«Ўзсаноатқурилишбанк» акциядорлик тижорат банки мавжуд электрон навбат тизими ва мижозларга хизмат кўрсатиш сифатини баҳолаш тизимини кенгайтириш бўйича қарийб 2,6 млрд сўмлик танлов эълон қилган. Бу ҳақда Davletov-Telegram канали хабар берди.
Иккита компания қатнашган танловда 2 млрд 520 млн сўмлик таклиф билан Insight Solutions МЧЖ ғолиб бўлган. Резерв ғолиби сифатида Omni System МЧЖ танлаб олинган. Ушбу танлов 26 ноябрь куни бошланиб, 3 декабрь санасида якунланган.
Қайд этилишича, Insight Solutions МЧЖ 50 фоиз улуши Цой Игорь Владимировичга, яна 50 фоизи эса Ким Валерий Геннадиевичга тегишли ҳисобланади. Omni System МЧга эса тўлиқлигича Цой Владимир Григорьевич эгалик қилади. Шунингдек, компанияга Цой Сергей Владимирович раҳбарлик қилади.
orginfo.uz маълумотлари
Блогернинг ёзишича, «Ўзсаноатқурилишбанк» вакиллари танловда иштирок этган компаниялар ўзаро афилланмаганлигини маълум қилган.
