 дан ортиқ маиший техника, офис ва уй учун, текстиль ва бошқа маҳсулотларни сотадиган дўконлар мавжуд.
Қибрайдаги 8 та маҳалла, 3 та мактаб ва 5 мингдан ортиқ турар жойлар пойтахт таркибига ўтказилди
Қибрай туманидан 8 та маҳалла, 3 та мактаб ва 5 мингдан ортиқ турар жойлар Тошкентнинг Яшнобод тумани таркибига ўтди.
Чилонзордаги «Шовотландия» кафесини ёқиб юборган икки фуқаро умрбод озодликдан маҳрум этилди
Февраль охирида Чилонзордаги «Шовотландия» кафесида ёнғин чиқиб, бунинг оқибатида 5 киши вафот этганди. ЖИБ Олмазор туман суди ушбу жиноятни содир этган 36 ва 26 ёшли шахсларга умрбод озодликдан маҳрум қилиш жазосини тайинлади. «Газета.uz» жиноят нима сабабдан ва қандай содир этилганини ҳам аниқлаштирди.
Балиқ етиштирувчи хонадонларнинг ер ва мулк солиқлари 50 фоизга камайтирилади — Шавкат Мирзиёев
Шавкат Мирзиёев балиқчилик соҳасини ривожлантиришга бағишланган йиғилишда балиқ етиштирувчи хонадон эгалари учун ер ва мулк солиқлари 50 фоизга камайтирилишини маълум қилди. Бундан ташқари, хонадонларда кооперация асосида йилига 80 тоннадан ортиқ балиқ етиштирган кластерлар уч йил муддатга солиқлардан озод этилади.
«Ўзсаноатқурилишбанк» эълон қилган 2,6 млрд сўмлик танловда 2 та компания қатнашди
«Ўзсаноатқурилишбанк» банки эълон қилган қарийб 2,6 млрд сўмлик танловда 2 компания иштирок этган. Банк ушбу компаниялар ўзаро афилланмаганлигини маълум қилди.
Қўшимча имкониятларга эга булиш учун сайтда рўйхатдан ўтинг