Андижоннинг Улуғнор туманида «Москвич» 9 ёшли ўқувчини босиб кетди, дея хабар қилди ИИВ «Миллий» телеканалининг «Миллар» информацион дастурига таяниб.
Қайд этилишича, 28 октябрь куни соат 14:30 да туманнинг Янгиобод МФЙдаги 13-сонли мактабнинг 3-синф ўқувчиси дарсдан сўнг, уйга қайтиш вақтида, юк ортиб келаётган тиркамали «Москвич»га осилиб чиқишга уринган. Бироқ, у машинага чиқиш вақтида оёғи тойиб кетиб йиқилиб тушган. Машина эса уни босиб ўтган.
Бола ўқитувчиси томонидан шифохонага олиб борилган, лекин, кўрсатилган ёрдамга қарамай вафот этган.
Телеграмдан фойдаланасизми? Муҳим янгиликларни ўтказиб юбормаслик учун каналимизга аъзо бўлинг.
