28-sentabr kuni soat 02:43 da Toshkent shahri Sergeli tumani Xonobod ko‘chasi 3-uy manzilida joylashgan “Inter Logistics” MCHJga qarashli 18,4 gektar yer maydonda joylashgan omborxonada taxminan 10 000 kv metr maydonda yong‘in ortidan kuchli portlash yuzaga keldi.
Portlash zarba to‘lqini natijasida omborxona atrofida joylashgan ko‘plab ko‘p qavatli uylar, binolarga hamda transport vositalariga shikast yetdi. Qolaversa, 163 nafar fuqaro jarohatlandi. Portlash oqibatida 2006-yilda tug‘ilgan voyaga yetmagan fuqaro olgan jarohati oqibatida vafot etgani ma’lum bo‘ldi.
“Gazeta.uz” muxbirlari voqea joyidan bir qancha fotoreportajlar tayyorladi. Jumladan, fotomuxbir Madina A’zam portlash natijasida talafot ko‘rgan aholi, obyektlar va yashash uylarini kamerasi obyektiviga muhrladi.
Voqea joyidan “Gazeta.uz” muxbirlari tayyorlagan reportajlar bilan quyidagi havolalar orqali tanishib chiqishingiz mumkin.
