28 сентябрь куни соат 02:43 да Тошкент шаҳри Сергели тумани Хонобод кўчаси 3-уй манзилида жойлашган «Inter Logistics» МЧЖга қарашли 18,4 гектар ер майдонда жойлашган омборхонада тахминан 10 000 кв метр майдонда ёнғин ортидан кучли портлаш юзага келди.
Портлаш зарба тўлқини натижасида омборхона атрофида жойлашган кўплаб кўп қаватли уйлар, биноларга ҳамда транспорт воситаларига шикаст етди. Қолаверса, 163 нафар фуқаро жароҳатланди. Портлаш оқибатида 2006 йилда туғилган вояга етмаган фуқаро олган жароҳати оқибатида вафот этгани маълум бўлди.
«Газета.uz» мухбирлари воқеа жойидан бир қанча фоторепортажлар тайёрлади. Жумладан, фотомухбир Мадина Аъзам портлаш натижасида талафот кўрган аҳоли, объектлар ва яшаш уйларини камераси объективига муҳрлади.
Воқеа жойидан «Газета.uz» мухбирлари тайёрлаган репортажлар билан қуйидаги ҳаволалар орқали танишиб чиқишингиз мумкин.
