ИҲМА газ ва электр энергияси тарифлари оширилиши муносабати билан 1,5 миллионга яқин муҳтож оилаларга қандай ёрдам кўрсатилишини тушунтирди. Камбағаллик чегараси, пенсия ва нафақа миқдорини ошириш, иситиш мавсумида 270 минг сўм миқдорида бир марталик компенсация тўлаш кўзда тутилган.
Иқтисодиёт вазирлиги департаменти директори Хуршед Мустафаев электр ва табиий газ тарифлари оширилаётганини изоҳлаб, сўнгги 5 йилда нархлар аҳоли учун ўзгаришсиз қолганини эслатди. У, шунингдек, электрнинг таннархи қарийб 1000 сўмни, табиий газники эса қарийб 2000 сўмни ташкил қилишини таъкидлади.
Флоренциядаги Питти саройида «Нур ва ранг» кўргазмаси очилди. У «Ўзбекистон: саҳродаги авангард» лойиҳасининг бир қисми бўлиб, Европа жамоатчилигини илк бор Тошкент ва Нукус санъат музейлари коллекцияларидаги рус ва «шарқ» авангард асарлари билан таништирмоқда.
Мактаб вазирлиги ўқувчилар хорижга чиқишда мактаб директорини огоҳлантириши кераклиги назарда тутилган буйруқ лойиҳасини муҳокамага қўйди. Ўзгартириш мақсади сифатида хорижга огоҳлантирмасдан ёки вақтинча чиқиб кетиб, қайтиб келмаган ўқувчилар билан ишлашни самарали йўлга қўйиш экани қайд этилган.
Ўзбекистонда 1 майдан электр энергияси ва газ учун тўловлар миқдори оширилади (2019 йил августидан буён илк марта). Шунингдек, энергоресурслар истеъмоли бўйича ижтимоий норма жорий этилади.
Минглаб одамлар Грузия парламенти биноси яқинига «хорижий агентлар тўғрисида»ги қонун лойиҳасига норозилик билдириш мақсадида йиғилди. Уларнинг фикрича, қонун Россиянинг хорижий агентлар ҳақидаги қонунига ўхшаш. Ҳужжат ўтган йили муҳокамага қўйилган, бироқ намойишлардан сўнг қайтариб олинганди.
Давлактив Тошкентдаги 3,2 гектар майдондаги собиқ автобазани 105 миллиард сўмга сотди. Тендер ғолиби Evro Tires Universal бўлди.
Сергели туманидаги 277-мактабнинг 1-синф раҳбари хато қилган ўқувчиларини жазолаш учун қўлларига игна ва «саморез» санчгани айтилмоқда. Ҳолат 2023−2024-ўқув йили бошидан буён такрорланиб келган. Болалар омбудсмани ҳолат назоратга олингани ва ўқитувчи ишдан олинганини билдирди.
Ота-оналари бўлмаган ва ёрдамга муҳтож жами 17 нафар бола Россиядан Ўзбекистонга қайтарилди. Улар яқин қариндошларига ёки махсус болалар муассасаларига васийлик қилиш учун топширилади.
Uzbekistan Airways 3 июндан бошлаб Нукус-Истанбул-Нукус йўналишида авиарейсларни йўлга қўйишини маълум қилди. Қатновлар ҳафтанинг ҳар душанба куни амалга оширилади.
ДХХ Тошкент вилоятининг Тошкент, Ўрта Чирчиқ ва Оҳангарон туманлари ҳамда Бухоро вилоятининг Бухоро туманида ер майдонларини ноқонуний сотишга уринишларни аниқлади. Бунда фуқаролардан 50 мингдан 100 минг долларгача пул сўралган.
Бош прокуратура Фарғона вилояти тарихи ва маданияти давлат музейида содир бўлган ёнғин бўйича терговга қадар текширув ўтказмоқда. Ҳодиса оқибатида XIX асрга оид масжид эшиги ҳамда қадимий милтиқнинг қўндоғи ёниб зарарланган.
Ўзбекистон, Қозоғистон ва Қирғизистон ҳукуматлари Норин дарёсида Қамбарота ГЭС (ГЭС-1) қурилиши бўйича қўшма компания тузади. Лойиҳа амалга оширилгач, станциянинг акциялари ва активлари Қирғизистон мулкига айланади.
Шароф Рашидов туманида йўловчи ташувчи автобус ариққа тушиб кетди. Автобусда йўловчилар бўлмаган, ҳайдовчига биринчи тез тиббий ёрдам кўрсатилган.
Нью-Йоркда Дональд Трампнинг сукут сақлаши учун порноактрисага пул тўлагани бўйича суд жараёни бошланди. Тарихда илк бор АҚШ собиқ президенти жиноий иш бўйича судда иштирок этмоқда. Сиёсатчи ўзига қўйилган айбни тан олмаяпти.
Тармоқларда Фарғона вилояти тарихи ва маданияти давлат музейида ёнғин юз бергани, бу жамоатчиликдан сир тутилаётгани ҳақида хабарлар тарқалди. Ёнғинда нақшли масжид эшиги, Англия қуролсозлари ясаган милтиқ қўндоғи буткул ёниб кетган ҳамда бир қанча тарихий экспонатлар зарарланган, деб ёзди Kun.uz.
Туркиянинг Истанбул вилоятида Instagram учун видео олмоқчи бўлган Ўзбекистон фуқароси 22 ёшли ватандошини отиб қўйди. У бош қисмидан олган жароҳати сабаб вафот этди.
ОТБ прогнозига кўра, Ўзбекистонда нархлар ошишининг уй хўжаликлари даромадига таъсири туфайли 2024 йилда иқтисодий ўсиш 5,5 фоизгача пасайиши мумкин, бироқ 2025 йилда бироз тикланади. Ислоҳотлар ва ижтимоий харажатларни ошириш бюджет тақчиллигини камайтиришга қаратилган ҳаракатларни чеклаши мумкин.
Жиззах вилоятининг Ғаллаорол туманида муқаддам фирибгарлик жинояти учун судланган шахслар фуқарони 18 минг доллар эвазига АҚШга жўнатишни ваъда қилгани аниқланди.
Москвадаги қурилиш майдонида содир бўлган оммавий муштлашувда ўзбекистонлик 10 нафар, тожикистонлик 13 нафар мигрант қўлга олинди. Жанжал қурилиш материалларининг нотўғри тақсимоти сабабли келиб чиққан. Ҳеч ким оғир жароҳат олмаган, уларга нисбатан маъмурий жарима тайинланган.
Қўшимча имкониятларга эга булиш учун сайтда рўйхатдан ўтинг