Иссиқхоналарнинг газдан қарздорлиги учун пеня 2023 йил 1 апрелгача ҳисобланмайди
Президент қарори билан иссиқхона хўжаликларига газ тўловини ўз вақтида амалга оширмаганлик учун пеня 2022 йил 1 октябрдан 2023 йил 1 апрелгача ҳисобланмайди. Иссиқхона хўжаликларини айланма маблағ билан таъминлаш учун банклар томонидан 1 йил муддатга 6 ойлик имтиёзли давр билан кредит ажратилади.
Андижонда ўқувчиларга вилоят ҳокими саволларига «шукроналик ҳисси билан жавоб бериш» буюрилди
Жалақудуқ туманидаги мактабда «Ҳоким ва ёшлар» учрашувида устозлардан ўқувчилари ҳоким саволларига «шукроналик ҳисси билан жавоб бериши» сўралган хабар тарқалди. ХТВ матбуот котиби ўқитувчилардан бундай нарсаларни талаб қилмасликни сўради. Туман ҳокимлиги эса бундай топшириқ берилмаганини айтди.
Ўзбекистон ва Қирғизистон Андижон сув омборини биргаликда бошқаради
Ўзбекистон ТИВ раҳбари Владимир Норов қирғизистонлик ҳамкасби Жээнбек Кулубаев билан Андижон (Кампир-Обод) сув омбори бўйича битимни имзолади. Бундан ташқари, вазирлар президент Шавкат Мирзиёевнинг Қирғизистонга ташрифига тайёргарлик кўриш масаласини ҳам муҳокама қилди.
«Бошқалар Ўзбекистонни ўз таъсир доираси остига олишни истайди. Биз эса тенг ҳамкорликни хоҳлаймиз» — Германия ТИВ раҳбари
Германия ТИВ раҳбари Анналена Бербок Ўзбекистонга ташрифи чоғида, унинг келиши — Ўзбекистон ва Қозоғистон учун ҳамкорликни кенгайтириш учун сигнал эканини таъкидлади. Шунингдек, у Марказий Осиёда Россия ва Хитой таъсирининг тўғридан-тўғри ортишига йўл қўймасликка чақирди.
2023 йил 1 июлдан сув ва салқин ичимликларни мажбурий рақамли маркировкалаш бошланади
Сув ва салқин ичимликларни мажбурий рақамли маркировкалаш тизими 2023−2024 йилларда босқичма-босқич жорий қилинади. Биринчи босқич 2023 йилнинг 1 июлидан бошланади.
«Ғишткўприк» постининг ўтказувчанлик қуввати оширилади (фото)
Қозоғистон билан чегарада жойлашган «Ғишткўприк — Жибек жоли» назорат-ўтказиш пунктини модернизация қилиш ишлари бошланди. Постга олиб борувчи йўл ҳам таъмирланади. Таъмирлаш ишлари вақтида пост ёпилмайди.
13 ноябрь куни Ўзбекистон бўйлаб «Янги нафас» югуриш мусобақалари ўтказилади
Ўзбекистон давлат байроғи қабул қилинган кун муносабати билан 13 ноябрда мамлакатнинг 15 та шаҳри ва пойтахтнинг уч нуқтасида оммавий югуриш мусобақалари бўлиб ўтади. Бунинг учун ҳомийлар ва давлат бюджети ҳисобидан 3 млрд сўмдан кўпроқ маблағ ажратилди.
Wizz Air авиакомпанияси Абу-Даби — Тошкент рейсларини йўлга қўяди
Январь ойининг охиридан Венгриянинг Wizz Air авиакомпанияси Абу-Даби — Тошкент рейсларини йўлга қўйишни режалаштиряпти. Самолёт ҳафтасига уч марта — душанба, чоршанба ва жума кунлари учади. Аввалроқ WizzAir Abu Dhabi БАА пойтахтидан Самарқандга парвозларни амалга ошириши хабар қилинганди.
Ўзбекистонликларни ҳақорат қилгани учун «Indorama agro» ходимига нисбатан жиноят иши қўзғатилди
«Indorama agro»нинг ҳиндистонлик ишчиси Telegram`даги гуруҳда Ўзбекистон фуқаролари ва паспортини ҳақорат қилгани айтилмоқда. ИИВ унга нисбатан жиноят иши очилганини маълум қилди. Гумондорнинг айби исботланса, жаримага тортилиши ёки аҳлоқ тузатиш ишлари билан жазоланиши мумкин.
Пскент тумани прокурори ёрдамчиси пора билан ушланди
Пскент прокурори ёрдамчиси 1500 доллар олаётган вақтда қўлга олинди. Маълум қилинишича, у судья орқали судланувчига енгил жазо тайинланишига эришишни ваъда қилган.
Географик объектларга ном беришда аҳолининг фикри ўрганилади
Президент имзолаган қонунга кўра, географик объектларга жаҳон тарихида чуқур из қолдирган шахсларнинг исми-шарифини беришга йўл қўйилади. Географик объектларга ном бериш ва уларнинг номларини ўзгартириш тўғрисида таклифлар тайёрлаш жараёнида маҳаллий аҳолининг фикри ҳисобга олинади.
Самарқандда 4 нафар эгизак туғилди
Самарқандда 32 ёшли аёл 4 нафар эгизак (2 ўғил, 2 қиз) фарзандли бўлди. Жарроҳлик амалиёти билан бажарилган туғруқ жараёнидан сўнг, Соғлиқни сақлаш вазирлиги она ва болаларни назоратга олди.
Ўзбекистонда жаҳон телеканаллари эфирга узатила бошлади
Ўзбекистонликларда энди Россия телевидениесига муқобил вариант бор. IP-телевидение операторлари пакети қаторидан BBC, CNN, Bloomberg, France 24, Хитойнинг CGTN, Туркиянинг TRT Avaz, «Беларусь 24» телеканаллари ҳам ўрин олди.
Тошкент шаҳар ва 4 та вилоят қурилиш бош бошқармасига янги раҳбарлар тайинланди
Тошкент шаҳри, Бухоро, Жиззах, Қашқадарё ва Фарғона вилоятларининг қурилиш бош бошқармасига янги раҳбарлар тайинланди. Наманган вилояти қурилиш бош бошқармасининг бошлиғи ўз аризасига асосан ишдан олинди.
Андижонда «Москвич» босиб кетган 9 ёшли бола вафот этди
Андижон вилояти Улуғнор туманида тиркамага осилиб чиқмоқчи бўлган 3-синф ўқувчиси машина тагида қолиб, вафот этди.
ЕТТБ 18 минг талабага ётоқхоналар қуриш бўйича маслаҳат хизматини кўрсатади
Олий таълим вазирлиги талабаларга $115 млн қийматидаги 18 минг ўринли 17 та ётоқхона қуришга Европа тикланиш ва тараққиёт банкини маслаҳатчи сифатида жалб қилмоқда. Банк турар-жойларни қуриш учун инвесторларни топишда ёрдам беради.
Ўзбекистонда крипто-дўкон фаолиятини ташкил этиш ва амалга ошириш тартиби тасдиқланди
Адлия вазирлигида крипто-дўкон ташкил этиш ва унинг фаолиятини тартибга солиш қоидалари рўйхатдан ўтказилди. Унга кўра, крипто-дўкон электрон платформа ва савдо объекти орқали мижозларга хизмат кўрсатиши мумкин бўлади. Қонунчиликда бундай фаолият тури учун ҳар ой 6 млн сўм тўлов белгиланган.
«Газета.uz»да эълон қилинган мақолалар:
ЖЧ-2022: Фақат соф прагматизм, ҳеч қандай сиёсат йўқ
«Газета.uz» футбол бўйича 2022 йилги Жаҳон чемпионати бошланишига ҳафталар, кунларни санашда давом этмоқда. «Б» гуруҳи билан таништирсак: Эрон ва АҚШ плей-офф йўлланмаси учун курашади, Уэльс терма жамоаси 64 йиллик танаффусдан сўнг қайтмоқда, Англия эса мухлисларни зериктирмасликка ҳаракат қилади.
