«Канзас-Сити Чифс» американча футбол жамоаси аъзоси (квотербек амплуасида) Патрик Махоумс спорт тарихидаги энг йирик шартномани имзолади, дея хабар беради The New York Times. 24 ёшли спортчи билан тузилган янги шартнома қиймати 503 млн доллар бўлиб, 10 йил муддатга мўлжалланган.
Маълумотларга кўра, Махоумс 2020 йилда АҚШ миллий футбол лигасининг энг ёш квотербеки бўлган ва Супербоул учун кураш олиб борилган ўйинда энг яхши ўйинчи деб тан олинган.
Асли техаслик бўлган Патрик Махоумс 2017 йилдан бери «Канзас-Сити Чифс» жамоаси сафида ҳаракат қилиб келади. Жамоа билан келишилган янги шартнома 2031 йилги мавсумгача тузилди.
Бу борада Махоумс 2019 йилда «Лос-Анджелес Энжелс» бейсбол жамоаси билан 12 йил муддатга 430 млн долларлик шартномани имзолаган Майк Траутнинг рекордини ортда қолдирди.
