Ўзбекистон ва Корея ўртасидаги савдо айланмаси 2,7 млрд долларни ташкил этди
2019 йил якунларига кўра, Ўзбекистон ва Жанубий Корея ўртасидаги савдо айланмаси ўтган 5 йил давомида энг юқори натижа — 2,7 млрд долларни ташкил этди. 6−7 июль кунлари Ўзбекистон делегациясининг Сеулга амалий ташрифи давомида янги келишувларга эришилди.
Спорт тарихидаги рекорд шартнома имзоланди — 10 йилга 503 млн доллар
Американча футбол жамоаси «Канзас-Сити Чифс» аъзоси Патрик Махоумс спорт тарихидаги энг йирик шартномани имзолади. Шартнома қиймати 503 млн доллар бўлиб, 10 йил муддатга тузилди.
Жиззахда карантин талаблари кучайтирилади — тадбирлар рўйхати
Жиззах вилоятида коронавирусга чалинган беморлар сони ортиб бораётгани сабабли Жиззах шаҳрида карантин чоралари кучайтирилади. Хусусан, шаҳарга кириш ва чиқишда кўшимча постлар ташкил этилади, автотранспорт воситаларининг махсус рухсатномасиз ҳаракатланиши чекланади.
Жиззах шаҳар ҳокимлиги биноси карантинга олинди
Жиззахда шаҳар ҳокимлиги ходимида коронавирус аниқлангани сабабли ҳокимлик биноси карантинга олинган. Айни пайтда ҳокимлик ходимлари ўз ишларини масофадан туриб давом эттиришмоқда.
Молия вазирлиги банклар устидан назоратни кучайтиради
Молия вазирлиги кузатув кенгашларидаги мустақил хорижий директорлар орқали давлат банклари устидан назоратни кучайтиришни режалаштирмоқда. Молия вазири Тимур Ишметовнинг таъкидлашича, баъзи банклар «тушунарсиз шароитларда» катта кредитларни тасдиқлашган.
«Абу Сахий» савдо маркази вақтинчалик ёпилди
Чилонзорда жойлашган «Tashkent Trade Center» (Абу Сахий) савдо маркази маъмурияти ишчилари ва у ерда фаолият кўрсатаётган тадбиркорларда коронавирус инфекцияси аниқланди. Савдо маркази вақтинчалик ёпилди.
АҚШ айрим чет эллик талабаларига виза чекловларини жорий этди
АҚШ ҳукумати 2020 йил кузги семестрда тўлиқ онлайн бўлган ўқув муассасалари ва дастурларга қабул қилинган F-1 ва М-1 визасига номзод талабаларга виза беришни вақтинчалик тўхтатди. Ҳозирда АҚШда бундай дастурларда таълим олаётган талабалар мамлакатни тарк этишлари ёки қонуний мақомда қолиш учун юзма-юз ўқитиладиган ўқув муассасасига ўтиш каби бошқа чораларни кўришлари керак бўлади.
Чартер рейси билан Жанубий Кореяга ишга қайтган фуқарода коронавирус аниқланди
Корея Республикасидан таътилга келиб, чартер рейс орқали Сеулга қайтган фуқаролардан бирида коронавирус аниқланди.
Наманган вилоят СЭОМ мансабдорлари 248,9 сўмлик бюджет маблағларини талон-тарож қилди
Наманган вилоят СЭОМ мансабдор шахсларининг дезинфекция воситаларини аслидан қиммат нархларга сотиб олиб, 248,9 млн сўмни талон-тарож қилгани аниқланди. Аввалроқ Навоий ва Бухоро вилоят СЭОМ мансабдорлари ҳам худди шу йўл билан жиноят содир этган эди.
Самарқандлик 61 ёшли коронавирус бемори вафот этди
Коронавирус инфекциясига чалинган 61 ёшли самарқандлик бемор ўткир нафас ва юрак қон-томир етишмовчилигидан вафот этди. COVID-19 асоратларидан вафот этганлар сони 38 нафарга етди.
Коронавирус беморлари сони 10459 нафарга етди
Коронавирус беморлари сони 97 нафарга ортиб, жами 10459 кишини ташкил этмоқда. Янги ҳолатларининг 35 нафари Карантин марказида, 59 нафари Тошкент шаҳрида ва 3 нафари Қорақалпоғистонда аҳоли орасида аниқланган.
Кунлик коронавирус ҳолатларининг ўсиш рекорди янгиланди
Ўзбекистонда аниқланган коронавирус ҳолатларининг кунлик ўсиши 342 тани ташкил этиб, рекорд янгиланди. Жами ҳолатлар сони 10362 тага етди. 115 та ҳолат аҳоли орасида қайд этилди.
Коронавирусдан вафот этганлар сони 37 нафарга етди
Тошкентда коронавирус аниқланган 86 ёшли аёл ҳаётдан кўз юмди. Ўзбекистонда COVID-19 асоратларидан вафот этганлар сони 37 нафарга етди.
Охирги икки ойда 40 минг фуқаро Тошкент пропискасини олди
Йил бошидан бери Тошкент шаҳрида жами қарийб 50 минг нафар фуқаро доимий рўйхатдан ўтган бўлса, шундан май ва июнь ойларининг ўзида 40 мингга яқин нафар фуқаро доимий рўйхатга киритилган.
Карантин талабларининг юмшатилиши иқтисодиёт фаоллашувига олиб келди
2020 йил апрель-июнь ойларида Ўзбекистон банк тизимида нақд пуллар айланмаси коронавирус пандемияси таъсирида шаклланди. Июнь ойидаги кўрсаткич (14,6 трлн сўм) карантин шароитидан олдинги даврдаги ҳолатига деярли яқинлашди. Шу билан бирга, бу кўрсаткич кейинги ойларда «ижобий томонга ўзгаришини кутиш мумкин», деб баҳоланмоқда.
Шавкат Мирзиёев Нурсултон Назарбоевни 80 ёшлик юбилей билан табриклади
Президент Шавкат Мирзиёев 6 июль куни Қозоғистон Республикасининг Биринчи Президенти — Элбоши Нурсултон Назарбоевни 80 ёшлик юбилейи билан табриклади.
ДЙҲХХ жарима майдонлари бўйича онлайн тизимни ишга туширди
Тошкентда автомашиналарни жарима майдонидан чиқариш учун онлайн тизим синов тариқасида ишга туширилди. Энди dyhxx.uz сайти орқали қоидабузарлик тўғрисидаги барча маълумотларни топиш, ҳужжатларни тақдим этиш ва жаримани тўлаш мумкин.
Яна 141 нафар кишида коронавурус аниқланди (жами — 10284)
Коронавирус ҳолатлари яна 141 тага кўпайиб, жами 10284 нафарга етди. Янги ҳолатларнинг 75 нафари аҳоли орасида қайд этилди.
Тошкентлик 43 ёшли коронавирус бемори вафот этди
Коронавирус инфекциясига чалинган 43 ёшли тошкентлик бемор (эркак киши) ўткир нафас ва юрак қон-томир етишмовчилигидан вафот этди. COVID-19 асоратларидан вафот этганлар сони 36 нафарга етди.
Чирчиқ дарёси қирғоғида «Дарё бўйи Бизнес сити» лойиҳаси амалга оширилиши маъқулланди
Чирчиқ дарёси қирғоғининг 16 километрлик қисмини 65−80 метргача торайтириш режалаштирилмоқда. Ҳосил бўлган бўш ер майдонида «Дарё бўйи Бизнес сити» лойиҳаси амалга оширилиб, у ерда ишлаб чиқариш, савдо ва хизмат кўрсатиш объектлари яратилади.
Қўшимча имкониятларга эга булиш учун сайтда рўйхатдан ўтинг