Тошкентда «Ўзбекнефтгаз» ёқилғи қуйиш шохобчаси ёнида бензин нархи ошишига ишора қилувчи граффити пайдо бўлди. Inkuzart тахаллуси билан фаолият юритадиган маҳаллий граффити рассоми Абдураҳмон 19 ноябрь куни расм чизиш жараёни акс этган видеони эълон қилди.
Граффити Учтепа тумани Катта Қаъни кўчасидаги уйлардан бирининг деворида пайдо бўлган. Унда дўппи кийган одам ёқилғи қуйиш мосламаси билан билан бошига «отаётгани» ифодаланган. Бир неча соат ўтгач, ижтимоий тармоқларда граффити бўялгани акс этган фотосуратлар пайдо бўлди.
Фото: ижтимоий тармоқлар
Интернет фойдаланувчилари ушбу расм аввалроқ Сеул (Корея Республикаси) кўчаларидан бирида чизилган граффитигаўхшашини таъкидлашган.
Сентябрь ойи бошида Inkuzart Ўзбекистон автомобиль бозоридаги монополия ҳамда машина олиш учун узун навбатларни акс эттирган янги граффити чизган эди. Бу расм ҳам тўлиқлигича бўяб ташланган.
«Газета.uz» маҳаллий Бэнкси номини олган граффитичи Inkuzart ишлари ҳақида ҳикоя қилган эди. У Абдулла Қодирий, Чўлпон ва Абрурауф Фитрат портретлари акс этган граффитларни чизган.
Шунингдек, стрит-арт қандай келиб чиққани, унинг йўналишлари, машҳур «кўча рассомлари» ҳақида ҳам мақолаэълон қилинган.
Йил бошидан буён биржаларда Аи-80 русумли бензиннинг улгуржи нархи 72,1 фоизга — бир тоннаси учун 5,81 миллион сўмдан 10 миллион сўмга қимматлашди. Шу билан бирга, асосан импорт қилинадиган ва жаҳон котировкалари билан боғлиқ бўлган бошқа турдаги (Аи-91, Аи-92 ва Аи-95) ёқилғининг ўсиш суръатлари маҳаллий аналогга нисбатан пастроқ бўлди.
Монополияга қарши қўмита нархларнинг ошиши сабаблари ва уларни барқарорлаштириш чораларини тушунтирган эди. Қўмита биржа операцияларида «манипуляция ҳаракатлари» мавжудлигини тасдиқлади. АМК арафасида биржада АИ-80 нархи пасайишни бошлагани ҳақида хабар берди.
