Россиядаги ўзбекистонликлар уруш ҳудудларига ишга бормасликка чақирилди
Ташқи меҳнат миграцияси агентлиги Россияда бўлиб турган Ўзбекистон фуқароларини Украинадаги уруш зоналарига ишлаш учун бормаслик ва ҳарбий ҳаракатларда қатнашмасликка чақирди.
Ўзбекистондаги камида 5 та банк АҚШ санкциялари эълон қилинганидан кейин «Юнистрим» билан ишлашни тўхтатди
АҚШ Россиянинг «Юнистрим» тўлов тизимига санкция киритгач, Ўзбекистондаги камида 5 та банк у билан ишлашни тўхтатди. Тизимнинг ишлаши Қозоғистон, Арманистон ва Грузияда ҳам чекланди.
Алкоголь ва тамаки маҳсулотларини ноқонуний ишлаб чиқариш тўғридан-тўғри жиноий жавобгарликка сабаб бўлиши белгиланмоқда
Қонунчилик палатаси депутатлари қабул қилган қонун лойиҳасига кўра, этил спирти, алкоголь ва тамаки маҳсулотларини қонунга хилоф равишда ишлаб чиқарганлик тўғридан-тўғри жиноий жавобгарликка сабаб бўлиши мумкин.
«Бозорлар гуруч билан таъминланган ва захиралар етарли». Қишлоқ хўжалиги вазирлиги гуруч нархи ошиб кетиши ҳақидаги хабарларни рад этди
Тармоқларда Ҳиндистон гуруч экспортини тақиқлаши ортидан Ўзбекистонда маҳсулот нархи ошиб кетиши ҳақида хабар тарқалди. Қишлоқ хўжалиги вазирлиги бу ҳолат нархларга таъсирини кўрсатмаслиги, бозорлар гуруч билан узлуксиз таъминлангани ва захиралар етарли эканини билдирди.
Санэпидқўмита йил бошидан буён 164 кишида қизамиқ аниқланганини маълум қилди
Санэпидқўмита хориждан келган қизамиқ билан оғриганлар билан алоқада бўлган фуқароларда қизамиқ касаллиги аниқланаётганини маълум қилди. 2023 йил бошидан буён 306 кишидан қизамиқ шубҳаси билан қон намуналари олиниб, улардан 164 нафарида касаллик қайд этилганини маълум қилди.
Тошкент метрополитени вагонида кийим намойишини ўтказган моделлардан тушунтириш хати олинди
Модель ва дизайнер Мадина Махмудова (Rixdinas) Тошкент метрополитени вагонида кийимлар намойишини ўтказиб, видеосини тармоққа жойлади. Метрополитенда хавфсизликни таъминлаш бошқармаси видео метрополитен билан келишилмай олингани учун моделлар билан тушунтириш ишлари олиб борди.
Бухорода баландлиги 100 метр бўлган илк йирик қувватли шамол турбинаси ўрнатилди
Бухоро вилоятида шамол электр станцияси қурилиши доирасида баландлиги 100 метр, парраклари 84 метр бўлган илк турбина ўрнатилди. Бу қурилмадан яна 157 та ўрнатилиши керак. Станцияларнинг илк қувватлари 2024 йилда ишга туширилади.
Ўзбекистон миллий терма жамоаси аъзоси Абдуқодир Ҳусанов «Ланс» клуби футболчисига айланди
Ўзбекистон миллий терма жамоаси ҳимоячиси Абдуқодир Ҳусанов Франциянинг «Ланс» клубига ўтди. Франция чемпионати Европанинг кучли бешлик чемпионатларидан бири ҳисобланади. «Ланс» клуби ўтган мавсум бу лигада вице-чемпион бўлган ва UEFA Чемпионлар лигаси йўлланмасини қўлга киритган.
Блогер Абдуқодир Мўминов иши бўйича суд жараёни бошланди
Жиноят кодексининг 5 та моддаси билан айбланаётган блогер Абдуқодир Мўминов иши бўйича суд жараёни бошланди. 25 июль куни бўлиб ўтган илк очиқ суд мажлисида ОАВ вакиллари ва блогерлар иштирок этди. Ишда 14 нафар жабрланувчи мавжудлиги ва уларга жами 903 млн сўм моддий зарар етказилгани аниқланган.
Олмалиқда икки нафар ўқувчи қизни уриб юборган Damas ҳайдовчисига ҳукм чиқарилди
Май ойида Damas ҳайдовчиси светофорнинг қизил чироғига ўтиб кетиб, икки ўқувчи қизни уриб юборган, улардан бири 9 кундан кейин шифохонада вафот этган эди. Суд ҳайдовчига нисбатан 6 йил муддатга озодликдан маҳрум этиш ҳамда 2 йил транспорт бошқариш ҳуқуқини чеклаш жазосини тайинлади.
Нарзулло Обломуродов Тошкент молия институти проректори бўлди
Давлат экология қўмитасининг собиқ бошлиғи, Экопартиянинг собиқ раҳбари, 2021 йилги сайловда президентликка номзоди қўйилган Нарзулло Обломуродов Тошкент молия институти проректори этиб тайинланди. Олийгоҳга, шунингдек, Алимназар Исламкулов ҳам проректор бўлди.
Ёзувчи Луқмон Бўрихон 58 ёшида вафот этди
Ўзбекистонда хизмат кўрсатган маданият ходими, ёзувчи Луқмон Бўрихон 58 ёшида вафот этди.
Жасур Салихов Тошкентдаги Green University ректори бўлди
Жасур Салихов янги ташкил этилган Марказий Осиё атроф-муҳит ва иқлим ўзгаришини ўрганиш университети (Green University)га ректор этиб тайинланди. У бунга қадар Тошкентдаги Халқаро Вестминстер университети проректори лавозимида фаолият юритган.
Наманганда ичида 5 нафар бола бўлган Damas каналга тушиб кетди
Наманган шаҳрида Шимолий Фарғона каналига тушиб кетган Damas машинасини қутқариш пайтида ичида 5 нафар бола бўлган яна бир Damas каналга тушиб кетди. Ҳозирда болаларнинг аҳволи яхши, бир нафари шифохонага ётқизилган.
«Газета.uz»да эълон қилинган мақола ва репортажлар:
Тадқиқот: Ҳаддан ташқари иссиқлик тўлқинлари — иқлим инқирози натижаси
Сўнгги ҳафталарда Шимолий Америка, Европа ва Осиёни қамраб олган ҳаддан ташқари иссиқлик тўлқинлари иссиқхона газлари эмиссияси натижасида юзага келган глобал исиш туфайли пайдо бўлган, дейилади World Weather Attribution тадқиқотида.
Дарахтлар сувни қайтаради. Ўзбекистон фермерлари ва олимлари иқлим ўзгариши оқибатларига қарши қандай курашяпти?
Шарофиддин Мусаев ҳар кўчатга йилига атиги 17 литр сув сарфлаб, Китобнинг қовжираган адирларида ёнғоқзорлар бунёд этади. Қачонлардир бу жойлар кўм-кўк ўрмон эди, аммо аҳоли дарахтларни ўтин қилиб юборган. Шунга қарамай, намликсиз ҳам дарахтларни қайтариш мумкин. Сабина Бакаева репортажи — шу ҳақда.
«Ислоҳотларни тўғри амалга оширмасангиз, коррупция ва олигархия пайдо бўлади» — Британия элчиси
Британия элчиси Тим Торлоу «Газета.uz»га берган интервьюсида ислоҳотлар, сиёсий муаммолар, сўз эркинлигининг мамлакат тараққиётидаги ўрни ҳақида сўзлади. У янги элчи нима учун ўзбек тилини ўрганаётгани ва Ўзбекистоннинг Украинадаги уруш бўйича позицияси нимадан дарак беришига ҳам тўхталди.
