13 декабрдан Тошкент шаҳридаги ва Ўзбекистоннинг беш вилоятидаги автомобилларга газ тўлдириш компрессор шохобчаларининг (АГТКШ) ярми ишини вақтинча тўхтатди. Бу ҳақда «Ҳудудгазтаъминот» компанияси хабар берди.
Тошкент шаҳри, Самарқанд, Тошкент, Андижон, Наманган ва Фарғона вилоятларидаги 1179 та АГТКШдан 547 таси (46%) ишлайди. Аввал хабар берганимиздек, улар эрталаб соат 6:00 дан 12:00 гача очиқ бўлади.
Қарор аҳолига газ етказиб беришда узилишлар олдини олиш мақсадида қабул қилинди, дейилади компания хабарида.
Ўзгидрометнинг хабар беришича, 14−15 декабрь кунлари совуқ ҳаво массаси Ўзбекистон ҳудудидан чекинади, совуқ кучсизлаша бошлайди.
Энергетика вазирлигининг 8 декабрь куни хабар берганидек, 7−16 декабргача кутилаётган совуқ даврда газ босимининг пасайиши кутилмоқда (0 даража — 8 декабрь, -16 даража — 12 декабрь). Шундан келиб чиқиб, «аҳолини табиий газ билан узлуксиз таъминлаш мақсадида» метан шохобчаларининг иш вақтини чеклаш чоралари кўрилмоқда.
Ўзбекистон энергетика вазири Жўрабек Мирзамаҳмудов аввалроқ депутатларга жорий қишда энергетика инқирозининг олдини олиш бўйича қандай чора-тадбирлар кўрилгани, юзага келиши мумкин бўлган газ ва электр қуввати тақчиллиги қайси манбалардан қопланиши ҳақида маълумот берганди.
Унинг сўзларига кўра, ўтган қиш мавсумида газ танқислигининг энг юқори даражаси кунига 21,6 миллион куб метрга етган. 2023 йилда газ танқислигини ўтказиш қуввати 18−20 миллион куб метрдан 35−40 миллион куб метргача кўтарилган газ омборларидан тўлдириш, шунингдек, Uzbekistan GTL синтетик суюқ ёқилғи ишлаб чиқариш мажмуасига газ етказиб беришни кунига 5 миллион куб метрга қисқартириш режалаштирилган.
Зарур бўлганда, айрим газ қуйиш шохобчаларига (АГТКШ) газ таъминоти 30 фоизга қисқартирилади: ҳозирда улар кунига 15 миллион куб метр газ олади, 5 миллион куб метрга чекловлар жорий этилиши мумкин.
Аввалроқ «Ўзтрансгаз», «Худудгазтаъминот», «Ҳудудий электр тармоқлари», «Ўзэнергоинспекция» ва бошқа корхоналар раҳбарлари президентга қиш мавсумига тайёргарлик бўйича ҳисобот берганди. Улар энергия тизими «ҳар қандай об-ҳаво инжиқлиги ва аномал совуққа тайёр»лигини маълум қилган.
