«yevropa ittifoqi» tegli maqolalar
YIning O‘zbekistondagi elchisi diplomatik missiyasini yakunladi
2021-yil martidan buyon Yevropa Ittifoqining O‘zbekistondagi elchisi lavozimida ishlab kelgan Sharlotta Adrian diplomatik missiyasini yakunladi.
YI davlatlari Afg‘onistonda elchixonalar ochish imkoniyatini ko‘rib chiqmoqda — Bloomberg
Bir qator YI davlatlari Afg‘onistonda 2021-yilda Tolibon hokimiyat tepasiga kelganidan keyin yopilgan elchixonalarini qayta ochish imkoniyatini ko‘rib chiqmoqda, deb yozdi Bloomberg.
Gruziyaning Yevropa Ittifoqiga a’zolik jarayoni to‘xtatildi
Yevropa Ittifoqi Gruziyaning ittifoqqa qo‘shilish jarayonini to‘xtatdi. Mamlakatda “xorijiy agentlar” to‘g‘risidagi qonunning qabul qilinishi nomzodga ko‘rsatilgan qadamlardan chekinish deb baholandi. Yevrokengash, shuningdek, Tbilisini “kuzgi parlament saylovlari erkin va adolatli o‘tishini ta’minlashga” chaqirdi.
Yevropa kengashi YIning yangi yetakchilari nomzodlarini tasdiqladi
YI mamlakatlari liderlari ittifoq rahbarligiga nomzodlarni ma’qulladi. Ursula fon der Lyayenni Yevrokomissiya prezidenti lavozimida saqlab qolish taklif etildi. Portugaliya sobiq bosh vaziri Antoniu Koshta Yevropa kengashi rahbari etib saylandi. Estoniya bosh vaziri Kai Kallas YeI diplomatiyasi rahbari bo‘lmoqda.
“Xorijiy agentlar” to‘g‘risidagi qonun sabab Gruziyani YeIga qabul qilish jarayoni de fakto to‘xtatildi
Gruziyaning YeIga kirish jarayoni mamlakatda qabul qilingan “xorijiy agentlar” to‘g‘risidagi qonun tufayli amalda to‘xtatildi. Yevropa Ittifoqi yetakchilari Gruziya hukumatini mamlakatning ittifoqqa kirishiga tahdid solayotgan harakat yo‘nalishini o‘zgartirishga chaqirdi.
Qirg‘iziston va YI kengaytirilgan sheriklik va hamkorlik to‘g‘risidagi bitimni imzoladi
Qirg‘iziston va Yevropa Ittifoqi kengaytirilgan sheriklik va hamkorlik to‘g‘risidagi bitimni imzoladi. Bu, tomonlar ta’kidlaganidek, hamkorlikni kengaytirish uchun “yangi huquqiy asos” bo‘ladi.
YI Ukraina va Moldova bilan a’zolik bo‘yicha muzokaralarni boshladi
Yevropa Ittifoqi Ukraina va Moldovaning ittifoqqa qo‘shilishi bo‘yicha rasmiy muzokaralarni boshladi. “Oldindagi yo‘l oson bo‘lmaydi. Ammo u ulkan imkoniyatlarga ham to‘la”, — dedi Yevrokomissiya rahbari Ursula fon der Lyayen.
Yevroittifoq Rossiyaga qarshi 14-sanksiya paketi bo‘yicha kelishib oldi
Yevropa Ittifoqi Rossiyaga qarshi 14-sanksiya paketi yuzasidan kelishib oldi. Yangi cheklovlar Rossiya energetika sektoriga ta’sir qiladi hamda uchinchi mamlakatlar, jumladan, Xitoy, Turkiya va Hindistondagi o‘nlab kompaniyalar bilan savdoni cheklaydi.
2023-yilda O‘zbekiston va YeI o‘rtasidagi savdo aylanmasi 11 foizga o‘sdi — Yevroittifoq elchisi
O‘zbekiston va Yevropa Ittifoqi o‘rtasidagi tovar ayirboshlash 2023-yilda 11 foizga o‘sib, 5,13 mlrd yevroga yetdi. YeI elchisi Sharlotta Adrian ittifoq O‘zbekistonning Jahon savdo tashkilotiga a’zo bo‘lishini qo‘llab-quvvatlashda davom etishini ta’kidladi.
Yevropa Ittifoqi birinchi marta Isroilga qarshi sanksiyalarni “jiddiy muhokama qildi”
Yevropa Ittifoqi tashqi ishlar vazirlarining yig‘ilishida Isroilga qarshi sanksiyalar va ularning oqibatlari birinchi marta “jiddiy muhokama qilindi”, dedi Irlandiya tashqi ishlar vaziri. Avvalroq Isroilning Rafahga hujumi oqibatida 45 kishi halok bo‘lgani xabar qilingandi.
Qator YI davlatlari “xorijiy agentlar to‘g‘risida"gi qonun tufayli Gruziyaga qarshi sanksiyalar kiritmoqchi — FT
Yevropa Ittifoqining to‘rtta davlati “xorijiy agentlar to‘g‘risida"gi qonun tufayli Gruziyaga qarshi sanksiyalar qo‘llashni taklif qilmoqchi. Ehtimoliy cheklovlar qatoriga Gruziya fuqarolari uchun YIda vizasiz rejimni bekor qilish kiradi.
O‘zbekiston va YeI o‘rtasidagi hamkorlikning 30 yilligi festival bilan nishonlanadi
18-may kuni Toshkentdagi Botanika bog‘ida YeIning O‘zbekiston bilan hamkorlikning 30 yilligiga bag‘ishlangan festivali bo‘lib o‘tadi. Tadbir davomida YeI tomonidan moliyalashtirilgan 40 dan ortiq loyihalar taqdim etiladi. Ishtirokchilarni o‘yinlar va viktorinalar, shuningdek, gala-konsert kutmoqda.
O‘zbekiston AQSh va Britaniya bilan muhim xomashyo sohasida hamkorlik qilmoqchi
Shavkat Mirziyoyev investorlarga hamkorlik imkoniyatlari haqida gapirarkan, mamlakatda 30 dan ortiq noyob metallar konlari mavjudligini alohida ta’kidladi. Prezident O‘zbekiston AQSh va Buyuk Britaniya bilan muhim xomashyo sohasida hamkorlik bo‘yicha kelishuvlar ustida ish olib borayotganini aytdi.
YI O‘zbekistonda qishloq xo‘jaligini rivojlantirish uchun 6 mln yevro ajratdi
Yevropa Ittifoqi O‘zbekistonga Oziq-ovqat xavfsizligi va sog‘lom ovqatlanish bo‘yicha milliy strategiyani amalga oshirish uchun 6 mln yevro miqdorida grant ajratdi. Joriy va kelgusi yilda bu maqsadga jami 20 mln yevro yo‘naltiriladi.
YI va BMT Taraqqiyot dasturi Baliqchilik ilmiy-tadqiqot institutiga baliq yetishtirishni yaxshilovchi uskunalar topshirdi
Yevropa Ittifoqining O‘zbekistondagi delegatsiyasi va BMT Taraqqiyot dasturi Baliqchilik ilmiy-tadqiqot institutiga suv sifati sensorlari, filtrlash va tozalash tizimlari, shuningdek, intensiv baliq yetishtirish uchun quyosh suv isitgichlarini taqdim etdi.
Rossiya O‘zbekiston va Qozog‘iston kabi davlatlar orqali YeIning sanksiyalangan tovarlarini olishda davom etmoqda — Bloomberg
2023-yilning yanvar-sentabr oylarida Yevropa Ittifoqidan Rossiyaga 450 mln yevrolik yuqori ustuvorlikka ega tovarlar yetib borgan. Tovarlarning chorak qismi to‘g‘ridan-to‘g‘ri YeIdan, qolgani esa O‘zbekiston, Qozog‘iston, Qirg‘iziston, Xitoy, BAA kabi davlatlar orqali Rossiyaga yetib borgan, deb yozmoqda Bloomberg.
Yevropa Ittifoqi Rossiyaga qarshi 13-sanksiya paketini tasdiqladi
Yevropa Ittifoqi Ukrainaga bosqinning ikki yilligi munosabati bilan Rossiyaga qarshi 13-sanksiya paketini tasdiqladi. Unga 106 nafar jismoniy shaxs va 88 korxona, jumladan, Xitoy, Qozog‘iston va Turkiya kompaniyalari kiritildi.
Yevropa Ittifoqi Rossiyaga qarshi 13-sanksiya paketi bo‘yicha kelishuvga erishdi
Yevropa Ittifoqi Rossiyaga qarshi 13-sanksiya paketini qo‘llash bo‘yicha kelishib oldi, u Ukrainaga bosqinning ikki yilligi arafasida tasdiqlanadi. 200 ta kompaniya va jismoniy shaxslarga sanksiya qo‘yilgan. Sanksiyalar, shuningdek, Rossiyaning dronlar ishlab chiqarishini cheklaydi.
Yevropa Ittifoqi havo sifati standartlarini kuchaytiradi
Yevropa Ittifoqi davlatlari havo sifati standartlarini kuchaytirish bo‘yicha kelishuvga erishdi. 2030-yilga kelib PM2,5-mayda zarrachalarining ruxsat etilgan o‘rtacha yillik konsentratsiyasi 25 mkg/m3 dan 10 mkg/m3 gacha kamayadi.
BOMCA O‘zbekiston davlat idoralariga chegara nazoratini yaxshilash uchun uskunalar topshirdi
Markaziy Osiyoda chegaralarni boshqarishga ko‘maklashish dasturi O‘zbekiston davlat idoralariga chegara bojxona, fitosanitariya va veterinariya nazoratini yaxshilash uchun qiymati 54,5 ming yevrolik uskunalar sovg‘a qildi.
Eng ko‘p o‘qilgan xabarlar | So‘nggi yangiliklar
- O‘zbekistonda yaqin besh kun juda issiq bo‘ladi
- Timur Kapadze Olimpiya shaharchasida muammolar ko‘pligi haqida gapirdi
- Xulian, Ashraf, Fermin, Eldor: Olimpiya o‘yinlarida ishtirok etadigan 11 mashhur futbolchi
- O‘zbekiston Olimpiadadagi ishtirokini Ispaniyaga qarshi futbol o‘yini bilan boshlaydi
- So‘nggi Chevrolet Lacetti UzAuto Motors konveyeridan chiqdi (+video)
Qo‘shimcha imkoniyatlarga ega bulish uchun saytda ro‘yxatdan o‘ting