Хусусий ОТМларга йилига фақат бир марта қабул талаби қўйилди. Бу қонунга зид
Президентнинг янги фармонига кўра, нафақат давлат, балки хусусий ва хорижий ОТМлар ҳам бакалавриат ва магистратурага йилига фақат бир марта қабул қила олади. «Таълим тўғрисида»ги қонунда қабул тартибини хусусий ОТМларнинг ўзи белгилаши кўрсатилган. Кўп марталик қабул дунё бўйлаб кенг тарқалган.
Ўзбекистон мактаблари учун юқори интернет тезлигига эга тариф режалари жорий этилади
Вазирлар Маҳкамаси қарори лойиҳасига кўра, умумтаълим мактаблари учун юқори тезликда ва чекловларсиз кириш имконини берадиган «New Education» тариф режаси ишлаб чиқилади. Тариф бўйича интернет тезлиги камида 40 Мбит/с, ўқувчилар сони 400 нафардан кўп бўлганларда — камида 100 Мбит/с бўлади.
Alif Juma акциясиниг тугашига уч кун қолди
21 июль куни Alif компанияси ўтказаётган Alif Juma акцияси якунланади. Акция давомида харидлар учун комиссия тўлови икки баравар камайтирилгани билан бирга онлайн буюртмаларни етказиб бериш бепул.
Ўзбекистонлик параатлетлар жаҳон чемпионатида 17 та медални қўлга киритди
Енгил атлетика бўйича Ўзбекистон паралимпия терма жамоаси Парижда ўтказилган жаҳон чемпионатида 17 та медаль — 6 та олтин, 7 та кумуш ва 4 та бронза медалини қўлга киритиб, умумжамоа ҳисобида саккизинчи ўринни эгаллади. Спортчилар 2024 йилги Паралимпия ўйинларига 19 та йўлланма олди.
Тошкентда айрим кўчаларнинг бир қисми вақтинча ёпилади
Тошкентнинг Нурлийўл, Хонобод 1-тор ва Қипчоқ кўчаларининг бир қисми 19 июль куни соат 15:00 дан 21 июль 21:00 га қадар ёпилади. Бу вақтда метронинг ер усти ҳалқа линиясида қурилиш ишлари олиб борилади.
IBA раҳбари Руфат Рисқиевни автомашина билан тақдирлади
Халқаро бокс ассоциацияси (IBA) раҳбари Умар Кремлев ўзбекистонлик боксчи Руфат Рисқиевга Malibu-2 машинасини топширди. Фахрий спортчи IBA президентининг фахрийлар масаласида маслаҳатчиси этиб тайинланди. Аввалроқ унга ташкилот томонидан умрбод 1000 долларлик маош тайинланганди.
АҚШ Қирғизистонга қарши санкциялар жорий этишга тайёрланмоқда — The Washington Post
АҚШ Россияга қарши чекловларни четлаб ўтишда ёрдам бергани учун Қирғизистонга қарши санкциялар жорий этишга тайёрланмоқда, дея хабар берди The Washington Post. Мамлакат ҳудуди орқали санкциялар остидаги маҳсулотлар, хусусан, Хитой дронлари Россияга етказиб берилаётгани таъкидланган.
Блогер Абдуқодир Мўминов иши бўйича суд 25 июль куни бошланади
Жиноят кодексининг фирибгарлик, товламачилик ва бошқа моддалари билан айбланаётган блогер Абдуқодир Мўминов иши бўйича суд 25 июлда бўлиб ўтади. Ишда 14 нафар жабрланувчи мавжудлиги ва уларга жами 903 млн сўм моддий зарар етказилгани аниқланган.
Ўзбекистоннинг 9 та ҳудудида зилзила сезилди
Афғонистонда содир бўлган зилзила кучи Ўзбекистоннинг 9 та ҳудудида сезилди. Унинг кучи 2−3 баллни ташкил этди.
Бухорода жадидчиликка бағишланган илк музей очилади
Бухоро шаҳридаги «Ҳовли поён» уйида Ўзбекистон маданияти ва санъатини ривожлантириш жамғармаси иштирокида жадидчилик тарихига бағишланган илк музей ташкил этилмоқда. Бу уй Ўрта Осиё жадидчилиги етакчиларидан бири Усмонхўжа Пўлатхўжаевга тегишли бўлган.
Ўзбекистонда профессионал футбол клублари ижтимоий солиқдан бошқа барча солиқларни тўлашдан озод этилди
Ўзбекистон футбол ассоциацияси, «Профессионал футбол лигаси» жамоат бирлашмаси, футбол ҳакамлари маркази ва профессионал футбол клублари 2026 йилгача ижтимоий солиқдан ташқари барча солиқларни тўлашдан озод этилди. Улар жалб қилган чет эл мутахассислари ва футболчилари ҳам даромад солиғи тўламайди.
Exadot бизнес ривожи учун мобил иловалар яратади
Exadot компанияси бизнес туридан қатъий назар қамров кўламини кенгайтириш учун мобил иловалар яратади. Ҳозиргача компания InMovie, Finance App, Benny Rideshare ва бошқа иловаларни оммага тақдим этган.
Исроилда суд ислоҳотига қарши яна норозиликлар бўлмоқда
Исроилда баҳсларга сабаб бўлган суд ислоҳоти лойиҳасига қарши янги йирик норозилик намойишлари бўлиб ўтмоқда. Минглаб намойишчилар мамлакат бўйлаб йўлларни тўсиб қўйди, бир қанча шаҳарларда полиция билан тўқнашувлар бўлмоқда.
Қорақалпоғистонда браконьерлар тузоғига тушган икки буғу ҳалок бўлди
Қорақалпоғистоннинг Беруний давлат ўрмон хўжалиги участкасида 2 та Бухоро буғусининг жасади топилди. Улар браконьерлар тузоғига тушиб қолиши оқибатида ҳалок бўлган. Ҳолат бўйича гумонланган 3 киши қўлга олинди.
Ўзбекистон жаҳон паспортлари рейтингида 78-ўринга кўтарилди
Ўзбекистон Henley & Partners консалтинг компаниясининг жаҳон паспортлари рейтингида беш поғонага юқорилаб, 78-ўринни эгаллади. Япония 5 йил ичида биринчи марта рейтингда етакчиликни йўқотди, унинг ўрнини Сингапур эгаллади. Афғонистон паспорти эса энг кучсиз деб топилди.
Банкларда доллар курси 11 650−11 665 сўм этиб белгиланди
Тижорат банклари 19 июль куни аҳолидан 1 АҚШ долларини 11 530−11 610 сўмдан сотиб олмоқда, сотув курси эса 11 650−11 665 сўм.
ДХХ гиёҳвандлик воситалари савдоси билан шуғулланишда гумонланган 8 кишини қўлга олди
ДХХ ҳудудларда гиёҳвандлик воситалари савдоси билан шуғулланишда гумонланган 8 кишини қўлга олди. Улардан бири тожикистонлик наркокуръерлар яшириб кетган моддани олиб кетаётганида, яна бири Қирғизистондан контрабанда йўли билан келтирилган наркотикни сотаётганида ушланди.
Буюк Британиянинг Ўзбекистондаги янги элчиси тайинланди
Ўзбекистондаги дипломатик миссиясини якунлаётган Буюк Британия элчиси Тим Торлоу ўрнини Тимоти Смарт эгаллади. У фаолиятини август ойида бошлайди.
Ўзбекистон бош вазири Грузияда қандай кутиб олинди (фото, видео)
Ўзбекистон бош вазири Абдулла Арипов Тбилисига расмий ташриф билан бориб, Грузия ҳукумати раҳбари Ираклий Гарибашвили билан учрашди. Томонлар мамлакатлар ўртасидаги икки томонлама ҳамкорликни ривожлантириш бўйича 2023−2024 йилларга мўлжалланган Ҳаракат дастурини имзолади.
18 июль куни Ўзбекистонда содир бўлган энг муҳим воқеалар дайжести
Чирчиқда уйларни сотишдаги коррупцион схема, овқатланиш сабаб ривожланишдан ортда қолган болалар, Хоразмда банкка тўппончада кирган шахс, Россияда паспортини олдириб қўйганлар, «Қўйлиқ» бозори олдидан видеорепортаж, Оҳангарондаги янги чиқинди полигони ва бошқалар — «Газета.uz»нинг кун дайжестида.
Қўшимча имкониятларга эга булиш учун сайтда рўйхатдан ўтинг