Андижонда «масъулиятсиз» раҳбарлар кўкрак нишонлари билан белгиланди
Андижон вилояти раҳбарларига иш натижаларига қараб «масъулиятсиз раҳбар» ва «масъулиятли раҳбар» сўзлари ёзилган нишонлар берилди. Бу иш Андижон вилояти ҳокими Шуҳрат Абдураҳмоновнинг ташаббуси билан амалга оширилди.
Бразилия президентида коронавирус тасдиқланди
Бразилия президенти Жаир Болсонарунинг коронавирусга топширган тест натижалари ижобий чиқди. У уйдан туриб ўз иш фаолиятини давом эттиради.
Коронавирус беморлари сони 10800 нафардан ошди
Коронавирус беморлари сони 168 нафарга ортиб, жами 10838 кишини ташкил этмоқда. Янги ҳолатларининг 161 нафари Қашқадарё вилоятида ва 7 нафари Наманган вилоятида қайд этилди. Шундан 38 нафари аҳоли орасида.
Тошкентлик 64 ёшли коронавирус бемори вафот этди
Коронавирус инфекциясига чалинган 64 ёшли тошкентлик бемор (аёл) ўткир нафас ва юрак қон-томир етишмовчилигидан вафот этди. COVID-19 асоратларидан вафот этганлар сони 41 нафарга етди.
Тез тиббий ёрдам автомашинаси иштирокидаги ЙТҲда 2 киши вафот этди
Бухоро вилоятида тез тиббий ёрдам автомашинаси ҳайдовчисининг эҳтиётсизлиги оқибатида йўл четида тўхтаб турган Isuzu юк автомобилининг орқа қисмига бориб урилган. ЙТҲ натижасида тез тиббий ёрдам автомашинасининг ҳайдовчиси ва йўловчиси воқеа жойида вафот этишган.
«Ғафур Ғулом боғининг ўрнида қурилиш бўлиши ҳақидаги қўрқувлар асоссиз» — Тошкент ҳокимлиги
Тошкент ҳокимлиги яна бир бор Ғафур Ғулом номидаги истироҳат боғи фуқаролар дам олиш жойи сифатида яшил зона бўлиб қолишини таъкидлади. Аввалроқ ижтимоий тармоқларда унинг ўрнида турар-жой мажмуаси ёки бизнес-марказ қурилади, деган гап-сўзлар тарқалган эди.
«Ўзсаноатқурилишбанк» Навоий филиали раҳбари ўринбосари вафот этди
Навоийда «Ўзсаноатқурилишбанк» филиали бошқарувчиси ўринбосари Х. Ш. вафот этди. Унда коронавирус аниқланган эди.
Сергелида умумхалқ хайрия ҳашари маблағлари талон-тарож қилинди
«Маҳалла» жамғармасининг Сергели бўлими мансабдор шахслари умумхалқ хайрия ҳашари ҳисобидан келиб тушган 95,8 млн сўмни талон-тарож қилгани аниқланди. Уларга қарши жиноят иши қўзғатилди.
Яна 128 нафар кишида коронавурус аниқланди (жами — 10587)
Коронавирус ҳолатлари 128 тага кўпайиб, жами 10587 нафарга етди. Янги ҳолатларнинг 112 нафари Тошкент шаҳрида, 11 нафари Қорақалпоғистонда, 2 нафардан Жиззах ва Қашқадарё вилоятларида ҳамда 1 нафари Тошкент вилоятида аниқланди. Шундан 34 нафари аҳоли орасида қайд этилди.
Фарғона Боткенга коронавирус тестлари ва тиббий ускуналар тақдим этди
Фарғона вилояти Қирғизистоннинг Боткен вилоятига коронавирус тестлари ва тиббий асбоб-ускуналарни ўз ичига олган гуманитар ёрдам юборди.
Тошкентлик 79 ёшли коронавирус бемори вафот этди
Коронавирус инфекциясига чалинган 79 ёшли тошкентлик бемор (эркак киши) ўткир нафас ва юрак қон-томир етишмовчилигидан вафот этди. Таъкидланишича, у шифокорларга мурожаат қилмасдан бир ҳафта давомида уйида даволанган. COVID-19 асоратларидан вафот этганлар сони 39 нафарга етди.
Ўзбекистон ва Корея ўртасидаги савдо айланмаси 2,7 млрд долларни ташкил этди
2019 йил якунларига кўра, Ўзбекистон ва Жанубий Корея ўртасидаги савдо айланмаси ўтган 5 йил давомида энг юқори натижа — 2,7 млрд долларни ташкил этди. 6−7 июль кунлари Ўзбекистон делегациясининг Сеулга амалий ташрифи давомида янги келишувларга эришилди.
Спорт тарихидаги рекорд шартнома имзоланди — 10 йилга 503 млн доллар
Американча футбол жамоаси «Канзас-Сити Чифс» аъзоси Патрик Махоумс спорт тарихидаги энг йирик шартномани имзолади. Шартнома қиймати 503 млн доллар бўлиб, 10 йил муддатга тузилди.
Жиззахда карантин талаблари кучайтирилади — тадбирлар рўйхати
Жиззах вилоятида коронавирусга чалинган беморлар сони ортиб бораётгани сабабли Жиззах шаҳрида карантин чоралари кучайтирилади. Хусусан, шаҳарга кириш ва чиқишда кўшимча постлар ташкил этилади, автотранспорт воситаларининг махсус рухсатномасиз ҳаракатланиши чекланади.
Жиззах шаҳар ҳокимлиги биноси карантинга олинди
Жиззахда шаҳар ҳокимлиги ходимида коронавирус аниқлангани сабабли ҳокимлик биноси карантинга олинган. Айни пайтда ҳокимлик ходимлари ўз ишларини масофадан туриб давом эттиришмоқда.
Молия вазирлиги банклар устидан назоратни кучайтиради
Молия вазирлиги кузатув кенгашларидаги мустақил хорижий директорлар орқали давлат банклари устидан назоратни кучайтиришни режалаштирмоқда. Молия вазири Тимур Ишметовнинг таъкидлашича, баъзи банклар «тушунарсиз шароитларда» катта кредитларни тасдиқлашган.
«Абу Сахий» савдо маркази вақтинчалик ёпилди
Чилонзорда жойлашган «Tashkent Trade Center» (Абу Сахий) савдо маркази маъмурияти ишчилари ва у ерда фаолият кўрсатаётган тадбиркорларда коронавирус инфекцияси аниқланди. Савдо маркази вақтинчалик ёпилди.
АҚШ айрим чет эллик талабаларига виза чекловларини жорий этди
АҚШ ҳукумати 2020 йил кузги семестрда тўлиқ онлайн бўлган ўқув муассасалари ва дастурларга қабул қилинган F-1 ва М-1 визасига номзод талабаларга виза беришни вақтинчалик тўхтатди. Ҳозирда АҚШда бундай дастурларда таълим олаётган талабалар мамлакатни тарк этишлари ёки қонуний мақомда қолиш учун юзма-юз ўқитиладиган ўқув муассасасига ўтиш каби бошқа чораларни кўришлари керак бўлади.
Чартер рейси билан Жанубий Кореяга ишга қайтган фуқарода коронавирус аниқланди
Корея Республикасидан таътилга келиб, чартер рейс орқали Сеулга қайтган фуқаролардан бирида коронавирус аниқланди.
Наманган вилоят СЭОМ мансабдорлари 248,9 сўмлик бюджет маблағларини талон-тарож қилди
Наманган вилоят СЭОМ мансабдор шахсларининг дезинфекция воситаларини аслидан қиммат нархларга сотиб олиб, 248,9 млн сўмни талон-тарож қилгани аниқланди. Аввалроқ Навоий ва Бухоро вилоят СЭОМ мансабдорлари ҳам худди шу йўл билан жиноят содир этган эди.
Қўшимча имкониятларга эга булиш учун сайтда рўйхатдан ўтинг