Иқтисодиёт
МБ асосий ставкани 14 фоиз даражасида ўзгаришсиз қолдирди
Марказий банк асосий ставкани йиллик 14 фоиз даражасида сақлаб қолиш тўғрисида қарор қабул қилди. Иқтисодиётда инфляцион жараёнларнинг секинлашиб боришига қарамасдан, бу тенденциянинг давомийлиги бўйича ноаниқликлар сақланиб қолмоқда.
«Сиёсий сабабларга кўра Ўзбекистонда ижтимоий харажатларни, жумладан, иш ҳақини корректировка қилиш қийин бўлиши мумкин» — S&P
S&P рейтинг агентлигининг таъкидлашича, Ўзбекистон Россиянинг Украинадаги уруши салбий таъсирларига етарлича яхши туриб бермоқда, бироқ давлат корхоналари қарзининг давлат балансига ўтказилиши, бюджет тақчиллиги, шунингдек, сиёсий қарорларни башорат қилиш қийинлиги билан боғлиқ рисклар мавжуд.
ЕТТБ Марказий Осиёда ёшлар тадбиркорлигини ривожлантириш учун 200 млн евро ажратади
Европа тикланиш ва тараққиёт банки Марказий Осиё ва Мўғулистонда ёшлар тадбиркорлигини ривожлантириш бўйича 200 миллион евролик 7 йиллик дастурини ишга туширди.
Бош прокуратура байрам ярмаркаларида нархларни асоссиз оширишга уринишларни назорат қилади
Янги йил байрами арафасида бозорларда арзонлаштирилган ярмаркалар ташкил этиш режалаштирилмоқда. Бош прокуратура нархларни асоссиз равишда оширишга уринишларни назорат қилади, дея таъкидланди президент йиғилишида.
Тошкент шаҳри ва 5 вилоятдаги газ «заправка»ларнинг ярми ишлашни тўхтатди
Тошкент шаҳри ва Ўзбекистоннинг беш вилоятидаги газ тўлдириш шохобчаларининг ярми вақтинча ёпилди. 13 декабрдан ушбу ҳудудларда 1179 та шохобчадан 547 таси ишламоқда.
Фермерлар ва кластерлар ўртасидаги шартномалар энди чигит экишдан аввал биржада тузилади
Шавкат Мирзиёев ҳузуридаги йиғилишда 2024 йил ҳосилидан бошлаб фермерлар ва кластерлар ўртасидаги шартномалар чигит экишдан аввал биржада савдо ўтказиш орқали тузилиши маълум қилинди. Фермерлар ва кластерларга пахта хомашёсини етиштириш учун кредитлар ажратишнинг янги тизими жорий этилади.
Қонунчилик палатаси йиғилишида рақобат тўғрисидаги қонун кун тартибидан чиқарилди
Қонунчилик палатаси депутатлари рақобат тўғрисидаги қонун ҳужжатларига ўзгартишлар киритишни назарда тутувчи қонун лойиҳасини кун тартибидан чиқарди. Унда давлат ёрдами бўйича лойиҳаларни Рақобат қўмитаси билан маслаҳатлашишни мажбурий қилиш, айрим санкцияларни юмшатиш таклиф этилганди.
Fitch агентлиги Тошкентдан кредит рейтингини қайтариб олди
Fitch халқаро рейтинг агентлиги «шаҳар рейтинг жараёнида иштирок этишни тўхтатишга қарор қилгани» сабабли Тошкентнинг кредит рейтингларини қайтариб олди.
ОТБ Ўзбекистонда қишлоқ йўлларини яхшилаш учун 240 млн долларлик қарз ажратади
Осиё тараққиёт банки Ўзбекистондаги 700 километрлик қишлоқ йўлларини яхшилаш мақсадида 240 млн доллар миқдорида қарз ажратади. Лойиҳа орқали кўприклар ва дренаж тизимларини кучайтириш, транспорт қатнови сиғими, сифати ва хавфсизлигини ҳамда иқлимга чидамлилигини ошириш кўзда тутилган.
«Тошкент-Самарқанд» пулли йўли лойиҳасини Австрия компанияси ишлаб чиқди
305 километрли «Тошкент-Самарқанд» пулли автомобиль йўлини қуриш лойиҳаси ишлаб чиқилди. Унинг дастлабки техник-иқтисодий асоси Австрия компанияси томонидан тақдим этилди.
ФНҚИЗ бензин ишлаб чиқаришни кунига 1000 тоннагача оширади
Фарғона нефтни қайта ишлаш заводи 11 декабрдан бошлаб бензин ишлаб чиқаришни икки баравар — кунига 1000 тоннагача оширишини маълум қилди. Қиш мавсумида «ёқилғига тобора ортиб бораётган талабга жавобан» шундай қарор қабул қилинган.
Ўзбекистон октябрь ойида олтин сотиш бўйича жаҳонда етакчи бўлди
2023 йил октябрь ойида Ўзбекистон 11 тонна олтин сотиб, бу бўйича жаҳонда биринчи ўринни эгаллади.
Олтин нархи кескин ошганига қарамай Ўзбекистоннинг олтин-валюта захиралари қисқарди
Ноябрь ойи охирида Ўзбекистоннинг олтин-валюта захиралари олтин нархи кескин ошганига қарамай, бироз қисқариб, 32,89 миллиард долларни ташкил этди. Ўтган ойда захирадаги ушбу қимматбаҳо металлнинг жисмоний ҳажми 12,4 тоннага камайди.
Жаҳон банки Ўзбекистонда ривожланиш сиёсатини қўллаб-қувватлаш учун 800 млн доллар кредит ажратди
Жаҳон банки Ўзбекистонда ривожланиш сиёсатини қўллаб-қувватлаш бўйича операцияни маъқуллади. Операция доирасида банк ҳукуматга махсус имтиёзли шартлар асосида 800 миллион АҚШ доллари миқдорида кредитлар шаклида молиявий ёрдам беради.
Буюк Британия Ўзбекистондаги компанияга санкция жорий қилди
Буюк Британия ҳукумати «Россия ҳарбий техникалари»ни қўллаб-қувватлашда гумон қилинган шахслар ва ташкилотларга қарши янги санкциялар жорий қилди. Ўзбекистоннинг Mvizion компанияси ҳам санкциялар рўйхатига киритилди.
Украина Ўзбекистоннинг «Фотон» компаниясига қарши санкциялар киритди
Украина ҳукумати Ўзбекистоннинг «Фотон» электроника заводи ва унинг директорига қарши санкциялар жорий этди. Олдинроқ корхонанинг давлат улуши сотувга қўйилганди.
Ўзбекистоннинг ЖСТга аъзо бўлиши ЯИМ ва аҳоли фаровонлигини оширади — ИТИМ раҳбари
Ўзбекистоннинг ЖСТга аъзо бўлиши савдо харажатларини камайтиради ва аҳоли фаровонлигини оширади, деди Иқтисодий тадқиқотлар ва ислоҳотлар маркази раҳбари Обид Хакимов АҚШда ўтказилган брифингда. Унинг айтишича, савдони либераллаштириш орқали қўшимча 0,4−0,5 фоизгача иқтисодий ўсишга эришиш мумкин.
Ўзбекистон бўйлаб барча метан заправкалари фаолиятига чеклов киритилди
Энергетика вазирлиги «аҳолини табиий газ билан узлуксиз таъминлаш мақсадида» Ўзбекистон бўйлаб барча метан заправкалари фаолияти соат 6:00 дан 15:00 гача олиб борилишини маълум қилди.
Рақобат қўмитаси Yandex Go такси хизматининг устун мавқеини тан олди
Рақобат қўмитасининг маълум қилишича, Yandex Go такси агрегаторлари бозорида 86,3 фоиз улуш билан Ўзбекистонда устун мавқени эгаллайди. Энди у устун мавқени эгаллаб турган субъектлар реестрига киритилиши ва монопол нархлардан фойдаланишнинг олдини олиш бўйича ҳаракатларни назорат қилиши керак.
Қашқадарёда ҳам газ қуйиш шохобчалари учун чекловлар жорий этилди
Қашқадарё вилоятида совуқ об-ҳаво кутилаётгани муносабати билан 8 декабрдан газ қуйиш шохобчаларининг иш вақтига чекловлар жорий этилди. Бу шохобчалари чекланган жадвал асосида ишлай бошлаганини эълон қилган тўртинчи ҳудуд бўлди.
Энг кўп ўқилган хабарлар | Сўнгги янгиликлар
- Ўзбекистонда энг кўп иш берувчи 10 та компания номи эълон қилинди
- UzAuto Motors`нинг фойдаси биринчи чоракда қарийб 5 баробар ошди
- «Ҳали ҳеч нарса аниқ эмас». «Ўзатом» директори — АЭС қурилиши бўйича Россия билан музокаралар ҳақида
- Ўзбекистон ЕТТБ билан «Асакабанк»ни хусусийлаштириш битимини имзолади
Қўшимча имкониятларга эга булиш учун сайтда рўйхатдан ўтинг