Сиёсат
Сирдарё вилояти ҳокимига ўринбосар, Марҳамат ва Булоқбоши туманларига эса ҳоким тайинланди
Сардоба туманига ҳокимлик қилиб келган Акмал Мирзаев Сирдарё вилояти ҳокимига ўринбосар бўлди. Ўткирбек Маъмуров Андижоннинг Марҳамат туманига, Фурқатбек Бўтахонов эса Булоқбоши туманига ҳоким этиб тайинланди.
Қурбон Турсунов Бухоро шаҳри ҳокими этиб тайинланди
Қурбон Турсунов Ибрагимович Бухоро шаҳри ҳокими лавозимига тасдиқланди. У бунгача Қурилиш ва уй-жой коммунал хўжалиги вазирлиги иссиқлик таъминотини эксплуатация қилиш ва ривожлантириш бошқармаси бошлиғи вазифасида ишлаган. Шаҳарнинг аввалги ҳокими соғлиги ёмонлашгани сабаб ишдан кетгани айтилди.
Иқтисодиёт
Туркманистон Ўзбекистонни Тожикистоннинг иссиқхона помидори бозоридан сиқиб чиқармоқда — EastFruit
Туркманистоннинг иссиқхона помидорлари Тожикистон бозоридаги ўзбек помидорини бутунлай чиқариб юборди, деб ёзмоқда EastFruit. Молдова ва Тожикистонда помидор нархи Ўзбекистондагига қараганда арзонроқ, Польшада эса деярли тенг. Портал Ўзбекистоннинг иссиқхона хўжалигидаги муаммоларига ҳам тўхталди.
UzAuto Motors`нинг фойдаси биринчи чоракда қарийб 5 баробар ошди
Биринчи чорак якунларига кўра, UzAuto Motors компаниясининг соф фойдаси ўтган йилнинг шу даврига нисбатан қарийб 5 баравар — 1,29 триллион сўмгача кўпайди.
Ўзбекистонда энг кўп иш берувчи 10 та компания номи эълон қилинди
Бандлик вазирлиги Ўзбекистондаги 10 та энг кўп иш берувчи компания рўйхатини эълон қилди. Юқори ўринни НКМК ва ОКМК эгаллади.
Яширин иқтисодиётга қарши кураш чоралари жамоатчилик билан келишилади — ДСҚ ва ССП
ДСҚ ва Савдо-саноат палатаси муҳокамаларга сабаб бўлган яширин иқтисодиётга қарши курашиш чоралари бўйича қарор лойиҳаси ҳукуматга киритилишидан олдин жамоатчилик муҳокамасидан ўтказилишини маълум қилди. Лойиҳа тўлиқ қайта кўриб чиқилади ва бизнесга салбий таъсир талаблари бартараф этилади.
Ўзбекистонда йил бошидан бери инфляция қарийб 2,6 фоизни ташкил этди
Январь-апрель ойларида Ўзбекистонда истеъмол нархлари ошиши 2,59 фоизни ташкил этди. Апрель ойида истеъмол нархлари 0,93 фоизга ошди.
ЕТТБ Ўзбекистонда сув таъминоти, энергетика ва йўл инфратузилмаси лойиҳаларида иштирок этади
Шавкат Мирзиёев ЕТТБ президенти Одиль Рено-Бассо бошчилигидаги делегацияни қабул қилди. Давлат раҳбари мазкур банк билан ҳамкорликда сув таъминоти, энергетика, йўл инфратузилмаси ва «яшил» шаҳарларни ривожлантириш бўйича янги лойиҳаларни тез фурсатда тайёрлаш ва амалга ошириш муҳимлигини таъкидлади.
Бюджет дефицити инфляцияга бевосита таъсир қилади — МБ раиси Мамаризо Нурмуратов
Марказий банк раиси Мамаризо Нурмуратов бюджет тақчиллигининг инфляцияга бевосита таъсирини таъкидлади, бироқ регуляторда бу кўрсаткични пасайтириш воситалари йўқлигини тан олди.
Жамият
Наманганда 68 ёшли эркак 7 ёшли қизга нисбатан уятсиз ҳаракатлар қилганликда гумонланмоқда
Янги Наманган туманида 68 ёшли эркак кўчада ўйнаётган 7 ёшли қизни машинасига чиқариб, унга нисбатан уятсиз ҳаракатлар қилишда гумонланмоқда. Болалар омбудсмани эркакнинг ички ишлар тизимига алоқаси йўқлиги, ҳолат бўйича жиноят иши қўзғатилгани ва тергов кетаётганини билдирди.
1 майдан пенсия ва нафақанинг энг кам миқдорлари оширилади
Ўзбекистонда 1 майдан бошлаб иш стажи тўлиқсиз чоғдаги ёшга доир пенсия ва боқувчисини йўқотган оиланинг бир нафар меҳнатга қобилиятсиз аъзоси учун пенсия миқдори 4,3 фоизга оширилади. Бу миқдор минимал истеъмол харажатлари кўрсаткичи (камбағаллик чегараси) даражасига етказилди.
Yandex Go Ўзбекистонда электромобилларни ўз ичига олган тарифни ишга туширади
Yandex Go Ўзбекистонда электромобиллар, жумладан BYD, Dongfeng, Hongqi ва бошқаларни ўз ичига олган такси тарифини ишга туширади. Компания унинг жорий этилишини мижозларнинг электромобиллардан фойдаланиш бўйича барқарор талаби билан изоҳлади.
Бухорода ёдгорликларни таъмирлашга ажратилган 3,3 млрд сўм талон-торож қилинди
Бухорода «Арк» мажмуаси, «Хўжа калон» масжиди, «Хусайни» ва «Нодир девонбеги» мадрасалари реставрацияси учун ажратилган 3,3 млрд сўм талон-торож қилингани аниқланди. Ҳолатлар бўйича Бухоро минтақавий реставрация маркази мансабдорлари ва бошқаларга жиноий иш очилди.
Ўзбекистоннинг тўққизта ҳудудида сел келиши кутилмоқда
Ўзбекистонда 3−6 май кунлари кучли ёмғирлар ёғиши ҳисобига тўққизта вилоятнинг тоғолди ва тоғли ҳудудларда сел-сув тошқини ҳодисалари юз бериши мумкин. Айрим жойларда шамол кучайиб, чанг-тўзон ҳам кузатилади.
Тошкент вилоятида 8 майгача қор кўчиши хавфи эълон қилинди
Ўзгидромет 1−8 май кунлари Тошкент вилоятидаги Чотқол тизмаси тоғлари ҳудудларида қор кўчиш хавфидан огоҳлантирди.
Самарқандда Сobalt 15 ёшли ўқувчи қизни уриб юборди
Самарқанд шаҳрида Сobalt йўлнинг белгиланмаган қисмидан ўтаётган 15 ёшли ўқувчини уриб юборди. ЙТҲ оқибатида қиз шифохонага ётқизилди.
Бўстонлиқ туманига олиб борувчи автомобиль йўлининг бир қисми вақтинча ёпилади
Бектемир-Чорбоғ қўрғони автомобиль йўлининг 34−54 километрлари оралиғида 3 майгача транспорт ҳаракати чекланди. Бўстонлиқ туманига ташриф буюрувчиларга Чирчиқ шаҳри орқали ҳаракатланиш тавсия этилади.
Қўштепа тумани прокурори ўринбосари 2 минг доллар пора олишда гумонланмоқда
Фарғона вилояти Қўштепа тумани прокурори ўринбосарига нисбатан фирибгарлик ва пора моддалари бўйича жиноят иши қўзғатилди. У суд юритувидаги иш юзасидан айбдор шахсга нисбатан жазони енгиллатиб бериш эвазига 2000 доллар олишда гумон қилинмоқда.
Тошкентда ўзбек тилидаги китоблар ва аудиокитоблардан иборат Mutolaa мобил кутубхонаси тақдимоти бўлиб ўтди
Тошкентда Mutolaa лойиҳаси тақдимоти бўлиб ўтди — бепул мобил илова ўзбек тилидаги 1000 дан ортиқ китобларни ўз ичига олган, уларнинг ярмидан кўпи аудио версиясига эга. Матнлар профессионал дубляж актёрлари томонидан ўқилган.
Чирчиқ дарёсида қум-шағал қазиб олиниши оқибатида табиатга 83,3 млрд сўм зарар етказилгани аниқланди
Экология вазирлиги Чирчиқ дарёсидан қум-шағал қазиб олиниши оқибатида табиатга 83,3 млрд сўм зарар етказилганини аниқлади. Айбдорларга чора кўриш мақсадида ҳужжатлар Бош прокуратурага юборилди.
3−5 май кунлари Самарқанд−Тошкент йўналишида қўшимча «Афросиёб» поездлари қатнайди
3, 4, 5 май кунлари Самарқанд−Тошкент−Самарқанд йўналишида «Афросиёб» электропоездининг қўшимча ҳаракати йўлга қўйилмоқда.
Ўзбекистонда сув ва тупроқни хавфли кимёвий моддалардан тозалашга қаратилган лойиҳа амалга оширилмоқда
Ўзбекистонда ФАО ва Европа Иттифоқи кўмагида хавфли кимёвий моддаларни бошқаришни таъминлаш лойиҳаси амалга оширилмоқда. 4 млн евролик лойиҳа хавфли пестицидларни сув ва тупроқ таркибидан ажратиш, кимёвий чиқиндиларни тозалаш, зараркунандаларга қарши кураш ва бошқаларни назарда тутади.
Сирдарёда браконьерлар икки нафар экология инспекторига ҳужум қилди
Тошкент вилоятидаги Сирдарё қирғоғида ноқонуний балиқ овлаётган эркаклар икки нафар экология инспекторига ҳужум қилди. Улар инспекторларни сувга итариб, резина қайиқларини ёқиб юборган ва қочиб кетган.
Спорт
Ўзбекистонлик ҳоккейчилар U-18 Осиё ва Океания кубоги чемпиони бўлди (видео)
Ҳоккей бўйича Ўзбекистон ёшлар терма жамоаси финалда Таиландни мағлуб этиб, U-18 Осиё ва Океания кубогида кетма-кет иккинчи бор чемпионга айланди.
Жаҳон
АҚШ Сенати Россиядан уран импортини тақиқлашни маъқуллади
АҚШ Сенати 2040 йил охиригача Россиядан бойитилган уранни олиб киришни тақиқлашни маъқуллади. Россия ҳозирда Америка АЭСларида ёнилғи сифатида ишлатиладиган ураннинг деярли тўртдан бир қисмини етказиб беради.
Бизни ўқиётганингиз учун раҳмат!
