Биология бўйича Миллий сертификат учун тест натижалари бекор қилинди
Давлат тест маркази 10 июнь куни биология фани бўйича миллий сертификат учун ўтказилган тест натижалари эълон қилинмаслигиини маълум қилди. Бунга тестология мезонлари бузилганлиги, тест топширганларнинг мактабдаги ўртача баҳолари ва тест натижалари ўртасидаги катта тафовут ҳамда ОАВ ва ижтимоий тармоқлардаги эътироз сабаб бўлди. Тестда иштирок этган барча талабгорларнинг тўлови тўлиқ қайтарилади.
Сўровда иштирок этган ўзбекистонликларнинг 53 фоизи коронавирусга қарши эмланишга тайёр
«Ижтимоий фикр» марказининг сўровномасида иштирок этган фуқароларнинг 53,2 фоизи коронавирусга қарши эмланишга тайёрлигини тасдиқлашди. Сўралганларнинг учдан бир қисмидан кўпроғи эса (36,5 фоизи) эмланишдан бош тортмоқда. Улар бунга асосий сабаб вакцинанинг ножўя таъсирларидан хавотир ва эмланишга қарши тиббий кўрсатма эканлигини айтишган. Вакцинация борасида бир қарорга келмаган фуқароларнинг энг юқори даражаси 18 ёшдан 24 ёшгача бўлган ёшлар орасида аниқланди.
Касалланиш ҳолатлари ортмоқда: бир кунда қарийб 1000 кишида коронавирус аниқланди
Коронавирус инфекциясига чалиниш ҳолатларининг кунлик рекорди янгиланди. Пайшанба куни республика бўйлаб 974 нафар фуқарода вирус аниқланган. 6 нафар бемор вафот этди.
Шавкат Мирзиёев Туркманистон президенти билан учрашди
Президент Шавкат Мирзиёев 6 август куни Туркманистон президенти Гурбангули Бердимуҳамедов билан учрашди. Давлат раҳбарлари транспорт-логистика, савдо-иқтисодий ва маданий-гуманитар алоқаларни муҳокама қилдилар.
Бухородаги «Абдуллахон» мадрасаси деворининг қулаши бўйича жиноят иши қўзғатилди
Июль ойи охирида Бухоро шаҳридаги «Абдуллахон» мадрасаси деворининг бир қисми қулаб тушган эди. Ҳолат юзасидан «мансабга совуққонлик билан қараш» моддаси билан жиноят иши қўзғатилди.
«Миллий тикланиш» Алишер Қодиров номзодини президентлик сайловларида илгари суради
2021 йилги президентлик сайловларига «Миллий тикланиш» демократик партиясидан Алишер Қодиров номзоди эълон қилинди.
Марказий Осиё мамлакатлари раҳбарларининг норасмий учрашуви (фото)
Туркманистоннинг «Аваза» миллий сайёҳлик зонасида Марказий Осиё мамлакатлари президентларининг норасмий форматдаги учрашуви бўлиб ўтди.
«Сайловда ғолиб бўлишни ният қиляпмиз» — Алишер Қодиров
«Миллий тикланиш» партияси раҳбари Алишер Қодиров президентлик сайловларида ғалаба қозонишни ният қилаётганини билдирди. Унинг таъкидлашича, ушбу сайлов аввалгиларидан фарқ қилади. Шунингдек, у агар президент этиб сайланса, дастлаб таълим ва тарбия соҳаларида ислоҳотларни амалга оширишини айтиб ўтди.
«Минтақа муаммоларининг ечимига биргаликда эришамиз. Бошқа муқобил йўл йўқ!» — Шавкат Мирзиёев
Шавкат Мирзиёев Марказий Осиё давлатлари раҳбарларининг учинчи Маслаҳат учрашувида нутқ сўзлади. Унда давлат раҳбари пандемия сабабли тўхтатилган транспорт ҳаракатини тўлиқ тиклаш, тест натижалари ва эмлаш сертификатларини тан олиш бўйича ягона ахборот тизимини ишга тушириш, озиқ-овқат хавфсизлигини мониторинг қилиш бўйича минтақавий тизимни жорий қилишни таклиф этди.
Токио-2020. Ўзбекистонлик курашчи Бекзод Абураҳмонов бронза медали соҳиби бўлди
Ўзбекистонлик эркин курашчи Бекзод Абдураҳмонов қозоғистонлик Данияр Кайсановни мағлуб этиб, Токио-2020 Олимпия ўйинларининг бронза медалига сазовор бўлди. Шунингдек, ўзбекистонлик спортчиларнинг бошқа натижалари ҳақида батафсил.
USAID ўзбек мактаблари учун инглиз тили ва IT бўйича хорижий дарсликларни сотиб олди
USIAD халқаро нашриётлар томонидан ишлаб чиқилган Ўзбекистондаги мактаблар учун информатика ва инглиз тили дарсликларини сотиб олди. Улар 2021−2022 ўқув йилида мамлакатнинг 200 та мактабида синовдан ўтказилади. Шунингдек, агентлик Ўзбекистон учун махсус ишлаб чиқилган она тили, математика ва информатика бўйича таълим стандартларини Халқ таълими вазирлигига топширди.
Яна 1 млн доза хитой-ўзбек вакцинаси олиб келинди
6 август куни Ўзбекистонга ZF-UZ-VAC2001 вакцинасининг яна 1 млн дозаси олиб келинди. Шундай қилиб, жами вакцина захираси 13 млн 580 минг 60 дозани ташкил қилмоқда.
«Газета.uz»да чиққан мақолалар:
Афғонистон: Марказий ва Жанубий Осиё ўртасидаги кўприкми ёки ажратувчи омил?
Афғонистон Марказий ва Жанубий Осиёнинг ўзаро боғлиқлигини ривожлантиришда географик жиҳатдан муҳим роль ўйнайди. Мустақил тадқиқотчи Акрам Умаров минтақалар давлатлари ўртасидаги ҳамкорликни ривожлантириш йўлидаги муаммолар ва имкониятларда Афғонистон омили ҳақида ёзади.
