Тошкентнинг Чилонзор туманида Алберт Эйнштейн портрети турли формулалар билан бирга чизилган девор бўяб қўйилган.
Рассом Inkuzart томонидан 103-мактаб ўқувчилари учун чизилган сурат маҳаллий диққатга сазовор жой бўлганди: «Болалар, аҳоли бу ерни яхши кўришарди, бу ерда экскурсиялар ўтказишарди», — дея хабар қилди туроператор ва гид Рустам Хусанов Facebook`да.
Фото: Рустам Хусанов / Facebook.
«Илгари, деворда асосан катта қилиб ҳақоратли сўзлар ёзилган, ерда эса пиво идишлари ётарди», — деди у ва коммунал хизматлар ходимлари ҳаракатини мутлақо бемаънилик деб атади.
Inkuzart ўзининг Telegram-каналида «Ералаш» ҳазил-мутойиба киножурналидаги мусиқа янграган видеони эълон қилди, унда рассом қандай қилиб граффитини чизгани, кейин эса ишчилар деворни бўяб ташлаётгани кўрсатилган. «Чилонзор ҳокимига раҳмат!» — дейилади видео тагида қолдирилган изоҳда.
Чилонзор тумани ҳокимияти матбуот хизмати «Газета.uz»га хабар беришича, Тошкентда Эйнштейн портрети ва унинг формулалари акс эттирилган девор ноқонуний қурилма бўлганлиги боис бўяб кетилган.
Туман ҳокимининг Архетектура, қурилиш ва коммуникацияни ривожлантириш бўйича ўринбосари Аброр Аҳмедовнинг сўзларига кўра, расм чизилган бино ноқонуний қурилма бўлгани учун бузилишга тушган, рассомга эса бошқа «қулай жой тавсия этилади».
2020 йилда «Газета.uz» маҳаллий Бенкси деб аталган рассом билан интервьюни эълон қилганди.
Inkuzart асарлари аввал ҳам чизилгандан сўнг бўяб кетилганди. Дўппи кийган одамнинг 2021 йил ноябрь ойида бензин нархи ошиши фонида ёқилғи қуйиш шохобчасида қурол билан ўзини ўзи отган сурати ва монополияга ишора қилган маҳаллий автомобиллар учун узун навбат кўринишидаги граффити йўқ қилинганди.
