Тошкентдан Қозоғистоннинг Хоргос ва Петропавлск шаҳарларига мунтазам автобус қатновлари йўлга қўйилди.
Мартдан бошлаб кеча-кундуз ишлайдиган ҳожатхоналари бўлмаган АГТКС, АГҚС ва АЁҚСларнинг фаолият кўрсатиши тақиқланади. Улар эгаларига савдо ва овқатланиш шохобчаларини очиш тавсия қилинди.
Хитойнинг Liaoning Leader компанияси Бухоро вилоятида 1,8 млрд долларлик шамол электр станциясини қуришга киришди.
Собиқ Чорсу меҳмонхона комплекси 1 сўмга тенг қийматдаги бошланғич нархда сотувга қўйилди.
Антимонополия қўмитаси «Ўзстандарт» агентлигига истеъмолчилар ҳуқуқларини ҳимоя қилиш тўғрисидаги ҳужжат лойиҳасининг бир қатор бандларини қайта кўриб чиқишни тавсия қилди. Улар истеъмолчилар манфаатларига зид келиши ва коррупцияни келтириб чиқариши мумкин.
Тошкентнинг Қоратош мавзесида «Татнефть»нинг Ўзбекистондаги биринчи флагман ёқилғи қуйиш шохобчасини очди. Станцияда АИ-100 бензини ҳам сотилади.
Қишлоқ хўжалиги вазири Жамшид Ходжаев Қишлоқ хўжалигини ривожлантириш стратегияси лойиҳасининг энг муҳим йўналишлари — экин ерларини аукцион орқали бериш, пахта ва буғдойга давлат буюртмасини бекор қилиш ва бошқалар тўғрисида маълумот берди.
Уч йиллик «инвестор визаси» жорий этилмоқда. У Ўзбекистонга 1,7 млрд сўмдан (183,1 минг доллар) ортиқ сармоя киритган чет эл фуқароси ва фуқаролиги бўлмаган шахсларга расмийлаштирилади.
3,2 млн гектар ерга 46 млрд куб метр сув сарфланиб, унинг 60 фоизи экинларга етиб боряпти, холос. Президент сувлардан фойдаланиш самарадорлигини оширишни топширди.
Эндиликда, якка тартибда ва қишлоқ жойларда намунавий қурилган арзон уй-жойлар учун ипотека кредитлари 2 йиллик имтиёзли давр билан 20 йил муддатга берилади. Ипотека кредитини олиш учун ёш чегараси белгиланди.
Самарқанддаги эшкак эшиш канали ҳудудида туристик марказ қурилиши бошланди. Каналнинг табиий шарт-шароитлари сақлаб қолинади ва спорт тадбирлари давом эттирилади.
Молия вазирлиги ва ҳокимият «Тошшаҳартрансхизмат» ва метрополитеннинг 47,7 млрд сўмлик зарарларини қоплайди, ушбу маблағлар дизел ёқилғиси ва электр энергияси учун қарзларни тўлашга сарфланади.
2020 йил 1 мартдан 25 сўмлик ва ундан кичик номинал қийматдаги тангалар ва банкнотлар муомаладан чиқарилади.
Енгил саноатни янада ривожлантириш ва тайёр маҳсулотлар ишлаб чиқаришни рағбатлантириш чора-тадбирлари тўғрисидаги президент қарори қабул қилинди.
Шавкат Мирзиёев раислигида саноатни ривожлантириш, маҳаллийлаштириш даражасини ошириш ва кўламини кенгайтириш масалаларига бағишланган видеоселектор йиғилиши бўлиб ўтди.
2019−2020 йилларда Самарқанд халқаро аэропортида хизмат кўрсатишни ривожлантириш учун янги терминал қурилади.
Наманганда ўтказилган «ХХI асрда тиббиёт ва фармацевтиканинг ривожланишида инвестициялар ва инновацияларнинг роли» мавзуида халқаро конференцияда 92,7 млн. долларлик келишувга эришилди.
Президент қарорига асосан Ўзбекистонда ишлаб чиқарилган янги автотранспорт воситаларини сотиб олганлик учун йўл жамғарамасига амалга ошириладиган йиғим ишлаб чиқарувчилар томонидан тўланади.
Қашқадарё вилоятида иқтисодий судлар томонидан олти ойда 483 млрд сўмдан ортиқ маблағ давлат бюджетига ундирилди.
Қашқадарё вилоятида «Чироқчи» эркин иқтисодий зонаси ташкил этилади.
Қўшимча имкониятларга эга булиш учун сайтда рўйхатдан ўтинг