Коронавирус билан боғлиқ иқтисодий хатарлар сабабли АҚШ 2008 йилдан буён илк бор қайта молиялаш ставкасини фавқулодда пасайтирди.
Туркия армияси Идлибда ўз ҳарбийларининг ҳалок бўлиши ортидан Сурия қўшинлари позицияларига жавоб зарбаларини берди. Туркияда можаролар манзарасида ижтимоий тармоқларга ва YouTube видеохостингига кириш чекланган.
Саудия Арабистони коронавирус тарқалиши туфайли зиёратчилар учун Макка ва Мадинага киришни тўхтатди.
Токиодаги ёзги Олимпия ўйинлари коронавирус туфайли бекор қилиниши мумкин. Ташкилий қўмита мусобақа давомида вирус бўйича хавфсизликни кафолатлай олмаса, ХОҚ Олимпиадани бекор қилади.
Мисрнинг собиқ президенти, мамлакатни 30 йил бошқарган Ҳусни Муборак 91 ёшида вафот этди.
Украинанинг Полтава вилоятида аҳоли Ухандан келтирилганларни жойлаштиришга қарши норозилик билдирди. Мамлакат соғлиқни сақлаш вазири 14 кунлик карантин муддатини эвакуация қилинганлар билан биргаликда ўтказишга қарор қилди.
Афғонистонда беш ой аввал бўлиб ўтган президентлик сайлови якунлари эълон қилинди. Амалдаги президент Ашраф Ғани ғолиб деб тан олинди.
910 киши коронавирус қурбони бўлди, улардан иккитаси Хитойдан ташқарида. ЖССТ касаллик тарқалиши бир мунча секинлашганини қайд этди.
«Энг яхши актёр» номинациясида «Жокер» фильмидаги ижроси учун Хоакин Феникс «Оскар» мукофотига сазовор бўлди. 10 февраль куни 2020 йилда мукофотга лойиқ топилган номинация ғолиблари эълон қилинди.
Таиландда ҳарбий хизматчининг савдо марказига ҳужуми оқибатида 26 киши ҳалок бўлди ва 57 киши жароҳат олди. Оммавий қотил махсус операция вақтида йўқ қилинди.
Қозоғистон жанубидаги Масанчи қишлоғида содир бўлган оммавий жанжал натижасида 8 киши вафот этди, 40 киши жароҳатланди ва 47 киши ҳибсга олинди. Президент топшириғи билан ҳукумат комиссияси тузилди.
Туркия шарқида содир бўлган икки кўчкиси натижасида камида 38 киши ҳалок бўлди. Шавкат Мирзиёев Режеп Таййип Эрдоғанга ҳамдардлик билдирди.
Истанбулда Pegasus авиакомпанияси самолёти қаттиқ қўниши натижасида 3 киши ҳалок бўлди, 179 киши жароҳат олди.
Лондонда йўловчиларга пичоқ билан ҳужум қилиб, уч кишини жароҳатлаган шахс полиция томонидан отиб ташланди. Кейинроқ унинг терроризмда айбланиб қамалгани ва январь охирида озодликка чиққани маълум бўлди.
Россияда коронавирус билан касалланиш билан боғлиқ дастлабки иккита ҳолат Байкалорти ўлкаси ва Тюмен вилоятида аниқланди. Иккала бемор ҳам Хитой фуқаролари. Россияликларни Ухандан эвакуация қилиш тўғрисида қарор қабул қилинди.
Женевадаги шошилинч йиғилишда ЖССТ 2019 n-CoV коронавируси тарқалиши билан боғлиқ халқаро миқёсдаги фавқулодда ҳолат эълон қилди.
Европарламент кўпчилик овоз билан Brexit битимини маъқуллади. Келишувни 621 депутат қўллаб-қувватлади, 49 нафари қарши чиқди, 13 нафари эса бетараф қолди.
Чехиялик дастурчилар транспорт вазири 16 миллион евро сарфлашни истаган сайтни дам олиш кунлари бепулга тайёрлаб беришди.
АҚШ ва Япония расмийлари ўз фуқароларини Ухандан эвакуация қилишни бошлади. Хитой ТИВ ўз фуқароларини эвакуация қилишда қаттиқ туриб оладиган давлатларга ёрдам беришга тайёрлигини маълум қилди.
Хитойда янги турдаги коронавирус туфайли келиб чиққан пневмониядан вафот этганлар сони 106 кишига етди. Касалланганлар сони эса 4,5 мингдан ошди.
Қўшимча имкониятларга эга булиш учун сайтда рўйхатдан ўтинг