22 июль куни Наманган вилояти Фавқулодда вазиятлар бошқармаси қутқарувчилари томонидан Шимолий Фарғона каналига тушиб кетган 2 та Damas автомобили олиб чиқилди, дея хабар бермоқда вилоят бошқармаси матбуот хизмати.
Ўша куни соат 12:50 атрофида Наманган шаҳрининг «Ғунча» маҳалласи ҳудудидан оқиб ўтувчи Шимолий Фарғона каналига Damas автомобили тушиб кетган. Қутқарув отряди махсус техникалар ёрдамида машинани каналдан олиб чиқаётган пайтда яна бир Damas бошқарувни йўқотиб, у ҳам каналга тушиб кетган.
Каналга иккинчи тушиб кетган автомашина ичида 5 нафар бола бўлган. Қутқарувчиларга уларнинг чўкаётган овози эшитилган. Болалар каналда эвакуация қилинган, 3 нафари сув ютган ҳолда бўлгани учун биринчи ёрдам кўрсатилган.
Улардан бири шифохонага ётқизилган. Ҳозирда унинг аҳволи яхши, дейилади хабарда.
