Марказий банк маълумотларига кўра, Ўзбекистоннинг расмий захира активлари 1 декабрь ҳолатига кўра 32,89 миллиард долларни ташкил қилди ва ноябрь ойида атиги 7,5 миллион долларга камайган.
Йил бошидан буён мамлакатнинг «молиявий хавфсизлик ёстиғи» 3,04 миллиард долларга камайди.
Ноябрь ойида дунёда олтин нархи 1992 доллар/унциядан 2058 доллар/унцияга (+3,1%) ошди, декабрь ойи бошида рангли металл янги рекорд ўрнатди: унинг қиймати тарихда биринчи марта бир унция учун 2100 доллардан ошди.
Олтин нархининг ўсиши фонида Марказий банк захираларидаги олтиннинг жисмоний ҳажми 0,4 миллион троя унциясига (тахминан 12,4 тонна) — 11,6 миллион троя унцияга (360,8 тонна) қисқарди. Олтин заҳиралари қиймати ҳам 246,5 миллион долларга камайиб, 23,7 миллиард долларга етди.
Олтиннинг (қиймати 1 миллиард доллардан ортиқ) сотилиши мумкинлигига қарамасдан, валюта захиралари атиги 237,9 миллион долларга ошиб, 8,62 миллиард долларга етди. Бироқ йил бошидан буён валюта захиралари 2,7 миллиард долларга камайди.
Ўзбекистон октябрь ойида 1,23 миллиард доллар, 10 ойда эса рекорд даражадаги 6,87 миллиард долларлик олтин экспорт қилди, бу ўтган йилнинг шу даврига нисбатан 2,3 баробар кўпдир.
Октябрь ойида Ўзбекистон олтин сотиш бўйича жаҳонда биринчи ўринни эгаллаб, захирасини 11 тоннага камайтириб, 339 тоннага туширди.
